氣餒

今年小丸子讀小一，轉眼嚟到下學期，講真做阿媽既真是有啲氣餒！我唔知是我放少咗時間比佢，定真是資質問題，成績又唔係話好差，但有好大進步空間囉，而且中英數都補齊！當年大頭妹小一都唔洗點理，雖然一樣補齊中英數，但我好記得我第一個學期睇錯時間表，考試溫錯科目，出嚟成績都無大問題！即是補完我唔洗理，原來唔係必然！

今年小丸子，相比大頭妹當年就一定無比咁多時間佢，依家要睇2個，時間得返一半，所以某程度我要負好大責任，當我睇多啲阿妹，家姐就比老師寫手冊話較經常做漏功課，睇多啲家姐個排，又到阿妹比老師寫手冊。 完全是「如果太多牛奶味，朱古力味無定企；等到朱古力味返返嚟，牛奶味又唔爭氣！」🤦🏻‍♀️🤦🏻‍♀️🤦🏻‍♀️

我成日同自己講，做阿媽既有咩重要過小朋友健健康康，其實呢方面小丸子做得好好，食得、訓得，痾得！長期係成長線75%以上（可能90%以上🤭），又唔揀飲擇食！


對人熱情，直率，天真，經常笑咪咪！

愛自己，有自信（唔知那來的自信！）。

阿旺話佢開心就好了！但我唔開心呢！其實係咪應該係我要做到求學不是求分數。

海底撈火鍋@20190331

2019年3月31日（星期日）

聽過海底撈好耐，不過就未試過，銅鑼灣店都開咗一段時間，原來可以訂枱，考完試同同學去完Superpark玩，再去海底撈打邊爐，book咗6:00，去到門口都見到有人排隊。

食物質素算不過不失！可能我地小朋友多，價錢又唔算貴，最重要係小朋友食完，放晒佢地出去玩，大人有餐安樂茶飯食！





小朋友會有啲小朋友餐，待應姐姐話係免費送比小朋友。


都是免費！


都是免費！

前菜就放係外面，自己拎！




糖水都係！


最後每人一粒雪米糍！

小朋友係出面玩時原來可以係點餐部平板電腦睇住，都有職員望住。


當然都會間中行出去望下，望過其實無咩玩，不過小朋友圍埋就唔洗有咩玩。

海底撈火鍋 (銅鑼灣)

銅鑼灣波斯富街99號利舞臺廣場19樓

23222885

小學生帶飯餸 （叉燒炒蛋）

依家星期日自己煮的時後，會盡量試一啲方面帶飯的餸，9月份大頭妹升4年級就會轉返全日，到時就要自己帶飯🍱！

大頭妹一向都好鍾意食叉燒，雞蛋又有營養，所以我諗叉燒炒蛋都好岩佢帶飯，不過我記得好似話帶飯，蛋最好要煮到全熟，所以今次就唔係炒滑蛋，但出嚟比平常香口，都唔錯！

另外煮咗炒粒粒，有：青豆、菜蒲、冬菇、叉燒。其實平時唔會落埋叉燒，今日炒開叉燒炒蛋，先留起幾塊嚟炒粒粒，特別好味！

炒完個叉燒炒蛋出嚟，條魚已經比人分咗屍🥺！阿旺話係我叫佢地食先，但我話作為一個blogger，永遠都是相機食先架啦！😭