話說我依家大約是 105磅，其實都算是我心目中理想的磅數，因為人年齡大咗，真是要留 "少少" 脂肪以備不時之需，到病的時候用來打仗，不過個肚腩又真是幾 "礙眼"﹗好似有一日就發生一件好好笑的 "悲劇"。
有一日晚飯後，我同大頭姨姨坐係梳化煲劇，食完飯望下自己個肚咁大，係度拍下拍下個肚之際，小丸子係房大聲叫大頭妹 "家姐" 幾聲，大頭妹都無反應，我就同大頭妹講: 妹妹叫你呀﹗之後......可怕的事情就發生咗啦﹗大頭妹行埋我身邊，放隻耳仔埋我個肚度，然後好認真咁同我講 "我聽唔到喎﹗"。
鳴鳴鳴...我個肚真係有咁大咩？﹗即時笑到大頭姨姨呌唔到氣﹗
講完﹗
(你地有冇笑梗先？﹗我覺得唔好笑囉﹗其實好慘架﹗)
唉...講返我今個星期穿著...hahhaha...已經甩甩地...記得影個樣，又唔記得影個身，記得影個身，又唔記得影個樣...希望我仲 keep到啦﹗
2014-6-12
呢件 twin set 已有 7年歷史，係我衣櫃入面最舊的衫之一，佢無被淘汰的原因，除咗係我好鍾意，買的時候好貴 (over $1700)，仲因為係阿旺同我求婚時，我就係著住呢套衫，所以我唔會丟架﹗就算有一日真係唔著，我都會洗乾淨，放返好佢﹗
2014-6-16
最近前陰開始長啦﹗留陰就係咁，1個月就要剪，好快就要去髮型屋啦﹗其實大家會唔會自己剪？我幫啲囡就剪得多，但唔係好敢自己幫自己剪﹗
今日去做 facial，著條 one piece方便換衫﹗
最近搽開唇膏，一唔搽個樣就好似好病咁﹗
2014-6-20
今日約咗大學同學食飯，化返個靚妝啦﹗唔好走樣走得太緊要，我係女同學入面，唯一有小朋友的人，我成日叫佢地生，佢地問我係唔係家計會代言人，咁我自己個樣都唔太嚇吖﹗
大家 like咗我地的 facebook page未呀？﹗未就快啲 like啦﹗多謝支持﹗
沒有留言:
張貼留言