元旦晚餐

搬入新屋之後的第一個元旦，之前聖誕節未執好屋都沒有好好慶祝，依家最於 settle down晒，今次我要親自下廚煮返幾味啦﹗其實依家好少煮餸，我自己最怕炒菜，好似好易，其實好難做得好，而且以前都係阿旺做，今次我要自己洗菜再炒菜，我真係好驚失手﹗好彩最後樣樣都好好食，全部清晒，2個姪仔姪囡仲添飯﹗

粉絲蟹煲，我是跟 MAY姐的食譜煮的，好好味架﹗其實 "雞汁" 單野都唔係好關佢事，我估佢平時自己煮都唔會下下用雞汁呱，最少佢食譜都無用。今次阿旺買咗花蟹比上次嘅唔知咩青蟹好味好多，呢個世界幾時都係一分錢一分貨﹗HHEHE...我今次第一次自己擋蟹咋﹗平時都有媽咪幫手﹗

西蘭花炒帶子，我今次用上大大粒刺身級布帶子，再加埋 XO醬，好好味呀﹗

最後仲有螺片豆苗，唔知阿旺係唔係記錯，佢話啲豆苗要 $40/ 半斤，即是 $80/ 斤？﹗因為有個螺片汁，呢碟最快清晒﹗又可能係阿旺買嘅 $80斤豆苗...真係咁貴架？﹗我真係食野唔知價﹗

最最最後...仲有鮑魚響螺花膠湯﹗聽個名都知好飲啦﹗

點解...最後極都仲有最後...HAAGAN DAZS雪糕火鍋﹗食到大頭妹 LAM LAM脷﹗

大家都食得好開心﹗

小丸子都有份食...

仲四圍去 "嚇" 人，因為人人見到佢都怕﹗

連鼻涕都充滿朱古力﹗

第時大個要比佢睇返佢幾為食...

仲四圍去比人影相...