考完試了(下) 【和小朋友做小手工】

上次其實唔止買咗一盒玩具既，仲買咗一盒係做『玻璃畫』小手工，都唔係咩新野，我記得我細個都有玩過類似，可以夠我玩一個下午，不過依家當然再靚咗，做到是鎖匙扣咁，我覺得小朋友開 PARTY 時，同其他小朋友玩下都幾好﹗家長同小朋友做下小手工，其實是一個好好的親子時間﹗

一盒 $48，有6支顏色，同 6塊牌仔，有幾個唔同主題，我買咗恐龍同機械人﹗


大頭妹好叻女，可以自己完成，仲整得都幾靚﹗唔記得影小丸子隻恐龍，佢同爸爸一齊整，整到好恐怖，不過都成功咗﹗

整完之後要乾 8小時，所以晚上做完功課做就最好，訓醒第 2日就完成啦﹗乾咗就會半透明咁，大頭妹見到都好開心﹗

考完試了(上)【IQ XOXO遊戲】

放完新年假一個星期就考試，加上新年前又忽然停課，所以今次考試都溫得好急，有啲範圍其實都未教晒，要靠自己，所以新年假期都無得盡情玩下﹗不過唔緊要啦，考試後慢慢玩，大頭妹都知規矩，我次次都好有『信用』，考試後我會盡量滿足佢玩既願望，所以佢都會乖乖溫書 (希望小丸子都會...我知有啲難度)﹗

買咗款小遊戲同佢地玩【IQ XOXO遊戲】，是智力遊戲，訓練小朋友思考，仲可以提升專注力，HAHAHAH...個盒野咁講我咁聽...不過最少可以令佢地忘記 ipad 一陣﹗


買得一盒，兩個又爭，之後比我諗到個好方法，一個『出題』，一個『解題』，成功解決佢地的紛爭﹗忽然明白小朋友乖唔乖，真是睇父母識唔識教，好多事情其實有好多辨法可以解決，湊小朋友真是轉數慢少少都唔得，仍然努力學做一個好媽媽﹗


個遊戲有好多 LEVEL，細既小朋友可以由STARTER開始﹗


大朋友都可以玩架﹗如果比我玩，應該都可以玩好耐﹗

佢最好既地方係細細盒，好岩出街/ 旅行有時坐長途車，比小朋友玩下，好過玩手機吖﹗


大家 LIKE 咗我地 FACEBOOK PAGE 未呀？未就快啲 LIKE 啦﹗

小丸子K3家長日

2018年 1月 27日 （星期六）

今年小丸子家長日遇著大頭妹學校閱卷日，要一日走 2場，好彩都係同一個山頭，行上行落咁解。

今次見老師都無咩特別，因為今年好唔好彩，開學以來換咗3個老師，依家個班主任都是對咗佢 2-3個月到。老師話小丸子個人好粗心、粗枝大葉、粗粗魯魯，話佢好多野應該唔係唔識，不過就好心急，心急就做唔到😅😅。

不過佢話佢同同學相處就幾好，個人無咩所謂，所以同學都鍾意同佢玩。

睇佢個笑容，上堂都幾開心。

見完家長都有小朋友既作品展。

小丸子又畫得幾靚喎！

之後去小學部接睇完卷既我！

睇完家姐啲卷真是火冒三丈！個人粗心大意到呢⋯⋯到阿妹時真是唔知點算。

小丸子英文班【Oxford RWI 課程】

最近帶咗小丸子去試 Oxford 的 RWI 課程，之前一直唔知 RWI 同 PHONICS 的分別，只是成日聽其他媽媽講，RWI 課程比 PHONICS 的全面，小丸子都上咗成年 PHONICS，都掌握得唔係幾好，所以自己都想了解 RWI 課程多啲﹗

原來 RWI 課程全名是 Read Write Inc﹗呵呵呵﹗之前真係無了解過，以為是其他 PHONICS 的叫法﹗咁我依家就明點解其他媽媽話 RWI 課程更加全面，因為佢係教 PHONICS 課程的時候，會同時教 reading 同 writing﹗的確有啲小朋友，好似大頭妹，佢自己學完 phonics，識自己做 blending，閱讀英文無問題，但小丸子學完 phonics 之後，係閱讀時唔鍾意自己睇，亦運用唔返學咗的 phonics，所以同佢睇英文故事書，有少少拉牛上樹的感覺，好多時好多字，佢係同一本故事書就認得，即係記得唔係識，去到第二本未睇過既書，佢就唔認得﹗

入學前要先做評估。

我有問過centre，一般由 K2開始上基礎級，K3上初級，小一就可以完成中級，就可以學晒三組原音。

小丸子做完評估之後可以由綠色故事書開始！

一堂的內容會教一個原音，會有串字和認字時間的練習，亦有寫作練習。

仲有閱讀！我覺得課程都好全面！落堂老師都會講返小朋友上堂學習情況。

現在新生報讀可享$300課程折扣優惠及免費評估，優惠期有限，馬上報名: http://bit.ly/2BRHaC2

小丸子FASHION SHOW【Baby Doll 福袋開箱文】

哈哈！依家好少寫買衫文，仲有幾多人記得我以前「敗家萬歲」的 blog 😆😆！講真依家啲女大得快都真是買少咗，有錢都用咗係第二啲「怪獸」地方🙄🙄，不過一年一度的日本福袋仍然唔可以錯過！

今年買得遲 ，12月中先有時間睇，到我買時好多都斷貨，下年要早少少預備！最後只買到一個Baby Doll x Minnie Mouse 的福袋🎁，$750有5件，包括：1件雙面外套、1件one piece、1件長袖tee、1條短裙、同1條裙仔legging！買比小丸子，買了140碼，日本size好多時偏細，結果除了長少少，衫身都算是岩岩好！130碼冇貨，所以大頭妹無份！

有請小丸子出場！👏🏼👏🏼👏🏼

條裙仔後面都好靚！

條legging其實勁長，不過腰圍岩岩好！😂😂😂

我起初睇圖以為是風褸，原來都有少少厚度。

呢邊是抓毛料。

$750有5件衫，仲要其中一件係雙面外套，真是好抵呀！下年都一定要再買！💪🏼💪🏼💪🏼

小丸子上烹飪班『煤氣烹飪中心 - Candace媽媽親子烹飪班』

2017年 10月 14 日 (星期六)

上年又是差不多這個時間帶大頭妹到煤氣烹飪中心上 Candace 媽媽的烹飪班，上一次是整壽司，仲有好有挑戰性的『炸蛋』﹗上次上完堂之後，一直話會帶小丸子去，不過實在太忙，有拖無欠下拖了足足一年，終於成事，呵呵呵，唔可以做個呃小朋友的大人嘛﹗

 小丸子好興奮呀﹗其實佢好鐘意煮野食，次次行過 ABC Cooking Studio都話想學，不過阿媽我對整『便當』有興趣啲，所以最後都是去煤氣烹飪中心上 Candace 媽媽的烹飪班﹗今次整的是熊貓做形小熊飯團﹑漢寶扒﹑炒雜菜﹗

上次上過一次，有經驗啦，知道 Candace媽媽的烹飪堂，是真的小朋友自己煮 (大部份)，家長只提供『有限度的』協助﹗小丸子性格一向鍾意搞搞震， 真是岩晒佢啦﹗

上堂前影返張靚相先﹗


有得自己炒菜，小丸子好開心﹗


佢炒完之後不停話自己炒得好香﹗


嘩﹗強壯而有力的手臂，最岩整漢寶扒﹗


完全自己整架﹗


可以拎去煎啦﹗


之後整飯團﹗


最後做型部份就當然係我幫手啦﹗其實都真是幾花功夫﹗


Candace 媽媽的完成品﹗


小丸子一出到門口已經忍唔住即食﹗仲話好好味﹗


平時唔食飯架﹗自己整果然唔同，成舊拎住食﹗

小丸子@歌詠小組

小丸子今年有幸比學校選了入歌詠小組，逢星期五的自由時間用來練習，有時假期都要返學校練習，今日咁岩放假，我帶小丸子返學校練習，雖然就無得睇佢練習，不過等的時間，就可以睇下佢同同學相處！

今日發生咗一件事，我一定要記下來！話說我地早到咗，係等的時間小朋友就周圍玩下啦，校務處姐姐一聲夠鐘，大部份小朋友都跑去集合咗，小丸子竟然向反方向行，正當我想開口鬧佢的時候，比我見到一件我好感動的事！

原來佢去放返好佢玩的玩具，仲幫手收拾!

噢，我真是好感動！

後來有個校工姨姨就走過嚟話小朋友點解唔收拾，我笑笑口答佢，沒收拾的小朋友都跟老師走了，留下來的小朋友都好乖，有好好收拾，其中一個小朋友望住我露出微笑！做咗媽媽咁多年，我覺得自己都進步咗，識得點樣保護自己小朋友，又唔會同人起衝突﹗

小丸子K3幼稚園旅行@20171202

2017年 12月 2日 (星期六)

今年是小丸子最後一年的幼稚園旅行啦﹗都話細女蝕底啲，其實以前大頭妹時，次次學校旅行，我同阿旺都係一齊去，小丸子 K2旅行就得我去，今年就得爸爸帶﹗

雖然帶唔到小丸子去旅行，不過都有親自整咗個餐盒比佢，係佢 ORDER 的多芝多腿三文治，仲有芝士腸，同埋柑仔﹗爸爸話佢極刺食晒，係食剩少少柑，我原本都是預少少比阿旺的﹗

遇岩中環有賽車，今年轉咗去灣仔上車，其實我都未去過金紫荊廣場﹗

唔知小丸子掉得遠唔遠，不過表情就滿分﹗

個樣勁得戚﹗

有得玩 SCOOTER。