又一個快樂的星期五

又是 happy friday啦﹗今個星期唔去太古城冒險樂園啦﹗佢地一定記得上星期玩過波波池，費事佢地扭計﹗今個星期去返 aeon 夢之島啦﹗忽然想食壽司，點知阿旺同大頭姨姨都唔返嚟食，唔理咁多啦﹗照去啦﹗

依家的壽司店好 "先進"，攞飛的時候可以入埋電話號碼，到大約 10個前，就會打比你﹗﹗﹗我都係第一次用﹗我地攞完飛就去夢之島玩，玩咗 around 3個 games，就收到電話啦﹗我即刻跑返落去，已經過咗我個號碼，好彩未過 5個﹗之後好快就有得入啦﹗

次次都玩嘅 "打波零"﹗

大頭妹好易養，同佢去元氣，佢只需要一碟 $14蟹柳卷，就夠飽了﹗

小丸子第 2次食迴轉壽司...因為佢太 "元氣"，我好怕帶佢去食迴轉壽司﹗

中伏...係由幾時開始...個麵豉湯...變成呢個 size，仲要唔係蘿蔔嘅﹗menu都未轉喎...上枱個刻想叫佢 cancel﹗﹗﹗唉...一定無下次﹗

今期廣告嘅，都唔錯﹗淨係記得影呢碟添...

叫比工人姐姐的鳥東﹗佢唔食壽司，淨係食 "腐皮"，佢話佢地唔係刺身喎﹗我都唔敢勉強佢...上次叫佢食完...佢痾咗 2日呀﹗

麻麻地...

幾開心﹗﹗﹗

其實我仲開心...我食刺身，你食白飯...哈哈哈﹗

去返早上...爸爸放假，湊囡返放學﹗

我覺得我兩個囡都幾幸福吖﹗希望佢地都係咁覺得﹗

呢啲天氣接放學，都真係幾辛苦...所以...我都要多啲體諒工人姐姐...>.<