濕地公園一日遊

今日個blog有特別嘉賓，上星期日約咗blog友 "80後媽咪"一齊去錦田鄉村俱樂部去摘蕃茄﹗原本仲約咗國王的婚禮﹑LITTLE JESSIE﹑芝士餅﹑V MAMA，可惜MANCENT同MIU MIU都病咗，芝士餅媽怕中暑，唯有留返下次再去海灘啦﹗

本身都知摘蓄茄同摘士多啤梨係唔同一個農場，點知我地今次去到真係無蕃茄摘﹗﹗﹗因為之前落雨，所以蕃茄都C晒﹗﹗﹗又唔知係唔係天氣太熱，其他活動都無開﹗﹗﹗我地即時上網CHECK下附近有咩地方好去，最後決定改去濕地公園﹗HEHEHE...太好啦﹗其實我都未去過，總算去咗一個新地方﹗

其實真係勁曬﹗去戶外就有呢個問題，其實本身約咗前個星期日，又落雨去唔成，今個星期日就熱到傻咗﹗

好好天，影相好似特別靚﹗

好開心的小丸子﹗同埋好愁的魚仔﹗

4個小朋友先嚟個合照先啦﹗

朗朗媽預備咗MUFFIN﹗大頭妹見朗朗食又話要食，最後又係要爸爸執手尾﹗

呢個就係蕃茄田啦﹗真是一粒蕃茄都無，農夫話上星期落雨，蕃茄C晒啦﹗﹗﹗


好彩都仲有兔仔睇下﹗

之後轉去濕地公園﹗

一去到小丸子就瞓咗﹗

去大家樂醫肚先﹗阿旺叫咗個燒春雞餐，好似曾幾何時係大家樂的名物，不過我未食過﹗唔知當年幾錢，今時今日要 $64﹗

朗朗好乖，自己食飯﹗

大頭妹就自己食手指...


見朗朗自己食，激發大頭妹都自己食...一啖咁大把...之後都係要我餵﹗

兩個小朋友成日自己講火星話，見佢地好好傾，不過聽唔到佢地傾咩﹗

2個自己行咗去，小朋友就係有小朋友的相處方式﹗比大人的世界簡單得多﹗

heheheh...年輕的夫婦﹗﹗﹗


隻 MICKEY係朗朗架，不過大頭妹全程霸住人地個公仔，仲話要照顧 MICKEY﹗

浪漫散步...HEHHEHE... (到佢真係拍拖...我估我笑唔出囉﹗)


2個細的未識交流，不過可能係因為坐住車仔的關係，之後見佢地去公園，又係會自己講大人唔明的BB話﹗

妹妹的肥腿﹗

呃埋朗朗把扇﹗

佢好有理据架﹗我同佢講唔可以攞晒朗朗 2樣野，佢話佢要幫 MICKEY 扇﹗


城市之中好耐無見過的怕羞草﹗不過大頭妹又係唔肯 "掂"﹗

HEHHEEH...我今次偷聽到佢地講咩...我聽到大頭妹話自己係MICKEY媽媽，朗朗係爸爸...HEHEHEH... 其實全程大部份時間都聽到大頭妹係度"嘮嘮叨叨"，一時又叫朗朗唔好跑，一時又叫人唔好出聲，連朗朗媽都話大頭妹應該係 "管家婆" ﹗


濕地公園的環境都唔錯...不過蝴蝶園無咩蝴蝶，觀鳥的地方都無鳥...點解呢？﹗

同小丸子影返幅相，不過我其實係想影到旁邊個湖...點解阿旺...可以岩岩好就係影唔到個湖...

最後入去濕地公園個室內公園玩下﹗

小丸子好鍾意爬高...真係睇少眼都唔得﹗﹗﹗

原來有LOCKER架﹗﹗﹗

仲有育嬰室...不過比較細﹗

到此一遊，其實想表達到此一遊的最好方法係影相，而唔係去 "刻字" 囉﹗﹗﹗

團體照﹗

原來仲有個大迷宮﹗

最後坐 2個站輕鐵，再轉 969到灣仔，再轉地鐡返屋企﹗


期待下次一齊去沙灘玩沙，希望下一次可以齊人啲啦﹗