傻夫婦一家四口生活日誌: 3月 2012

2012年3月28日星期三

太古APITA FOOD COURT美食

星期六阿旺要去拜山，我大肚所以無一齊去啦﹗阿旺好乖咁一早帶大頭妹去上PLAYGROUP

(都唔一早...其實都上11:00)，之後再出發去老爺家集合，好彩阿妹岩岩到，幫我去地鐡站接大頭妹放學﹗佢話當大頭妹見到爸爸無上地鐡的一刻，即時呆咗...由北角呆到太古先有少少反應

﹗次次大大頭妹上完PLAYGROUP都會比我睇佢做的勞作，等我讚佢﹗今次仲識叫我 "STICK" ，即是要"貼堂"﹗我地係走廊貼晒佢的大作架﹗﹗﹗

大頭妹好鍾意食乳酩，成日係我個 "乞丐兜爭飯食" (乳酪是我的糖尿餐的小食)﹗

好留心咁睇廣告﹗

一見我影佢就古靈精怪﹗

之後等埋媽咪放工，就一齊去太古食LUNCH/ TEA啦﹗

墨魚丸...我超級鍾意食﹗

套餐拼綠茶牛奶﹗

印度薄餅

咖哩

媽咪忽然想食壽司﹗

仲買埋生果﹗

大頭妹一落街就瞓啦﹗HEHEHEH...仲好...我地可以安安落落咁食﹗

2012年3月27日星期二

朋友仔AMY生日@意粉屋

其實都唔知有幾多年無去過意粉屋﹗好似中學之後都沒有去過了﹗不過今次因為要去東港城探BB，但又唔熟東港城的餐廳，所以選擇了意粉屋 (睇完OPEN RICE，淨係識呢間咋﹗) 。食物的水準都ok，又有BB餐具

(依家睇餐廳好多時都會睇呢一點)，不過大頭妹係都要用我地大人的餐具，真是比佢激C﹗

小食拼盤，個暮條同春卷都幾好味﹗不過其餘的都無試。

龍蝦2人餐的頭盤。

龍蝦湯，我都有飲咗半碗...又破戒了﹗

龍蝦意粉，原隻龍蝦架﹗HEHEHE...我都食了一點點﹗

大頭妹都有份食薯條。

芝士焗西蘭花，份量細得驚人﹗

探完BB之後，去了食聰嫂甜品，好好好好味的榴槤晶珠糕。
其實食完都唔知係咩，淨係好重榴槤味﹗

2012年3月26日星期一

有LIKE我FANS PAGE的BLOG友應該都知道，我工人姐姐決定唔續約﹗

其實早在12月的時候，我地已經問佢續約的問題，佢當時問我地點解咁早問佢。我話因為我地有了細B，都要早少少有個預算，叫佢農曆新年前覆我地 (實情是我朋友個工人同佢有聯絡，佢話我工人同佢講佢唔續約，唔想湊兩個BB)。之後佢話佢父母想佢返印尼 "結婚" (通常都是呢個藉口)，又話自己4年無返過佢，可能佢家人怕佢以後都唔返去，不過佢自己就唔想返，問我可唔可以比佢放假返印尼結婚，"應酬" 佢父母先。咁我其實都無所謂，我地有小朋友的，最緊要是個工人湊得掂我地個小朋友，佢肯續約，只是要返一返印尼，我當然無問題。我叫佢係我產假的時候放同問佢想放幾耐，咁唔洗佢放假，我同阿旺是但一個又要請假。之後佢覆返我一個日子 (5月20- 6月10日，即3星期)，同埋問我RENEW CONTRACT之後可唔可以一年返印尼一次，我話只要佢提早同我地講，而我地又請到假的，就唔大問題，但機票錢係點計？﹗佢好快咁答我佢自己會出，然後又話好多顧主會一人半 (我當然唔信)，我話我會問AGENT﹗AGENT的回覆當然是佢自己要負責啦﹗

當我以為已經是CONFIRM的時候，佢無啦啦 SEND MESSAGE問阿旺新CONTRACT會唔會有FOOD ALLOWANCE，其實我地有包佢食，佢都有係我地比佢的PETTY CASH入面買早餐同LUNCH﹗每個月都用大約$200多少少買飯盒 (吉野家/ 街市的印尼小食)﹗銀碼唔太大，我地都好少過問佢。不過當時我地其實已經覺得怪怪地，同我傾的時候又唔講錢，之後竟然 SEND個MESSAGE問，仲要問另一個﹗﹗﹗咁阿旺回佢MESSAGE講叫佢LIST晒佢的 "要求" ，包括工作內容，我地再傾﹗如是者佢一路無同我地傾。

之後我上星期二CONFIRM咗佢返印尼的來回機票，佢星期五再WHATSAPP我話都是唔續約啦﹗我打比佢問佢原因，佢話因為阿旺一直無覆佢FOOD ALLOWANCE，我話如果係咁，點解佢唔同我講﹗之後我再同佢講如果佢唔RENEW，我唔會批佢EXTRA HOLIDAY (佢REQUST咗18日，但佢只有11日年假)，佢應該係CONTRACT完之前扣返年假返印尼，佢仲問我機票唔係無得改期咩？﹗(我未請過工人真是唔知，唔係我問佢續唔續約，無講幾錢人工就即是最低工資咩？﹗如果佢要求加人工，咁佢係唔係應該CONFIRM我的時候同我講呢？﹗)

之後我地第2日再同佢傾，佢話我地咁遲都唔同佢傾TERMS，令佢時間好趕急，佢話RENEW CONTRACT應該要好似新CONTRACT咁傾一次 ﹗我話我未請過工人，不過上AGENT的WEBSITE話，完約前一個月前傾就可以，而且阿旺之前都同佢講 4月初同佢傾。佢再話之前問過阿旺要FOOD ALLOWANCE，阿旺無覆佢，我就問佢點解要FOOD ALLOWANCE，其實佢每個月都已經有用我地的PETTY CASH買LUNCH BOX，我問過我朋友，大部份的工人都是晚餐煮多，第2日中午食。湊2個都無話比多啲人工，上次最低工資加咗，都是得我地加咗工人人工﹗﹗﹗我話我地之前早咗問佢續唔續約是因為我地將會有2個小朋友，知道有啲工人唔想湊兩個，如果佢唔做我地都要時間請一個新的。同埋佢無可能唔知如果我地包佢食是無FOOD ALLOWANCE﹗攞咗FOOD ALLOWANCE就要一日三餐都自己搞掂，連油米都要自己買﹗佢唔出聲...我再問佢咩佢有朋友有FOOD ALLOWANCE咩？﹗佢又唔出聲﹗我叫佢自己諗清楚，我地只可以比$3900，如果佢覺得唔夠，佢就要搵過一個新的僱主﹗我地都要時間請一個新人﹗

不過我同阿旺都覺得唔可以再信佢，如果佢返完印尼先話唔做，我地反而唔夠時間請一個新的﹗有冇有經驗的朋友可以教下我地應該點HANDLE呢個CASE呢？如果佢唔RENEW，我當然唔會比佢放多過佢應有的假期啦﹗仲要我當時坐月等人用，不過如果佢依家已CONFIRM我唔續約...老實...大家仲要對住大家3個月，都幾難搞﹗佢自己CONFIRM我唔續仲可能好少少，但如果我要佢改假期 (無論是DELAY/ 改短)，我都怕佢會發難 (之前冇諗過呢個問題，不過因為佢星期六個日好反常，竟然依足晒我的INSTRUCTION做野，佢從來未跟過我的INSTRUCTION用60度水洗床單，佢個日依然用60度洗床單，仲抹大閘...之前未見過佢做﹗我估可能佢見我話唔RENEW就CANCEL佢個假就扮野﹗)﹗

好好彩，我仲有1個月就放產假，就算佢一個月通知我唔做，我都已經開始放產假，唔會無人係屋企湊大頭妹﹗依家仲有足夠的時候請一個新的﹗我產假的時候都已經請多了一個PART TIME鐘點姨姨，情況算好樂觀﹗星期五的時候，仲已經約了一間AGENT 今個星期INTERVEIW新工人。大家如果有好工人/ AGENT介紹，請通知我﹗

2012年3月23日星期五

大頭妹22個月啦﹗

哈哈哈﹗大家無見我2日，有冇以為我入院生小丸子呢

？﹗其實小丸子未出世，不過我好努力咁織冷衫，所以無時間寫BLOG

﹗最近織的 "小白兔"，大頭妹好鍾意，依家唔知點算啦？﹗上次織比小丸子件外套，工人姐姐竟然比咗大頭妹著，真是比佢激死﹗如果比大頭妹著先，我都唔洗織過啲新衫啦﹗唉...話佢仲要笑笑口話因為大頭妹岩著，所以比佢著

﹗仲要大頭妹總共有 4-5 件新的外套﹗其中一件 NICHOLAS & BEARS，同一件POLO好貴架﹗﹗﹗過一陣又唔岩著啦﹗

講返大頭妹的22個月成長報告先﹗佢最近忽然好似知我 "大肚" 有妹妹啦﹗有時會拎起我件衫，錫下我個肚，又唔知點解成日會話 "妹妹覺覺" (意思是妹妹是我肚入面瞓覺)，我從來都無同佢講妹妹係肚入面係瞓覺架喎﹗唔通佢記得自己BB的時候係我肚入面瞓覺？﹗實在太耐人尋味...。最近仲成日拎起人啲衫 (包括佢自己) 叫妹妹﹗有一次好搞笑，睇 "5覺大戰"，佢地要摸個肥仔的肚，佢一見到就好開心叫妹妹

﹗﹗﹗

睇返媽媽會的EMAIL: 22個月的小朋友應該大約有以下的發展:
重複別人的說話 (又唔算多喎，我見有啲小朋友真是好似鸚鵡咁，你講一句，佢即時講一句架﹗)
開始明白較複雜的要求 (我都唔明呢個咩意思，點為之複雜呢

？)
了解物件在體積上的顯著差距，但細微的體積變化則未能分 (咁我又唔佢識唔識喎，不過如果是食物，佢一定要食最大個件囉﹗貪心人

﹗﹗)
經常問「那是什麼？」 (又好少喎﹗)
開始記得不久前發生的事情，並估計即將發生的事 (佢好好記性...不過估計即將發生的事...即是咩？)
能夠配對相似形狀 (識)
可以好好地運用雙手及手指 (識)
即使沒有特別的訓練，也能把兩、三種動作組合起來(識)
能疊起四塊的積木 (識)
能蓋好或拿走容器的蓋子 (識，不過扭的樽蓋就識關唔識開)
不願上床睡覺 (原來...呢個時候唔鍾意瞓

？﹗不過大頭妹幾時都唔鍾意瞓﹗)
喜歡為自己做事 (最近鍾意畫畫囉﹗)
發白日夢時會自言自語，從而發揮日常累積的經驗 (又唔明啦...算啦﹗)

2012年3月20日星期二

維特健靈「小兒靈芝蜜」

好多謝維特健靈的MARKETING送咗支小兒靈芝蜜比大頭妹試

﹗收到都一段日子啦﹗不過因為突如而來的妊娠糖尿，搞到我一直都未比大頭妹試...HHEHEHE...係...我妊娠糖尿同大頭妹飲蜜糖是無關係的﹗不過我本來打算同佢一齊飲嘛

﹗雖然是小兒靈芝蜜，不過大人細路都飲得﹗咁今次益阿旺啦﹗佢一直都有鼻敏感，由佢去試就最岩啦﹗

我知道好多媽咪都好抗拒中草藥成份的產品，尤其是比小朋友食﹗不過我自己就一向都相信中醫/ 中成藥保健產品 (當然是要有質素保証的啦﹗)，個人認為其實只要 "適當" 運用中藥/ 保健產品，對健康是有一定的幫助，但當然又唔可以只依賴保健產品啦﹗通常大頭妹病病豬，流鼻水就食保嬰丹，咳就食猴棗散﹗有發燒就一定睇西醫﹗其實之前我睇西醫，個西醫都好老實咁話，除咗退燒藥，其實好多BB的藥水幫助都唔大，因為BB太細，啲藥唔可以太STRONG，但唔STRONG又打唔低啲菌﹗所以大家有冇發覺，BB好多時都要睇好幾次醫生先好返，其實可能只是靠自己打敗啲病菌﹗不過BB病真是一定要帶佢地去睇醫生 (唔好睇完我個BLOG，話我話唔洗睇醫生

)﹗

呀 ﹗我又越講越遠，講返小兒靈芝蜜﹗我自己之前都是做保健產品公司的，對市面的牌子有一定的 "認識' ，所以當收到維特健靈的邀請，都好放心比大頭妹試﹗不過我當然都會上網 "研究" 一下成份啦﹗我唔會當大頭妹是白老鼠的﹗維特健靈的官網話: 小兒靈芝蜜由五類六種野生靈芝及森林蜂蜜研製而成，可增強抵抗力，健脾補腦，開胃及助便秘，大人、小朋友及半歲的嬰兒都可飲用。我自己覺得最好都等小朋友1歲以才試蜜糖，因為天然的蜜糖有可能有肉毒桿菌，消毒過的蜂蜜其實相當安全，但都是穩陣啲好﹗

講咗咁耐其實小兒靈芝蜜有咩好處呢？﹗ QUOTE FROM 官網: 1. 維持呼吸道健康﹑改善咳和鼻敏﹑增強免疫力。2. 促進腦部發展﹑提升記憶力﹑專注力。3. 健脾開胃﹑改善偏食煩惱。其實即是靈芝的功效(主治虛勞、咳嗽、氣喘、失眠、健忘、食欲不振、消化不良)，加蜂蜜功效 (清熱﹑潤燥)﹗

盒內有小匙，跟返說明書的份量沖就ok啦﹗

沖了一小杯比大頭妹﹗

試飲啦﹗

甜甜地...小朋友實鍾意啦﹗

古古惑惑咁﹗其實平時我地好少比甜野佢飲﹗今次佢發達啦﹗
仲一邊飲，一邊話YUMMY﹗

見到爸爸影佢就多多表情﹗

MONSTER﹗

暫時飲咗幾日，未清楚功效，叫阿旺試多幾日，再同大家報告下...大頭妹就應該唔識同我報告架啦﹗

如果大家都有興趣，可以到佢地的網頁睇下: http://www.vitagreen.com/zh/lingzhi-honey

2012年3月19日星期一

第34週﹗第4次健康院檢查﹗

2012年3月29日 (星期四)

話咁快就34週啦﹗好快就會見到小丸子﹗上次大頭妹38週3日就出世﹗如果小丸子都早少少的話，仲有一個月就見到佢啦

! 開始有少少緊張﹗其實都預備得7788﹗而且有一次經驗，今次應該唔會有大問題﹗

今日產檢我又重唔夠啦﹗今次重得 0.3KG，得55.2KG (121.5磅)，其實不用上磅，我自己都知道自己瘦咗﹗手臂都瘦咗﹗最慘是胸都平咗﹗我地呢啲平胸的，一瘦就是瘦個胸

﹗今次可能可以好快收身

﹗阿旺不停叫我唔好再跟個糖尿餐，怕我營養不良，不過如果唔戒口，到小丸子出世血糖低先怪自己...又好似不是太好﹗其實我日日都有飲鮮奶/ 食乳酪，又有食芝士，應該都好健康嘅﹗都隔日有飲湯/ 食糖水﹗HEHEH...大家想減肥的...可能可以試下個糖尿餐﹗

其他都一切正常，醫身話BB SIZE正常 (都是用軟呎度)，已經轉咗頭﹗唉吔...仲未約陸醫生，其實都真是要照一次ULTRA SOUND，睇下BB SIZE是否真的正常﹗EASTER前要辦妥呢件事﹗

之後4月10日要上瑪麗做36週的檢查，4月12日又去去贊育做B型鏈球菌測驗﹗一個星期CHECK2次，點解唔可以一次過做呢？﹗真是唔知人地搵食艱難﹗

題外話...我前日好衝動咁打去STUDIO BOOK咗影全家福﹗﹗﹗原本打算好似上次咁自己影，不過諗兩諗...今次如無"意外"都會是我最後一次懷孕，都是正正經經影相留念﹗﹗﹗自己影次次都無晒返出嚟﹗﹗﹗阿旺話今個星期六自己去影喎...希望真是有時間...又有精力啦﹗

第32週﹗第3次健康院檢查﹗完成小丸子第一件溫暖牌﹗

2012年3月15日（星期四）

上星期返健康院做定期檢查，血壓﹑檢尿全部正常，反而今次護士話我重得太少

﹗﹗﹗由開始懷孕到依家第32週 (足8個月) 都只是重了６.9KG/ 大約15磅 (開始48KG，依家54.9KG)。唉...又要食糖尿餐，重得慢都無辦法架喎

﹗不過護士話BB的大小OK就可以，所以今個星期都應該會去睇一次私家醫生，睇下小丸子的大小同重量有冇問題。健康院的護士只是用 "軟尺" 量下個肚，就話BB的SIZE正常...始終不是太放心

？﹗

HEHHEE... 不過我返到屋企都有自己量過肚圍，都有36.5寸，記憶中...大頭妹32週的時候，都是差不多﹗其實我覺得可能因為今次無水腫，上次我30-31週已經開始腫架啦﹗到34週的時候，腫到鞋都差點穿不下﹗今次仲有大把水位，仲要都無買大半號，對腳都無大過﹗所以可能輕咗少少囉﹗﹗﹗

去完健康院，今次無返OFFICE啦﹗去了SOGO，想買新的BB編織書﹗我屋企的2本...已經是10多年前啦

﹗不過我估依家無咩人織BB衫，SOGO都只是得4本編織的，其他都是 "抅針" 的﹗有冇人知邊度有多BB編織書賣？﹗SOGO好貴...日YEN要剩 1.35﹗﹗﹗買了2本已經差不多 $300