小丸子6個月啦﹗

唔經唔覺小丸子已經 6個月，可以開始食粥仔啦﹗
之前食咗2個星期米糊，比佢試下食半固體食物，上星期六開始食粥。

第一樣比佢試的是魚同波菜啦﹗
點知佢好似唔係好鍾意食波菜，
食到成條脷綠色...仲要一邊食一邊吐一邊尖叫...好得人驚...
我覺得我好似生咗一隻 "史力加"﹗

食物已經試咗: 波菜﹑旺菜﹑南瓜﹑魚﹑蘋果﹑香蕉﹑提子 (無食...lam下啫)
下星期會比佢試豬肉﹗


等食的 "大爺丸子"，以為食米糊，仲未知自己要開始食粥，當時仲好開心架﹗

睇下佢個樣...唔鍾意食...即吐...



樣樣衰衰咁﹗

小丸子: 媽咪，你比咩我食呀？咁古怪...青bb咁...

每次見到小丸子我都好想大叫 "阿囡，你好可愛呀﹗"，
又唱下先: 我愛你圓碌碌，我愛你大大份，我愛你肥do do﹗