呀﹗其實好耐無寫下 2個女的成長，更加未寫過小丸子的閱讀進度，因為佢根本唔識字﹗
相比起大頭妹，唔知係唔係同小丸子伴讀的時間唔夠，一或是小丸子沒有上 PHONICS，一或是大家強弱項唔同，佢到依家仍然是中英文字都認唔到。其實之前都真是有少少擔心，我有諗過佢會唔會係有讀寫障礙，但見佢又已經默寫到大階的 A-Z，細階就好似未識晒，我無特別教佢，佢鍾意自己坐埋一邊寫字，佢去餐廳都鍾意攞張紙自己寫下 A-Z，我先知佢識，有時真是覺得自己花太少時間比小丸子﹗
大頭妹 k1的時侯，已經可以自己睇簡單的英文書，所以到佢 k3我淘 ort 時，我是由 stage 3開始買，以為都可以比小丸子睇埋，大頭妹一睇都睇 stage 3，但是見小丸子好似睇得好吃力，其實佢都每晚訓前都睇 3本書，中英文都會睇，就是唔識字，所以最近就去圖書館借返 stage 1-2的比佢睇﹗
ort stage 1
得 3隻字，不過都唔係話掌握得好好﹗
ort stage 2
一頁一句，其實小丸子都是看圖睇故事的多﹗
今年真是要慢慢幫小丸子，大頭妹今年上小一，其實小丸子好多野都比我跟甩晒，成日比老師寫手冊，我真是要再慢慢平衡返 2個的時間了﹗
大家 like咗我地的 Facebook page未呀？﹗未就快啲 like啦﹗
沒有留言:
張貼留言