傻夫婦一家四口生活日誌: 大頭妹日誌4-5歲

顯示具有 大頭妹日誌4-5歲 標籤的文章。顯示所有文章

2015年9月29日星期二

大頭妹學琴4個月進度（5y3m)

其實我自己唔識彈琴，細個學過年幾呱，都無考級﹗依家寫大頭妹學琴的進度，其實我都唔知寫咩架﹗不過都覺得要 keep 返寫下大頭妹學琴的進度，應該會慢慢見到佢有進步嘅﹗上次講過，我地學咗 3個月，就走去參加學校的音樂表演，之後彈琴好似進步咗﹗雖然仍然是 "龜速"，不過都算做快咗﹗

屋企未有琴，依家一星期去琴行練 2-3次琴，其實唔夠架，一時時可以彈返晒上一堂學的，所以覺得最近的進度慢咗﹗依家叫咗朋友幫我搵個二手琴，因為之前睇琴，越睇越貴，最後都是決定，買部平平地，係屋企練習用住先，始終有小丸子，如果買部貴的，比小丸子打爆咗，我都唔知打唔打返爆佢好 (哈哈)﹗等大頭妹學到咁上下，小丸子又大個啲先一次過買部靚靚地架啦﹗

依家有時練琴都會帶埋小丸子去，佢依家未有得學，就話好想學囉﹗不過佢都唔聽人講，未係可以學的時候﹗

hahah...少有彈一啲我識的歌，但又唔係兒歌﹗大家 "慢慢" 欣賞...因為...真是彈得好慢﹗

大家LIKE咗我地個 FACEBOOK PAGE 未呀？未就快啲 LIKE 啦﹗

2015年7月7日星期二

媽媽的反醒 2

【媽媽的反醒】有 1就當然有 2啦﹗

其實大頭妹真是天生一個乖孩子﹗咁多年來，真是好多謝佢教我點做一個好媽媽﹗佢善良﹑有同理心 (爸爸話千金難買)﹑開心﹑有正義感。相對地我對佢比較嚴謹，所以有時係屋企人眼中，覺得我偏心小丸子，其實我只是覺得大頭妹係嚴格的環境下，可以做得更好，而且大頭妹又大個啲，又開始要做功課 (嚴格是必須的)。

快 5歲的大頭妹，開始識貪靚，每朝都叫我點紮點紮，一時又要 TWIST CROSS 加圓圈 (即是馬尾)，有時又話 2條，又要指定用邊個夾﹗又話我今日咁同佢紮有同學/ 老師讚佢靚。

今日紮髮結﹗

是日開生曰 PARTY，自己襯衫，唔知佢係邊度學返嚟，話著過一次的衫，唔可以再蓍返學﹗個朝聽到佢同工人姐姐講，佢唔肯著工人姐姐安排比佢個條裙，係都要自己再揀﹗

我相信...要教佢嘅...就只有呢點...要珍惜﹗

大頭姨姨同爸爸好衰...話大頭妹寫 "我的高矮肥瘦" 母親？﹗

佢寫完好開心咁話，媽媽返嚟一定好開心﹗所以大頭姨姨 WHATSAPP定我，叫我返嚟簽功課時，見到佢寫得唔靚都唔好鬧佢﹗唉...有時...我係唔係比太大壓力佢呢？﹗不過...要求 K2的佢自己做功課，真是咁難？﹗

清草稿的時候見到呢篇 blog未出﹗寫好晒唔好浪費，不過應該都幾個月前的事﹗

2015年6月19日星期五

大頭小丸Fashion show 之 Gap小小代言人徵選 2015

hehehe...最近 GAP 有個【童顏無忌】小小代言人徵選 2015，我都幫大頭妹同小丸子報咗名參加呢？﹗大家有時間都幫我去投佢地一票啦﹗如果你有小朋友是 0-12歲嘅都可以參加架﹗﹗﹗去到 6月30日咋﹗﹗﹗

參加: http://castingcall2015.Gap.hk/

大頭妹: http://castingcall2015.gap.hk/ct/web/share.html?share_id=0A141T2p0Z772

小丸子: http://castingcall2015.gap.hk/ct/web/share.html?share_id=6Z2s460c5Ftu1

玩完仲有張 8折 coupon﹗

其實有冇小小代言人徵選，我一向都是 GAP 的 FANS，中環間 GAP同我 OFFICE是同一條街，成日 LUNCH都去行返轉，然後等特價就即刻入貨，咁好鍾意嘅/ 特別版都會即刻買嘅，好似上次套『超人衫』咁﹗最近佢地都做梗 PROMOTION，不過出 BLOG的時候，應該又做梗另一個 PROMOTION啦﹗我收到 SMS，依家好似 50％ OFF呀 (端午節 PROMOTION)﹗仲抵過我上星期買﹗

比下大家睇下我買咗咩？﹗我買的時候 TOP﹑短褲﹑半身裙同 ACCESSORY都有 30% OFF﹗所以我都是主要買呢幾類﹗

首先出場的有小丸子﹗

小丸子真是一個 POST女皇﹗唔洗叫，自動波不停擺唔到的 POST﹗

又差腰又V...除咗 "港女"，我都搵唔到另一個形容詞﹗

唔通你去選港姐嗎？﹗係喎﹗依家港姐 INTERVIEW喎﹗不過我諗你都要等多最少 15年先夠資格參加香港小姐，所以媽咪已經幫你報名參加今次 GAP 的【童顏無忌】小小代言人徵選 2015，0-12歲都可以參加架﹗

之後有大頭妹，大頭妹就好乖巧，要佢擺咩 POST就擺咩 POST，所以好易影到﹗

再分享下我的戰利品﹗

今次主要買啲短褲比小丸子，話說佢之前 3T的，差不多全部著唔落，拉唔上 PAT PAT... 呢 2條短褲真是好抵，本身已經做梗 DISCOUNT，蝴蝶個條只是 $48，再7折，折完 $33.6。粉紅色個條就 $58，折完 $40.6，但同時有其他顏色是正價 $98，定 $128架﹗

每人一SET背心，其實唔係真係一SET，不過我買多件打底襯下啫﹗小朋友都唔好走光嘛﹗

小丸子的士多啤梨，加星星打抵﹗件士多啤梨因為有珠片，貴少少 $159，折完 $111.3，件打底就 $99，折完 $69.3，$70都唔洗﹗

大頭妹有西瓜﹗好鍾意個幾粒西瓜核﹗

之後仲買咗對鞋，最近買咗好多對鞋比佢 2個，佢地同一時間對腳大咗，之前買落的，全部唔岩著，要換過一批新的﹗呢對鞋好抵 $129，折完 $99.3﹗最仲要係襯返我上一轉買的 GAP HOODIES﹗

即是呢件﹗媽咪我鍾意波點﹗

今期仲有個 SUMMER PROMOTION，買 $300 送個袋，去游水用幾好。不過因為膠袋費，呢個 GIFT要用 $0.5買﹗HEHHEHE..都OK啦﹗見佢都幾靚﹗

大家 like 咗我地的 Facebook page未呀？未就快啲 like 啦﹗

2015年5月11日星期一

小丸子第6﹑7堂溜冰堂

話說因為小丸子已經學咗 5堂溜冰，教練話可以開始自己練習啦﹗大頭妹終於都有得一齊落場啦﹗佢恨咗佢耐啦﹗之前堂堂都問我佢幾時先有得玩，好彩大頭妹好乖，真是次次跟我地去上堂，次次都無得入，佢都唔會扭計﹗如果是小丸子，真是反面都似﹗﹗﹗

大頭妹好開心﹗終於有得溜啦﹗其實佢都上過 2堂， 1次是 MEGA BOX，1次是太古城中心，所以佢都唔係完全無經驗嘅﹗(嘩﹗佢 2個對腳...真是好強烈的對比﹗阿妹足足是家姐的一倍...)

玩咗 1次，當然未識溜啦﹗不過原來小朋友學野真係好快，其實都可以溜到幾下﹗

HHEHEHE...有個剛剛認識的小朋友教我地溜冰﹗

第 7堂﹗之前爸爸明明話一齊溜，結果人影都唔見﹗噢﹗今次真是叫講返句 "連狼的影子都不見唸？" (狼來了故事的對白)，好彩有奶奶同大頭姨姨幫手，所以今次都可以帶大頭妹入場溜冰﹗

大 2年就是大 2年，今次大頭妹自己溜到一個圈啦﹗當然是龜速啦﹗不過我已經覺得佢好叻囡﹗

哈哈...好彩自己細個有學過溜冰，依家可以教下大頭妹，以後星期四又可以多一個節目啦﹗

大家 like 咗我地的 facebook page未呀？未就快啲 like啦﹗

2015年4月16日星期四

大頭妹帶你參觀OCEAN PARK【澳洲歷奇】

2015年 3月23日 (星期一)

呢篇其實應該由阿旺寫，因為我都冇份去，是佢帶大頭妹入去海洋公園幫一本親子雜誌做 model，介紹海洋公園新開的【澳洲歷奇】﹗hehehe...有得優先一日睇樹熊和袋鼠﹗﹗﹗

雜誌姐姐叫著得 COLOURFUL 啲...桃紅夠晒 COLOURFUL 啦呱﹗

原來新的澳洲歷奇是香港老大街入面，情人節入去時都唔覺眼嘅？﹗

呢個位都影得幾靚喎﹗

呢啲表演唔知係唔係之後都有嘅呢？﹗

大頭妹一陣有得上台一齊跳架﹗

仲有表演睇﹗

仲有得整雀巢﹗

有印水紙玩，大頭妹好乖，第 2日返學前同爸爸講，叫爸爸抹咗先返學﹗有時真是唔明點解大頭妹咁守規矩﹗

樹熊同袋鼠

HAHAHHA...最後 3月都無入到海洋公園，希望今個月入到啦﹗

2015年4月9日星期四

要考小學嗎？﹗

踏入 K2 下學期，身邊的媽媽開始傾下小朋友考小學的事，但其實我仍然十五十六。如果得一個，就唔洗諗，但有 2個，2個一齊讀 6年私/直小，條數真是好 "襟計"。

唔好講太貴學費的，太貴學費的已經不會考慮，我 TARGET 的私小都要 $3000幾一個月，只計學費同大頭妹依家讀幼稚園都差不多，即是其實都應付到，不過加埋興趣班﹑校車﹑午餐﹑雜費，條數分分鐘接近 $10000/月，真是貴過供層樓﹗而且到阿妹都升小呢？﹗依家就話小丸子讀有學劵幼稚園，明年 K1開始有學劵，本來以為可以輕鬆啲，但如果比大頭妹讀私小，即是輕鬆一年，又辛苦過﹗

最理想就當然是自行收生就入到我地的第一志願啦，所以同阿旺商量過，我地只會報 3間港島區私小，都是有聯繫中學，咁如果大頭妹真是咁叻考到，就比佢讀，要知道要考都唔一定考到...應該話都幾難考到。考唔到，就大抽獎，我唔會要佢考 10間 20間，考到考到為止﹗

以下就是我 target 的三間，其實希望都唔大，heheheh...一定仲難入過用 20分入我地的第1志願﹗

ST. CLARE'S PRIMARY SCHOOL
http://scps.edu.hk
報名日期: 9月1日至10月3日 (參考上年)
學費: $31,600

香港真光小學
http://www.tlmshkps.edu.hk
報名日期: 8月1日
學費: $37,740

嘉諾撒聖心小學 (私立部)
http://shcsps.edu.hk
報名日期: 9月1日至10月31日 (參考上年)
學費: $33,000

以上 3間都有自己幼稚園，想以 "外校生" 考入...應該都無希望，不過無希望，又唔可以唔做，最少大頭妹如果大個問我，我都可以答佢，我有帶過佢考，佢自己考唔到之嘛﹗hhahahaha...好無賴的媽媽...講笑啫...只是唔想最後自己後悔，連試都無試就放棄，所以明知機會微都要考囉﹗

2015年4月8日星期三

大頭小丸 FASHION SHOW

話說 GAP 間中都會做買 8件 65折，仲要減價貨品都同樣有 65折，一定是全年最大 DISCOUNT 嚟架啦，所以每次做呢個 PROMOTION，我都一定會入定啲貨『看門口』﹗雖然阿旺話個門口其實已經比我買到塞到入唔到...我相信我工人姐姐一定同意...其實我已經唔 KEEP舊衫，一唔岩著就送比人，不過屋企空間有限，HAHAHA...希望夏天衫細件啲，到時情況會改善啦﹗

入正題...見 GAP 減價，我即刻去入咗貨，不過出 BLOG之日，應該減價已經完咗﹗今次買咗 3條褲比大頭妹，仲有 1件外套﹑2條裙﹑1件 TEE﹑1件長線衫比小丸子﹗TOTAL 8件都唔洗 $700，真是好抵﹗

買比小丸子 2條裙都是普通 ONE PIECE，方便平時落街著﹗呢件灰色淨色 ONE PIECE，特價 $98，再 65折，即是 $64 咋﹗