2014年11月28日 星期五

產品試用:『心膚吸 Infra』遠紅外線保暖內衣 


下個星期就開始轉啦﹗大家預備好禦寒衣物未呀?﹗ 岩岩就收到雞仔嘜 PR姐姐送來的『心膚吸 Infra』遠紅外線保暖內衣,真是時間岩岩好﹗

今次雞仔嘜新推出的『心膚吸 Infra』遠紅外線保暖內衣,採用來自日本的革命性 micro 色拉姆ATM透過遠紅外線反射人體熱能,全面為身體保持溫度,更可促進血液循環更加加入保濕成份氨基酸成份,有助舒緩皮膚乾燥,岩晒秋冬天濕度偏低的時間著﹗另外,仲經過防靜電加工,減低穿著衣服時,發出霹靂啪拉的靜電,真是好貼心的設計。特別適合戶內憩息、郊遊野餐、遠足、登山時穿著﹗  

講咗咁耐,等我同阿旺示範一下先﹗

今次阿旺揀了藍色,另外仲有灰色的,阿旺的是 m size﹗


設計好貼身,最近阿旺因為功課壓力,瘦咗 5磅,如果唔係...佢一家唔會比我影佢個 body 近鏡﹗

我就揀咗灰色,另外仲有紫色,我的是 s size﹗

灰色會比較易作打底著,有時我冬天都會著短袖 tee,入面著返件保暖內衣當打底﹗

阿旺的是圓領,我的是 V領﹗

今次的 『心膚吸 Infra』遠紅外線保暖內衣比較厚身,相信都要 around 15-6度先可以著,質地好滑,設計都好貼身,就算當打底著,外面再著 tee,都唔會太庸腫﹗

售價 : 男裝圓領長袖內衣 $458;女裝圓領長袖內衣 $438
(產品由雞仔嘜提供)

關於雞仔嘜 - 最好的.給家人
雞仔嘜是為每個人打造貼心內衣的香港品牌。 雞仔嘜以待家人的心,去對待每位顧客,承諾用卓越的品質、舒適的穿著感,及以簡約的設計,令每個人感受到如同擁抱般的溫暖親切感。

雞仔嘜1953年創辦,品牌以豐衣足食的願景,並本著點點關懷與創意,由創辦至今開發出不同的産品,由防縮、防蛀的輕暖羊毛內衣,到排汗與保暖兼備的「心膚吸」智能保暖內衣。儘管品牌形象亦不斷革新,雞仔嘜始終貫徹精細優良的工藝及質量始終不變,是家庭成員及摯友親朋互相傳達溫馨愛意的工具。

幾經革新兌變的雞仔嘜,屢獲殊榮,2012年,中華廠商會選爲「香港名牌十年成就」獎;2009-2013年,連續5年獲選為「全港最多人選購的保暖內衣」,産品與品牌備受肯定。現時,雞仔嘜分店遍佈全港,合共26間門市及以19個百貨專櫃。


查詢熱線: 2423 8831
網址: http://www.chicks.com.hk
Facebook: http://www.facebook.com/hkchicks

大家 like咗我地個 page未呀?﹗未就快啲 like 啦﹗
















2014年11月27日 星期四

<傻夫婦.分享愛.小朋友義工家庭招募>

 

如果你想培養小朋友關心社會﹑樂於助人﹑分享愛﹗
如果你想多點了解香港的基層家庭,了解他們的需要﹗
就即刻登記成為我地的 『小朋友義工家庭』啦﹗
我地好需要你地的幫忙,同我地一齊分享愛比身邊有需要的人﹗

主辦機構:青少年勉勵基金 (非牟利機構編號: 91/11885)
協辨單位: 親子博客 『傻夫婦』(義工聯絡人)
活動: 探訪大角嘴基層家庭兒童
日期: 2014年12月14日 (星期日)
時間: 下午2:00 - 5:00
地點:大角嘴 (集合地點待定) 
受訪對象: 4-13歲基層家庭兒童

報名: 直接發訊息到 『傻夫婦一家四口生活日誌』,提供姓名﹑聯絡電話﹑參加人數﹑小朋友全名及年齡。(*活動完結會有證書比參加的小義工,報名時請提供小朋友全名。)
截止報名日期: 2014年12月4日 (星期四)

活動內容:
每個義工家庭會探訪 1-2 個受訪家庭。因為聖誕節前夕,希望大家可以同小朋友自制聖誕卡,同預備 2 份不超過 $100的聖誕禮品送比受訪家庭的小朋友 (最好是文具/ 糖果之類)。


過往探訪活動: http://athena-joe.blogspot.hk/2014/09/blog-post_12.html
青少年勉勵基金: http://www.theyouth.org.hk/
青少年勉勵基金是一所非牟利機構,服務範疇包括透過生活上的津貼或奬學金等金錢給予援助,除此之外,亦提供工作實習機會、創業輔助、體育運動、公益活動、物資援助、法律諮詢等。

2014年11月26日 星期三

小丸子K1大作戰 - 第3回

同一日要見 2間幼稚園,上午見完中西區的,下午就見返一間東區的,中埸爸爸去咗飲,我地就返屋企食個quick lunch,快快休息一陣﹗

誰不知...傻媽我今次真是代表作,我竟然記錯面試時間,應該係 4:00,我記咗 4:30,約咗爸爸是北角地鐵站匯合,4:20去到...點解...一個人都無,見好多老師係走廊搬枱櫈...已經知自己 "出事",之後...望一望封 email,4:00pm?﹗硬住頭皮問老師仲有冇得 in,岩岩仲有一個小朋友 interview中,老師 (好似是主任) 好好人話叫面試的老師等一等見埋我地啦。阿旺又唔知係唔係去飲食得太多,忽然肚痛要去洗手間,入房之前就衝咗去洗手間,老師問佢點解唔入去...hahahahah...今次真是多 NG野...其實都是預無行架啦﹗老師仲比我地見,我地已經覺得老師好好﹗

之後我地入課室填 form,老師就同小丸子傾下計,又係問叫咩名,幾多歲。之後問小丸子邊個帶佢嚟 interview,小丸子唔識答,老師就指住我問我係邊個,小丸子答媽媽,老師問仲有邊個帶佢嚟,小丸子無答,之後老師問爸爸係邊,佢答 "去洗手間"。

之後老師問小丸子是男孩子定女孩子,小丸子答女孩子,老師再拎一條裙同褲的圖出嚟,問小丸子鍾意邊樣多啲,小丸子指褲,老師問小丸子係唔係自己著褲/ 爸爸媽媽幫佢著,佢答爸爸媽媽,老師再問今日條褲係佢自己著/爸爸媽媽著,佢答爸爸媽媽,老師就叫佢以後要自己著啦﹗

之後就問小丸子鍾唔鍾意食野,就攞本書出嚟問小丸子生果,問咗香蕉﹑蘋果,小丸子用英文答 banana﹑apple,之後老師問小丸子橙係邊度,小丸子都指到。再問動物,第一樣問長頸鹿,小丸子唔識,之後問老虎﹑大象,小丸子都識,最後問黑熊,小丸子竟然唔答...

之後就問家長問題,問我地平時屋企用咩語言,邊個照顧小朋友。之後就問
1. 我地對小朋友幼稚園學習的期望。
2. 如果小朋友係學校同人打交,老師打電話比我地,我地會點處理。
3. 學校有家長義工,我地有咩睇法。

都幾多問題...哈哈...真是好多謝老師,最少沒有因為我地遲到而趕收工,比我地的感覺都好好,唔會令我地覺得佢地見完都唔會收小丸子。  結果...都心中有數架啦...龍b咁多 choice...點解要揀個 interview都遲到?﹗不過今日小丸子都表現媽媽真是好滿意﹗

是日心情好靚,所以我覺得佢今日INTERVIEW的表現都好好﹗




大家 like咗我地個 page未呀?﹗未就快啲 like 啦﹗



2014年11月25日 星期二

小丸子K1大作戰 - 第2回



2014年11月22日 (星期二)

今次幫小丸子報考東區以外的 K1,今日面試的一間,是我報 4間學校最遠的一間,是中西區好受女孩子家長歡迎的學校,都是我最心儀的學校之一。面試前都有問下之前的面試模式,不過今年又唔同晒啦﹗

10:30面試,我地 9:00出門口以為有好多時間,結果我地只是 10:15 去到學校,時間岩岩好,一去到見到門口排晒長龍,真是好誇張﹗首先就去交 form,要對出世紙正副本﹑地址証明正副本﹑領洗紙正副本 (如有)﹑銀行入數紙正本...我覺得完全是考家長有冇交帶...哈哈哈﹗之後就由一位家長帶小朋友入學校面試,本來想叫爸爸帶,可惜因為我在場,小丸子攬住我唔放,咁唯有我入去啦﹗其實因為我個人好緊張,所以諗住爸爸負責 interview﹗

入到去都要等好耐,先排隊等了大約 30分鐘,之後去到另一層有得坐低等,又等了 30分鐘,其間我唯有不停同小丸子玩,等佢唔好覺得悶,學校又好靚,又有好多設施,小丸子不停想出去 playground 玩。最後差不多 12:00先入課室 interview﹗真是完全考小朋友的耐性﹗

第 1 part 是 group in,一組 3個小朋友,考做動作,老師播音樂,叫小朋友做動作,包括: 拍手﹑舉高手再收返埋﹑踏步﹑音樂停的時候要停止動作,小丸子全部做晒﹗之後老師同小朋友玩傳 ball,問小朋友知唔知 ball 係咩 (小丸子有答),之後就開始傳球,小丸子都有做,跟住就埋枱 interview啦﹗

第 2 part是一開始是基本問題,問叫咩名,幾多歲,小丸子都有答,不過唔係好大聲,好彩老師都有聽到。之後就開始問問題啦﹗第一條是打開一本書的一頁,問小丸子書入面的公仔做咩 (玩玩具),小丸子答唔到,本書爛咗少少,佢不停指住爛個一忽話爛咗呀﹗之後老師轉問圖中一樣物件係咩,今次小丸子有答啦 (波波),老師再問小丸子鍾意咩玩具,小丸子話鍾意 "bear bear熊",老師問我係唔係,我話佢係有一隻 bear bear熊攬住瞓,之後小丸子話佢有 2隻。第 2條問題是拼圖,拼返 1個圓形,4個方形,小丸子好快就拼好啦﹗最後就問顏色...oh...又問顏色...第一次問綠色,小丸子話藍色,第 2次問藍色,最後問紅色,之後 2次小丸子就答岩啦﹗

最後老師問我小丸子的優點...我唔預老師會問我問題...忽然啞咗...我話佢活潑好動,仲有好開心﹗hahahhaah...老公話...咁你係唔係即係同老師講...佢 "百厭" (=活潑好動)...oh...一時真是唔識答,而且我一停,老師已經同我講 bye bye。最後叫小丸子拍好張櫈就完啦﹗

12月22日就有結果啦﹗希望會有好消息啦﹗


出發時好活潑精靈架﹗

返屋企都好開心﹗

大家 like咗我地個 page未呀?﹗未就快啲 like 啦﹗

2014年11月24日 星期一

大頭妹朋友仔生日會@20141102


2014年11月2日 (星期日)

今日去參加的生日會真是不得了...好估好多囡囡的媽咪睇完都會問我 Frozen theme 的生日會是邊度安排,生日蛋糕係邊度訂 (如果真是有興趣,我都可以問下悠悠媽媽,悠悠的媽媽是阿旺的同學,每次都好花心思為囡囡預備生日會,我都要好好學習一下﹗)?﹗出席的所有女孩子,個個都嘩嘩聲,包括大頭好同小丸子﹗



同小朋友一比一的 ELSA 同 ANNA﹗﹗﹗ 

小丸子一見到 ELSA同 ANNA就好開心...又攬又惜...真是一個危險人物﹗



小丸子原本有個 ELSA...之後要求轉 ANNA...原來因為 ANNA "好打" 啲﹗ 




個生日蛋糕真是好靚。。。連媽媽們都大讚。。。小朋友就更加是為之瘋狂﹗


大家玩集體遊戲。。。小丸子偷咗個氣球就走咗去。。。 

大家 like咗我地個 page未呀?﹗未就快啲 like 啦﹗

2014年11月21日 星期五

蓮香樓@20141114



上星期五阿旺放假,湊完 2個囡放學,又嚟中環陪我呢個 "大囡" 食 lunch﹗我叫佢揀,佢又話唔知食咩好,其實我係中環返工 6年...大部份時間都是食大家樂咋﹗之後忽然諗起蓮香樓,好耐無食過...又係以前做完產檢先食的,今日又去回味下﹗

可惜...可能太晏先去,無咩食物揀,而且出得好慢﹗不過啲茶就真係好正﹗

馬拉糕...真係好大件﹗不過係最後一件凍嘅,轉過頭有一車新鮮熱辣嘅﹗

老公話係牛什...但好似又有豬皮同豬肚嘅?﹗

綿花雞

唉...我同阿旺一齊咁多年...都無食過蝦餃...但佢竟然唔記得我係食燒賣唔食蝦餃...算啦﹗我都習慣...

鳳爪

hahah...要自己攞點心,不過依家遊客多咗,我見佢地其實問完唔知啲野食係咩...我見一對韓國人母子相當無奈...啲阿姐又勞氣...

今次可能因為食唔到佢啲招牌點心,覺得差過之前...um...定係真係水準下降呢?﹗

大家 like咗我地個 page未呀?﹗未就快啲 like 啦﹗

2014年11月20日 星期四

大頭妹的新畫班

10月開始同大頭妹報咗新的畫班,剛剛已經上完 10月的5堂﹗ 今次的畫班都算是 "平有平養" $70/堂﹗ 其實坊間有好多平平地的興趣班,有時真是要發掘一下﹗ 之前其實一直係葉氏的音樂班上埋美勞,一次上 2小時,頭一小時音樂,後一小時美勞,方便接送,但覺得教畫畫技巧的不多,所以都是報正式的畫班啦﹗

就係樓下的小童群益會,都有好多唔同的 course比3歲以上的小朋友。

小丸子好想一齊上,每次企門口唔肯走!不過最少要3歲先有得上!

唯有係出面玩下啦!好彩中心有好多玩具!


仲有火車玩,小丸子玩得好開心!

呢幅唔係堂上畫的一,係落堂之後,大頭妹返屋企再畫嘅。

又有一日發生咗一段小插曲,個日我晏咗少少放工,工人姐姐帶大頭妹返畫班,佢竟然帶咗佢落中心就走咗,我放工返屋企經過見到得大頭妹一個!好彩中心有個姨姨見到佢得一個,就陪佢傾計,之後我問佢驚唔驚,佢話驚!不過見到我就唔驚啦﹗

事後我有問返工人姐姐,佢話以為好似學校咁,帶入學校就得,其實佢之前帶過佢 2-3次,其中一次同奶奶一齊,我都幾肯定奶奶會等埋大頭妹入課室先走﹗唉...不過算啦﹗之後同幾個媽咪講,佢地都覺得工人姐姐誤會唔出奇,佢地都係唔明白學校同社區中心的分別。
 
見到我即刻好開心!

一班 15人﹗

11月都再報咗﹗希望大頭妹畫得開心啦﹗

大家 like咗我地個 page未呀?﹗未就快啲 like 啦﹗


2014年11月19日 星期三

Sogo Thankful Week 敗家誌

老實講...自從生咗大頭妹同小丸子之後,真是買少咗好多野比自己,通常都是買比 2個囡多﹗以前 SOGO THANKFUL WEEK,我一定好瘋狂﹗衫褲鞋襪﹑碗碟煲﹑毛巾...等等...都唔會放過﹗不過我都有好幾年無去過 THANKFUL WEEK,好似今年先開始去返﹗

其實今次我都是 "搖控" 大頭姨姨幫我買﹗哈哈...講下我買咗啲咩先﹗

上次 THANKFUL WEEK 買咗個長柄大 SIZE,今次買短柄大 SIZE,其實年年的 DISCOUNT都是一樣,正價 8折,有咩顏色就要睇下彩數,我上次 5月去,可能去得遲,得返 3隻麻麻地的色,今次 THANKFUL WEEK 一開始就去,有好多色啦﹗當然...都是上季的色啦﹗同埋長青色深藍﹑黑...個啲係無 DISCOUNT嘅﹗

隻紫色會比較接近上圖,芥辣黃...MY FAVOURITE﹗

隻黃色小鴨子比小丸子打爆咗﹗買返個新的麼天輪 $650﹗
個麼天輪真是可以轉的,連張櫈都可以郁﹗我同大頭姨姨講的時候,阿旺係旁邊聽以為我地講中環個麼天輪要 $650/ 轉,然後我地仲要話好抵...聽到佢一頭霧水﹗

呢啲係大頭姨姨架啦﹗
全年最抵架啦﹗我地年年呢個時候都入貨﹗

呢條真是勁抵 $490...平真是 2個CHARMS都買唔到﹗淨係呢 2個 CHARMS加埋都 OVER $650﹗

以下是阿旺的﹗
$800

佢一次過買咗 9條底底囉﹗到底佢有幾多個 PAT PAT呢?﹗佢仲自己話自己是九屁狐﹗一次過買 $1350底底...佢好有錢頂啦﹗

最後...要嗌返句好耐都無嗌過的 "敗家萬歲﹑敗家萬歲﹑敗家萬歲﹗"。

大家 like咗我地個 page未呀?﹗未就快啲 like 啦﹗


Related Posts Plugin for WordPress, Blogger...