今日是我生日呀﹗我終於都 35歲啦﹗祝我自己生日快樂﹗﹗﹗出返個生日 BLOG祝自己生日快樂﹗
2014年6月22日 (星期日)
6月是 "中姨姨" 生日，我 7月頭生日，所以就夾埋一齊慶祝，去如心酒店 9/F Cafe Circle食 buffet 啦﹗
先講講價錢，星期六﹑日，成人 $368，小童 $298，再加一。相對來講成人都算抵食，小童...如果好似大頭妹的年紀 (3歲以上要收費)，又好似大頭妹的食量，大頭婆婆話大頭妹真是連個加一都未食到﹗不過大部份 buffet 都是 3歲以上就收費，所以我地依家都食少咗，唔帶大頭妹又唔係，帶埋佢又好唔抵，襯小丸子未夠 3歲前食多幾次﹗
再講下食物，以成人 $368來講，食物種類都算豐富，大家唔好同金鐘個幾間 $500以上的比啦﹗呢度都有三色刺身﹑煙三文魚﹑芝士焗蠔﹑炸蠔﹑炸大蝦﹑蒸帶子﹑仲有龍蝦伊麵，而且 refill 的速度好快﹗甜品都多選擇，而且幾好味﹗雪糕就是 PPG，有 4個口味，咖啡﹑薄荷朱古力﹑士多啤梨﹑芒果乳酪。
可能大頭姨姨早訂位，我地被安排 window seats，望青馬橋個邊，HEHEH...望返住婆婆屋企食 buffet，婆婆一定好開心啦﹗其實 Cafe Circle 都好多 window seats的位置，不過就大部份望返荃灣街景。其實以如心個位應該都望到維港景，不過個日又唔覺。
習慣食 buffet 第一樣飲湯﹗因為食 buffet 一定食好多生冷野 ，飲碗熱湯當打底﹗呢度的湯都唔錯，今日是 "節瓜鱆魚豬骨湯"。
大頭姨姨同中姨姨都飲蕃茄湯
魚生種類雖然唔多，不過都叫做新鮮﹗都有長腳蟹﹗
另外有蝦同青口，今日有龍蝦伊麵，小丸子唔肯食蝦囉﹗佢真係識食﹗
無生蠔，但就有 2款熟蠔，仲有粉絲蒸帶子。
登登...龍蝦伊麵﹗都幾多龍蝦架﹗
大頭妹食得幾開心﹗爸爸帶佢自己出去揀食物架﹗睇下佢揀咗咩？﹗白飯﹑西蘭花﹑印度薄餅...囡阿囡...加埋一要成 $3xx架﹗﹗﹗你竟然揀白飯...媽咪有少少想暈低...
不過佢開心就得啦﹗小朋友唔知錢係咩，其實是最開心，錢真係呢個世界令人最煩惱的事﹗
阿旺的
呢碟係大頭姨姨...我老了...依家食 buffet 唔會食咁多甜品﹗
佢自己食咗 2碗仔龍蝦伊麵，仲話 good 呀﹗之後再飲咗少少蕃茄湯﹗
我 encore 龍蝦伊麵
阿旺的炸大蝦
heheh...食咗 3碟，我已經開始食雪糕啦﹗
呀﹗呢度有朱古力噴泉，大頭妹同小丸子都有玩﹗
食完甜品...
忽然瞓咗...小丸子由細到大都係...一食飽...就瞓...唔飽就一定唔會瞓...
見佢地個個都讚啲甜品好味，我又食返碟﹗
最後...比我見到有白果腐竹，又食咗﹗
咖啡﹑茶﹑橙汁都是自助式。
食到啲囡瞓晒...影唔到相添﹗
影大合照的時候，小丸子醒咗﹗
hhehehe...大家有冇留意...其實我地今日著咗親子裝架﹗
Cafe Circels
荃灣楊屋道8號香港如心海景酒店暨會議中心9樓
2280 2868
想睇晒啲食物相，可以去我地的 facebook page啦﹗
like咗我地嘅 facebook page未呀？﹗未就快啲 like啦﹗多謝支持﹗
Happy Birthday to You! 祝青春常駐, 口福常滿!
回覆刪除多謝你呀小齊媽﹗
刪除有一年團年，我都係食呢度。
回覆刪除