又寫開箱文，今次的開箱文好特別，是小型家電﹗ 多謝she.com的邀請，今次我可以試用 Philips 最新出的 PerfectCare Azur 免調校蒸氣熨斗﹗如果你同我一樣，成日熨衫，但熨來熨去都唔夠直，熨完牛仔褲又唔記得教溫度再熨自己件 lace衫，結果成件報銷﹗咁你就一定要睇下我呢篇試用文啦﹗
呵呵呵﹗ 老實講...咁多樣家務之中，煮飯﹑洗碗﹑洗地﹑洗衫﹑熨衫...我最最最唔鍾意就是熨衫﹗ 覺得好悶，同埋我好怕熱，而且...我熨得唔靚﹗ 以前 2口子的時候，我地係拎晒全部衫出街洗嘅﹗ 但有小朋友之後，就唔可以再拎啲衫出去洗啦，唔衛生嘛﹗ 我先開始我洗衫﹑熨衫的生涯﹗ 不過當然是工人姐姐做的時間多過我好多啦﹗
好啦﹗ 先介紹一下今次試用的 Philips PerfectCare Azur 免調校蒸氣熨斗，當我看說明書的時候發現一樣好有趣的事，這個熨斗是完全不用調教溫度﹗ 以前熨一次衫，有綿質﹑wool﹑牛仔褲，熨一件就要教一次溫度﹗ wool要低溫﹑牛仔褲要高溫﹗ 點解佢咁神奇呢？﹗ 原來是因為Philips的 OptimalTEMP完美溫控技術，佢內置的智能溫控處理器，鎖定溫度係 130，適合所有可熨燙衣物，以後熨衫就唔洗怕因為教錯溫度，而熨爛件衫﹗ (更加唔洗怕工人姐姐熨爛衫...以前真是耐不耐就中一次招﹗)
首先開箱睇睇先﹗熨斗都是一般熨斗的外型，不過你會發現佢無咗教溫度的 button﹗
其革命技術經獨立紡織品專家測試及肯定，包括：Woolmark， I.W.T.O，及 DWI﹗
鈦離子底板，配備特別塗層，令暢順度和防刮能力提高25%（與飛利浦SteamGlide底板比較），以堅固的不銹鋼材質製造，更長壽耐用。
講完功能，開始實戰試下熨幾件衫啦﹗ 我揀咗幾件唔同布料試下﹗ 第一件試 cotton 先啦﹗ 簡簡單單﹗
當然是順利過關啦﹗ 輕輕一熨，就好快直晒﹗
睇下﹗ 我只是輕輕咁熨一次已經直晒啦﹗
之後到阿旺的西褲啦﹗
說明書話佢有深層離子蒸氣功能，釋出比一般幼細50%的離子化蒸氣，係唔係幼細啲我肉眼就睇唔出，不過就見佢真是好多蒸氣，而且都熨得幾快﹗(大家見唔見到啲蒸氣﹗我覺得熨完衫，可以順便去清黑頭﹗)
持續蒸氣輸出：高達每分鐘50克
強力蒸氣噴射：高達每分鐘210克
(我是用強力 mode 的)
(我是用強力 mode 的)
最後到大頭妹同小丸子的手巾仔啦﹗
嘩﹗真是好方便，一熨就直晒啦﹗
得咗﹗
以後大頭妹同小丸子有 「直畢甩」的手巾仔帶返學啦﹗
哈哈...本來想試 3件，見熨得咁快，問工人姐姐攞埋佢未熨嘅衫，一次過熨埋佢﹗
睇下我個post，其實熨衫真是好攰架﹗ 所以一部有效率的熨斗真是好重要﹗
另外，有2個係說明書的function 我係試唔到嘅，一個是「自動安全關機」，佢有 Safe Rest 設計，閒置時可平放熨斗於底板上 (不用直立擺放)。另外就是智能操作顯示燈，可以預防水垢積聚，提示燈會閃爍提醒進行清洗保護（約1-2月後），咁我只是用咗 1個星期，所以都未試到嘅﹗
哈哈哈...今次試完 Philips PerfectCare Azur 免調校蒸氣熨斗，我終於明白 "工欲善其事﹑必先利其器" ﹗ 之前工人姐姐成日熨完好似無熨過咁，我地之前用開的熨斗是用信用卡績分換的，才 $2xx (都是Philips)，之後買了一個 $5xx，又熨得好咗，再試今次的 Philips PerfectCare Azur 免調校蒸氣熨斗，熨出來的效果真是有好大分別﹗ 真是又快捷﹑又容易用﹗
產品由 Philips 提供 (售價：HK$1398/ 2年保養)
最後仲有讀者優惠﹗
最後仲有讀者優惠﹗
現代人做家務，最緊要方便快捷！shemom現為各位媽咪帶來著數優惠，現凡於2014年10月1日至12月31日期間購買，即可享30日信心保證(原銀奉銀)！
沒有留言:
張貼留言