2021年8月31日 星期二

旺仔生日Staycation @Harbour Grand Kowloon



2021年8月29日(星期日)

捉緊暑假的尾巴!開學之前,又是阿旺生日,就來個生日Staycation 啦!今次訂了黃埔的Harbour Grand Kowloon。星期日的房價是$1900另加一,包2位自助早晚餐/ 自助早餐加中菜,我訂的時候自助晚餐已經滿了,所以不用選擇。

去到的時候因為安排唔到同層,職員upgraded了我們去新翼,其中一間是一房一廳的Suite,另一間就是普通twin room(註:新翼的twin room是比舊翼細,是2張單人床,而且沒有浴缸)。

Suite有客、飯廳,而且仲有海景!


有個pantry位。


一張大床。


大頭妹一入房就洗手👍🏻👍🏻👍🏻


浴室有齊企缸同浴缸。


另一間房其實面積都不算小。






Settle down 就去游水,疫情之下,間間酒店游水都要book位,呢度就每個時段50分鐘,一間房只限book一次。


全海景游泳池,中午的時候好大雨,好彩我地游水時又好好天!


游完水沖完涼,就差不多晚餐啦,訂了18:30。

每人2粒蟹粉小籠包。


紅燒魚翅,真是好足料,吃的時候小丸子問這些是什麼,我話是魚翅,佢問點解要殺鯊魚⋯⋯然後問我可唔可以試一啖⋯⋯Umm 


蟹鉗蒸蛋白,這個好好味😋蛋白好滑,仲有蟹肉的鮮味。


紅燒乳鴿半隻


松露鮑魚,這個十分入味


紅炆龍躉頭腩,這個比較普通,好似沒有炆,就是炸魚。


鮑汁雞粒炒飯,飯炒得好乾身,好味,我最後食晒成碗!


桂花糕


另外點了蝦餃,我沒有睇清楚,原來是辣的,結果只有我和阿旺吃。


我想試試😆😆😆點了個花膠灌湯餃。


整體食物質素不錯,但上完魚之後,個飯等了40分鐘,催咗2次都無跟進,有點不可以接受,雖然我也沒投訴。

食完晚飯返上房,小朋友例行節目— 浸浴,我哋大人休息一下,就食宵夜。我自己整咗Basque burnt cheese cake帶去酒店,其實係大頭妹整,我只負責材料,大頭妹負責mix,最後買了支朱古力顏色筆寫字。




成功啦!中間是個大心心💖!


又大一歲啦!


九龍海逸君綽酒店
香港九龍紅磡黃埔花園德豐街20號
電話:26213188
網頁:Kowloon.harbourgrand.com

2021年8月14日 星期六

傻夫婦暑假九州親子遊Day4「杉乃井酒店」@20190718



今年暑假都應該無得去旅行,寫返2019嘅旅行Blog,回味一下旅行的日子,其實呢間九州有名的親子酒店「杉乃井酒店」都好值得寫。不過睇完,大家又無得去😂。

今次訂的是4人家庭房,包2大2小自助早餐和晚餐,睇網上comments,其實佢哋嘅意大利餐廳不錯,可以加錢upgrade,但就返小朋友,所以最終都是揀自助餐!

先睇睇房間,一邊是和式,另一邊是洋式,最後晚上大頭小丸瞓和式,我和阿旺瞓洋式。












呢度最大賣點是親子!有溫泉游泳池!


睇下佢地幾開心?









晚上食自助晚餐🍕🍔🥗🥘🍣🍝🍱🎂🍨🍬。


我記得佢哋嘅牛扒唔錯!


有長腳蟹,不過好似係季節性。


Parma ham。


仲有得自己整綿花糖。


食完晚餐再去打保齡球!




仲有兒童game centre!小朋友真係玩到唔捨得走!


2021年8月10日 星期二

Athena便當:醉雞翼(附食譜)



2021年7月30日(星期五)

一連預備了5日的便當,不想重複,去到星期五,要認真想想煮什麼?!行超市的時候想想,星期一是芒果大蝦沙律、星期二是燒汁牛扒、星期三是柚子胡椒雞扒、星期四是香煎藕餅⋯⋯不如煮雞翼啦!因為我食之前不會再加熱,想想不如就煮醉雞翼啦!本來就是凍食!

是日便當:醉雞翼、紅蘿蔔沙律醬

煮醉雞翼其實好簡單,我今次用了2個不同的汁,一個是之前的整醉鮑魚的汁,另一個是參考蘇絲黃的食譜。

行aeon時見到好大隻的法國無激素雞翼,$25/9隻,買了2盒,共18隻!


我個人習慣花雕全部加熱去煮浴冰糖,另外都可以揮發酒精⋯⋯話說我唔飲得酒,之前煮醉鮑魚,食完2隻,竟然覺得自己全身發滾,我可以是世界上食醉鮑魚都醉的第一個人😆。


煮滾2-3L水,要蓋過全部材料,喜歡的過可以加入薑蔥,我忘記咗!蓋上蓋大火煮5分鐘,熄火焗10-20分鐘(其實雞翼浮起就是熟啦),我今次焗了20分鐘。


放入冰水冷卻,可以令雞皮脆身彈牙一點。


花雕冷卻備用,我今次煮了500ml,蒸發完大約仲有450ml到。


左邊是花雕加魚露,右邊是花雕加糟鹵,加了粒話梅去分別,老公話花雕加魚露香啲,不過可能是因為我加了沒煮過的花雕,所以酒味濃啲。


我仲未買樽,因為工人姐姐話買完樽雪櫃都無位放😅。我最後2邊分別加入花雕同糟鹵直至蓋過全部雞翼。


浸2小時就可以食,我浸了一晚啦!


真是超級好味!


Related Posts Plugin for WordPress, Blogger...