登高

因為怕同人迫，上星期日先去拜山，遲咗一個星期﹗
拜完山順便食齋，其實我覺得圓玄學園的齋都幾OK，
特別愛吃佢地的荔蓉魚，
不過以前的酸蒿頭就變咗花生，
有少少失望﹗


咕嚕肉



呢個荔蓉魚是我必食的菜色﹗

羅漢豆腐

金菇生根

登高要戴返頂帽﹗



之後返媽咪屋企又食﹗

花膠海參炆冬菇

雞

炒菜心

白灼蝦



依家冇得煲劇，次次返媽咪屋企都叫阿妹開韓劇比我睇﹗
HEHEHE...又係睇李準基...
不過幾個星期先返一次...一次睇2-3集...真係有排追﹗


大家LIKE咗我地個PAGE未呀？


仲有微博呀﹗

Nancy at 10/31/2012 01:24 pm comment

小丸子好QQ好可愛呀,圓玄學院D齋貴唔貴

Athena and Joe at 11/01/2012 12:07 am reply

大部份都係$48﹗

欣欣媽媽 at 10/31/2012 11:39 am comment

嘢食超正,小丸子超可愛.

Athena and Joe at 11/01/2012 12:07 am reply

[img]4[/img]

大頭妹與小丸子的日常生活

身邊好多生咗一個，又心思思想生多一個的朋友，
成日問我...其實湊2個辛唔辛苦？﹗
老實講...話唔辛苦就假嘅﹗
除非靠晒個工人湊啦﹗仲要個工人靠得住，唔係仲忙﹗
或者有老人家幫手...不過又係要睇下夾唔夾得嚟...唔係又係仲忙...

不過我同阿旺一直都係打算生 2個，有個伴唔洗咁悶嘛﹗
依家小丸子大少少，開始...同大頭妹有 "的的" 咁多多交流，
其實都真係幾開心﹗

我每晚就會好似同佢地上PLAYGROUP咁，唱下歌，睇下書﹑講下故事﹗
大頭妹同小丸都好鍾意聽媽媽唱歌架﹗ hehheh...老屈2個囡...

大頭妹返咗學之後好搞笑，噚日話變魔術比我睇...
佢只是用條毛巾遮住對手，之後自己 "叮" 一聲拎走條毛巾...
就同我講佢變返對手出嚟...
我當時真係 "卡" 一聲笑咗出嚟﹗


大頭妹話同妹妹一齊坐校車﹗前面個cushion...大頭妹話係安全帶嚟架﹗

一齊睇DISNEY JUNIOR﹗

大頭妹專心啲...小丸子發現咗媽媽偷影﹗



小丸子最鍾意爸爸BUBU﹗

睇佢個樣幾ENJOY﹗

簡簡單單睇住2個囡玩下就一日啦﹗
開心其實可以好簡單﹗

OISIX 豆沙包

第一次係OISIX訂生果同和洋果子﹗服務真的十分好﹗
上次是PR姐姐安排的，不能作準啦﹗
今次是我自己訂的，
因為上次去牛角食咗個好好味的豆沙包，
見OISIX都有類似的，就訂來試試啦﹗
訂的時候見佢有個SET是焦糖雪糕布甸加豆沙包，
HEHEHE...焦糖 + 雪糕 + 布甸，3樣我都愛呢﹗

個豆沙包一到，我就即刻開一個食，因為之前係雪藏的，
嚟到的時候岩岩好，有少少似雪糕，但又唔係雪到實晒，好好味﹗
可能因為用生忌廉，好香好滑，最正的地方是唔太甜﹗
仲好味過牛角果個﹗


北海道十勝原料 焦糖雪糕布甸(Crema Catalana) 180g
北海道大納言生忌廉銅鑼燒 (5個組合) 70g×5
2099YEN



之後再ORDER咗 OISIX的人氣 NO. 1 產品，
宇治抹茶卷﹗
之前想試好耐架啦﹗不過要 訂夠 2000YEN先送貨嘛﹗

訂完之後第2日...忽然見到有水果福袋，
心思思又想訂，但又唔想比多一次運費，
就打去問下可唔可以加ORDER啦﹗
結果個服務員即時幫我﹗好HELPFUL呢﹗

紅肉奇異果

金賞葡萄

南水梨

蜜柑

BLOGGER活動: 亮視點「護眼顯關懷」微故事比賽收集作品

 

亮視點「護眼顯關懷」微故事比賽仲有最後3日，10月29日就截止報名啦﹗仲未參加的，就要把握最後機會啦﹗已經從PR姐姐手中收到一部份的作品啦﹗水準非常之高，作為今次比賽主持的我都幾頭痛，不過我心目心就比較喜歡 "感動" 的故事。

好喜歡其中一個微故事講到 "現在到媽媽老花了，我想買一副老花眼鏡給她，不想她看細小的字體會辛苦，為人仔女者，當初父母怎對你，你長大後亦應該怎對父母﹗"。

其實我自己都覺得自己做咗媽咪之後，先真真正正識得點同媽咪相處，知道理解媽咪的心情﹗眼見好多人 (包括我自己)，為咗自 己的小朋友可以上刀山落油鑊 (HEHHE...可能講得誇張咗，不過都應該有好多媽媽依家係MON前點頭)，但對自己的父母就唔係太關心 (唔夠關心囉)﹗其實我地係小朋友的榜樣，你依家點對自己的父母，將來小朋友就點對你。想教自己小朋友孝順父母，自己就先要孝順父母﹗

好 似我自己咁...我自細就想成為一個靚媽咪，其實都是因為受我媽咪影響，自小學開始，年年見完家長，第二日老師見到我都會同我講 "你媽咪咁靚嘅？"，哈哈哈...不然令我有少少虛榮感。我心目中媽咪仍然是細個的時候的靚媽咪，不過一向貪靚的媽咪，開始戴眼鏡，睇近野的時候，要成日 拎起眼鏡左望右望，原來媽咪開始有老花眼？﹗自從有了大頭妹小丸子之後，都將全部心機放晒係個寶貝囡身上有時真係忽略了身邊一樣全要的人﹗我要做一個孝順 父母的好榜樣，一於帶媽咪去驗眼，再送幅靚靚的眼鏡比佢﹗等佢繼續做個靚外婆” ﹗
HEHEHEH...PR姐姐仲有額外的禮物送返比我的BLOG的讀者，只要大家分享完故事，再係我個BLOG留返自己的EMAIL，就可以獲得啦 (名額 20位，先留EMAIL先得)﹗

眼鏡清潔套裝: 眼鏡清潔噴霧﹑眼鏡布﹑眼鏡專用螺絲批



參加: https://www.facebook.com/lenscraftershk/app_486710738015817

小丸子6個月啦﹗

唔經唔覺小丸子已經 6個月，可以開始食粥仔啦﹗
之前食咗2個星期米糊，比佢試下食半固體食物，上星期六開始食粥。

第一樣比佢試的是魚同波菜啦﹗
點知佢好似唔係好鍾意食波菜，
食到成條脷綠色...仲要一邊食一邊吐一邊尖叫...好得人驚...
我覺得我好似生咗一隻 "史力加"﹗

食物已經試咗: 波菜﹑旺菜﹑南瓜﹑魚﹑蘋果﹑香蕉﹑提子 (無食...lam下啫)
下星期會比佢試豬肉﹗


等食的 "大爺丸子"，以為食米糊，仲未知自己要開始食粥，當時仲好開心架﹗

睇下佢個樣...唔鍾意食...即吐...



樣樣衰衰咁﹗

小丸子: 媽咪，你比咩我食呀？咁古怪...青bb咁...

每次見到小丸子我都好想大叫 "阿囡，你好可愛呀﹗"，
又唱下先: 我愛你圓碌碌，我愛你大大份，我愛你肥do do﹗

BLOGGER EVENT: 亮視點 "護眼景顯關懷" 微故事比賽

上次講過我會幫亮視點的 "護眼顯關懷" 微故事比賽做主持嘅，大家參加咗未呀？
只需要分享一個150字以內的護眼故事，
即有機會獲得由亮視點提供的常規眼科視光檢查，
及適合個人眼睛情況的價值 $3000眼鏡產品﹗
今次個比賽其實同係上面大家同我討論大頭妹嘅故事一樣，
如果你對眼睛檢查有乜疑問，
無論係搞笑﹑感動﹑尋常，定係驚喜嘅故事，都可以同我地分享﹗
我將會係其中揀選出來最精彩嘅一個送出大獎。

參加: https://www.facebook.com/lenscraftershk/app_486710738015817


HEHEHEH...PR姐姐仲有額外的禮物送返比我的BLOG的讀者，
就是下面呢套眼鏡清潔套裝﹗

只要大家分享完故事，再係我個BLOG留返自己的EMAIL，
就可以獲得啦 (名額 20位，先留EMAIL先得)﹗

眼鏡清潔套裝: 眼鏡清潔噴霧﹑眼鏡布﹑眼鏡專用螺絲批

我同媽咪去亮視點驗眼，咁講過驗眼底嘅？﹗
岩岩PR姐姐比埋我的眼底相我，
HEHEH...我覺得好得意，比大家睇下。

長氣啲講多次，眼底又好似指紋一樣人人都唔同，
主要是檢查青光眼﹑黃斑點等症狀，同埋睇下血管正唔正常，
例如糖尿病人就機會會有血管增生﹗

相入面黑色一點的就是 "黃斑點" 啦﹗
原來我地睇到的影像，全部都會投射落呢一點，
所以如果上面的血管唔健康/ 有問題，就有可能影響視力啦﹗



黃色光啲個圈就是檢查青光眼的風險的
個黃圈入面仲有個細少少的黃圈，
個細黃圈越大，就代表青光眼的風險越高啦﹗

呢幅是我媽咪的，係唔係好唔同呢？﹗

"護眼顯關懷" 微故事比賽，10月29日就截止啦﹗
未參加的就快啲參加啦﹗
$3000眼鏡產品等梗你架﹗

另外整個愛 由眼及心"活動為期3個月 (9月20日至12月16日)，
其間亮視點會透過活動網站發出邀請，
成為粉絲，即可獲得眼檢邀請卡到亮視點預約驗眼服務。

https://www.facebook.com/lenscraftershk/app_244656512324033
整個驗眼檢查大約需時 30分鐘，於亮視點43間分店皆可進行﹗(分店地址)

親子時間

星期二阿旺要返學，以前好多時會同工人姐姐一齊去food court食晚餐，再四圍行下﹗
小丸子出世之後，又轉咗工人姐姐，就好少出去食，2個大人搞唔掂2個小朋友﹗

依家小丸子大少少啦，起碼唔洗 2個鍾食一次奶，又開始返我地星期二晚的親子時間，
其實好想阿旺都可以參與，不過佢真係好唔鍾意出街食，
而且工作轉post之後，仲成日要ot...
等到佢返屋企先出去食...都無地方比大頭妹玩啦﹗

上年織比大頭妹的冷衫，今年著岩岩好﹗

hehehe...唔記得佢見到咩咁緊張...

依家通常行APITA的玩具部...

唔敢去TOYRUS，怕佢要扭去冒險樂園﹗

我好SURPRISE，大頭妹竟然識砌火車 "鬼”，佢好鍾意玩呢﹗



不過其實我好怕帶大頭妹去呢啲地方，有時小朋友爭玩具，我唔識處理﹗﹗﹗

通常我只是會帶佢走，但．．．咁樣做係唔係會令大頭妹怕事呢？﹗

其實各位媽咪...遇到小朋友爭玩具的情況，應該點處理呢？
我見大頭妹如果有人搶佢手的玩具，佢通常會話 "我玩梗架﹗" ，
有時會搶返，大部份時間會攞過另一件玩具就算...
不過無論佢搶唔搶返，我通常都係帶佢走，叫佢玩第2啲...

仲有提提大家去參加亮視點 "護眼顯關懷" 短文比賽，
只需要分享一個150字以內的護眼故事，
我將會作為評判，選出一位獲得亮視點提供的常規眼科視光檢查，
及適合個人眼睛情況的價值 $3000眼鏡產品﹗
無論係搞笑，感動，尋常，定係驚喜嘅故事，都請同我哋分享。
參加: https://www.facebook.com/lenscraftershk/app_486710738015817