深圳兩天遊「深圳野生動物園」@20190630-20190701

2019年6月30日（星期日）

今次主打行程是「深圳野生動物園」，一早上團購網站買門票，每張$87，身高120cm就要買飛。我見團購都有2款，一款要係香港拎飛（yahoo)，一款去到先拎(SoZmart)，我揀咗去到先拎。

其實無特別做功課睇下動物園有咩玩，只是成日睇團購時見到，之前仲有包酒店的（價錢當然不同），現在好似沒有了，不過包的酒店好一般，所以都是自己訂酒店好！原來都幾多野玩，除咗可以睇動物，仲可以餵動物，我地今次餵咗長頸鹿、鯉魚、天鵝、山羊，仲有獅子、老虎！另外都有兒童遊樂園，同玩水的地方！

由酒店坐的士去大約¥50，20分鐘就到。


去到係大門售票處旁的年卡辦理處拎飛，入場要出示香港身份證，但阿旺聽唔明人地講咩，無出示身份證都入到🤣。


動物園非常大，走一圈係5km，園內有穿梭巴士，大人$20，小童$10，任坐，但可能是星期日，比較多人，其實好多中途站都上唔到車。


第一站去餵長頸鹿，$20/2條草，係我地影相的時候，其中一條草就比長頸鹿搶咗！原來長勁鹿好大力！


天氣真是好熱，但總好過落雨，因為完全無瓦遮頭。

之後去餵魚。




小丸子勁開心！

想搵間有冷氣的餐廳食午餐，但地圖無寫邊間有冷氣，最終無冷氣都坐低咗！

食物一般啦，四樣加埋¥120。




小丸子由入園就話想坐馬仔，¥60行一圈。


佢話好好玩。


嘩！之後就刺激了，我地去猛獸區，坐投餵車去餵獅子老虎！

¥50一人，包一份食物。




幾特別的體驗，爸爸餵得太開心，聽唔到小丸子都話餵，不過唔怕啦，暑假去別府再餵！


一人一份！


最後去餵羊，現實啲羊又嘈又嗅，一啲都唔可愛。


動物園入面其實仲有玩水的地方、遊樂場，不過太熱，個天又黑晒，所以無玩了！


兒童游樂園有啲小型機動，仲有碰碰車！
！

到此一遊，玩得好開心！


大頭妹一上車就訓咗，仲落好大雨，返到酒店就停咗真是好彩！


總括而言$80幾入場費都真是幾抵玩！下次有機會再嚟可以玩埋遊樂場！