自從學識咗點整蘿蔔糕之後，我年年新年都會自己整，唔食出面嗰啲。個食譜係來自一個紙上談兵的菜檔老闆娘，佢自己從來未試過自己整，淨係見過阿媽整...佢見我細路女傻傻地指明要三斤蘿蔔，唔可以多，又唔可以少，就問我係唔係整蘿蔔糕，跟住佢就公開咗佢媽咪的食譜啦﹗佢好好人，仲送咗幾粒紅蔥頭比我。
呢個食譜未必係最好味，不過就非常易整...可以話係零失敗的蘿蔔糕。
2012年更新版﹗
材料: 紅蔥頭 三粒 (爆香油鑊用)/ 冬菇 5隻 (浸軟，切粒)/ 瑤柱仔 半碗 (浸軟，撕絲)/ 臘腸 4條 (用熱水沖沖去衣，切粒)/ 蝦米 4湯匙 (浸軟，切粒)/ 蘿蔔 三斤(刨絲，連水備用)/ 粘米粉 半斤
*因為我唔食臘肉，所以用4條臘腸，否則可用 2條臘腸加1條臘肉﹗
調味料: 鹽 3.5茶匙/ 糖 2茶匙/ 胡椒粉 少少/ 麻油 少少
材料:
材料:
紅蔥頭 三粒 (爆香油鑊用)
冬菇 三隻 (浸軟，切粒)
瑤柱 一粒 (浸軟，撕絲)
臘腸 兩條 (用熱水沖沖去衣，切粒)
蝦米 兩湯匙 (浸軟，切粒)
蘿蔔 三斤(刨絲，連水備用)
粘米粉 半斤
調味料:
鹽 四茶匙糖 兩茶匙
胡椒粉 少少
麻油 少少
做法:
1. 先落麻油，用紅蔥頭爆香鑊(拿走)，加入臘腸。 2. 除蘿蔔&粘米粉，加入其餘材料炒香，加入糖 & 贊酒 (少少)。
3. 加入蘿蔔絲，煮熱。加鹽&胡椒粉。
4. 續少加入粘米粉，邊加邊炒。 5. 快炒至完全混合
6. 錫紙盤內塗油，加入炒好的混合物。蒸30-45分鐘，視乎錫紙盤的大小。
