BB競步比賽@復活節

放完復活節假，有好多BLOG要追，不過另外2個都只是飲茶BLOG，先出個有大頭妹的﹗

復 活節的其中一日，我地同阿旺的朋友一齊去了數瑪港玩，其實我是第一次入數碼港咋﹗感覺...地方好大，不過人流又好少...HEHEHEH...好唔似香 港﹗原本想去WISE KIDS，點知去到有一個BB爬行加競步比賽，阿旺話想幫大頭妹報名，我心諗...我地個囡未 "超齡" 嗎？﹗好彩上限是 24個月，大頭妹仲有得玩﹗我地岩岩趕得切報名參加最後一場比賽﹗﹗﹗嘩﹗大頭妹BB的時候一直都好想帶佢去玩爬行比賽，今次真是 "無心插柳" ，大頭妹第一次參加競步比賽﹗﹗﹗

商場都幾大...不過真係無咩人﹗


大頭妹不停打個玩具個鼻...要全部都著晒先安落﹗

阿囡...你是要推呢個玩具去對面...唔係打佢個鼻...你知唔知比賽的規則架？﹗

 

好啦﹗預備開始啦﹗

阿旺身旁的就是我地的朋友啦﹗芯柔最後入到決賽，仲贏到第2名﹗好叻叻﹗贏返張 "牛肉乾" ﹗

我...竟然唔記得影VIDEO...WOWOWOWW....

大頭妹...平時你係屋企唔係咁斯文架？﹗今日仲咩係度扮野呀？﹗

HEHEHEH...睇佢個樣幾斯文...慢慢行去我前面。

大頭妹22個月啦﹗

哈哈哈﹗大家無見我2日，有冇以為我入院生小丸子呢？﹗其實小丸子未出世，不過我好努力咁織冷衫，所以無時間寫BLOG﹗最近織的 "小白兔"，大頭妹好鍾意，依家唔知點算啦？﹗上次織比小丸子件外套，工人姐姐竟然比咗大頭妹著，真是比佢激死﹗如果比大頭妹著先，我都唔洗織過啲新衫啦﹗唉...話佢仲要笑笑口話因為大頭妹岩著，所以比佢著﹗仲要大頭妹總共有 4-5 件新的外套﹗其中一件 NICHOLAS & BEARS，同一件POLO好貴架﹗﹗﹗過一陣又唔岩著啦﹗

講 返大頭妹的22個月成長報告先﹗佢最近忽然好似知我 "大肚" 有妹妹啦﹗有時會拎起我件衫，錫下我個肚，又唔知點解成日會話 "妹妹覺覺" (意思是妹妹是我肚入面瞓覺)，我從來都無同佢講妹妹係肚入面係瞓覺架喎﹗唔通佢記得自己BB的時候係我肚入面瞓覺？﹗實在太耐人尋味...。最近仲成日 拎起人啲衫 (包括佢自己) 叫妹妹﹗有一次好搞笑，睇 "5覺大戰"，佢地要摸個肥仔的肚，佢一見到就好開心叫妹妹﹗﹗﹗

睇返媽媽會的EMAIL: 22個月的小朋友應該大約有以下的發展:
重複別人的說話 (又唔算多喎，我見有啲小朋友真是好似鸚鵡咁，你講一句，佢即時講一句架﹗)
開始明白較複雜的要求 (我都唔明呢個咩意思，點為之複雜呢？)
了解物件在體積上的顯著差距，但細微的體積變化則未能分 (咁我又唔佢識唔識喎，不過如果是食物，佢一定要食最大個件囉﹗貪心人﹗﹗)
經常問「那是什麼？」 (又好少喎﹗)
開始記得不久前發生的事情，並估計即將發生的事 (佢好好記性...不過估計即將發生的事...即是咩？)
能夠配對相似形狀 (識)
可以好好地運用雙手及手指 (識)
即使沒有特別的訓練，也能把兩、三種動作組合起來(識)
能疊起四塊的積木 (識)
能蓋好或拿走容器的蓋子 (識，不過扭的樽蓋就識關唔識開)
不願上床睡覺 (原來...呢個時候唔鍾意瞓？﹗不過大頭妹幾時都唔鍾意瞓﹗)
喜歡為自己做事 (最近鍾意畫畫囉﹗)
發白日夢時會自言自語，從而發揮日常累積的經驗 (又唔明啦...算啦﹗)

大頭妹的第一張畢業證書﹗

話說上年12月的時候幫大頭妹轉去幼稚園的PLAYGROUP﹗上完8堂之後，終於大頭妹有人生的第一張畢業證書啦﹗之前的一間沒有呢？﹗

點知...晴天霹靂... 證書上竟然用了一張上堂時影的相，而張相的主角是我工人姐姐同大頭妹﹗﹗﹗我一見到的時候已經問阿旺，點解佢會接受張證書？﹗阿旺完全覺得沒有問題﹗﹗﹗ 天呀﹗實在太過份﹗﹗﹗我知男女有別，但點解我地的觀點角度真的差這麼遠嗎？﹗我反問我自己...如果我沒有被懷孕影響，平時的我會不會接受，我都覺得我 自己接受不到 (是我的接受能力太低嗎？﹗)。

哈哈哈...之後我就強迫阿旺叫學校再做另一張證書﹗邊個叫你自己娶了一個麻煩女人？﹗我知我麻煩，不過我覺待我的要求好合理。結果學校話會用另一張相做過一張，如果沒有合適的，就下次上堂再補影另一張。聽到這個答案，即時開心晒﹗

老公，送返首歌比你聽﹗(heheheh...是阿旺的電話鈴聲)
老土的讓我面紅的麻煩女人
嘮叨的讓我耳疼的麻煩女人
挑剔的讓我感動的麻煩女人
傻傻的讓我瘋狂的麻煩女人
想要有直升機
想要 "把" 你飛到宇宙去

大頭妹睇YOU TUBE﹗

之前都有提及過，想幫大頭妹戒睇YOU TUBE﹗其實最初是因為之前上的PLAYGROUP，老師會播YOU TUBE的兒歌，所以我地又上YOU TUBE搵下老師播開的兒歌比大頭妹聽。

點 知，原來YOU TUBE上真的有很多很多兒歌，好快大頭妹就上了癮﹗而且久而久之，佢仲識自己上YOU TUBE，自己揀歌，佢睇的時候仲好專心， 佢可以自己一個睇1小時，中間可能有時LOAD得唔好會叫我幫一幫佢，其他時間我都唔洗理佢﹗出街食飯有得睇 YOU TUBE，又會乖乖地坐好﹗基於方便的心態，最初我地都由得佢睇﹗但如是這，佢一日可以花 2-3小時睇YOU TUBE聽ABC歌...我地又覺得好似不是太好﹗所以最近就要幫佢戒啦﹗

如何選擇幼稚園

今次的BLOG，我只是以一個 "怪獸家長" 的身份講下我自己怎樣選擇幼稚園，絕非專業，並無參考價值，敬請留意﹗

最近同朋友出來食飯的話題都離不開小朋友，大家都有小朋友的，尤其是有差不多大的小朋友的，都一定會講下考幼稚園 (我發覺就算未有小朋友的，對這個話題都十分有興趣)。

自己第一次做父母，本身又不是從事教育工作，其實最初要幫大頭妹揀幼稚園都幾頭痛，哈哈哈，大頭妹幾個月大的時候，我已經叫阿旺去圖書館借幼稚園的參考書，其實教育處都有類似的網頁: http://www.chsc.hk/kindergarten。 我會留意幾方面 : 1. 幼稚園的歷史，個人認為通常歷史越長越好啦﹗幼稚園以前一直都是自負盈虧，差的都好難生存嘛﹗2. 師資，例如大學學位/ 外籍老師人數。3. 老師的年資，老師都做唔長的，幼稚園都不會太好吧﹗4. 地方的大小，家長都想自己的子女有多些地方走動啦﹗最後的結論是名校於以上幾方面的確是比較優勝﹗

另外就是應該揀非學卷/學卷幼稚園啦﹗ 其實朋友唔講我都唔知，原來非學卷/ 學卷幼稚園的分別，除了 $16000是政府/ 家長支付，學卷幼稚園因受政府規範，需要以母語為主要教學語言。怪不得我帶大頭妹去考非學卷幼稚園，老師是用英文的，而有學卷的幼稚園是用中文的﹗所以如 果你是著重小朋友的英文語文能力，可能學卷的就不太合適了。以我自己為例，我小時候就是讀九龍塘的幼稚園，英文老師是外籍人仕，已經有英文口語考試，我仲 記得其中的2條問題是: 1. WHERE DO YOU LIVE？2. HOW MANY BROTHER AND SISTER DO YOU HAVE？之後我返荃灣升小學，一直覺得英文好淺，去到小學3年級的時候，發現英文書竟然和我幼稚園高班的一樣 (等我一直以為自己好醒﹗)﹗

有從事教育工作的朋友同我講，現在選擇幼稚園真的要好小心，她有朋友教幼稚園的，一班 30人，得7個小朋友的父母都是香港人，其餘的不是"單非"就是"雙非"﹗ 超過一半是綜援家庭﹗其實無意去 "標籤" 單非/ 雙非/ 綜援家庭，我知道不是每一個單非/ 雙非/ 綜援家庭都有問題，不過他們會遇到的問題，應該會比普通家庭多﹗雙非的小朋友可能要同父母分開住，交由親戚照顧，他們的親戚又會否當他們是自己的親子女看 代教育？﹗綜援家庭的父母可能會比較為錢而煩惱，生活環境可能比較差，小朋友可能想人多些關心，而做出 "引人注意" 的行為。 我自己就有一個經驗，幾年前，我去中醫館飲藥露出一個 "好苦" 的表情，旁邊一個 3-4歲的小朋友即時衝口而出話 "抵死﹗" ，我即時嚇了一跳，之後幾日我都試下逗他玩，到我最後一日返去覆診的時候，他拉住我的手叫我唔好走﹗其實他的父母就是店主 (不是綜援，是"單非")，爸爸已經是一個70幾歲的伯伯，媽媽是一個中年有鄉音的女人﹗可能平時父母都太忙，根本就沒有時間陪他，我仲發現...就是他 的媽媽經常罵他 "抵死" ﹗小朋友的行為，的確很受家長的影響﹗

2月份應該已經是考幼稚園的尾聲，已經有學校OFFER的固然放下心頭大石，未有學校收的都唯有繼續等消息，聽聞有好多家長都會幫子女考好幾間幼稚園，有些考到幾間的，更加間間都交留位費，所以未有OFFER的，其實都不用失望，希望大家都會等到好消息﹗


好耐無POST大頭妹的VIDEO﹗其實我每晚臨瞓之前都會同大頭妹玩大約一個至個半鐘﹗比大家睇下我地玩咩﹗

今次等大頭妹示範iphone有幾user friendly﹗佢已經識得自己開YOU TUBE睇，記得某幾個APPS的位置，例如: CLOCK﹑TALKING TOM﹑SING SING TOGETHER﹑日文APPS...

大頭妹21個月啦﹗迎接TROUBLE TWO!

有小朋友之後真是覺得時間過得好快﹗眨下眼大頭妹就21個月大﹗每個月一寫成長日誌的時候，就會諗返剛剛陀大頭妹的時候，但依家其實已經陀住 "細B" 啦﹗

大頭妹踏入21個月，最近真是越來越百厭，我開始明白點解有 "TROUBLE TWO" 呢個TERM﹗因為佢地依家已經活動自如，但又唔識危險，仲開始有自己的脾氣 (呢樣是關鍵)，有時唔比佢做一些事情，就會尖叫 (最近開始的)，或者 "瞓後"，真是成個人向後瞓落去﹗﹗﹗ 已經不停同佢講咁做好危險，試過一次 "瞓後" 跌落床邊，好彩是有雜物的一邊，只是撞到個頭少少，因為我之前已經同佢講咗唔可以，佢真是唔敢喊﹗咁即是佢明白根本唔應該做 (因為應該都好痛)﹗另外就是 "扮跌" 引人註意﹗例如: 我唔比佢食朱古力/ 佢叫咗我幾次我都聽唔到，佢就會扮跌，然後 "唉哋" 一聲，等我去抱佢﹗

睇返媽媽會的EMAIL: 21個月的小朋友應該大約有以下的發展:

智力發展:

• 懂得向大人要食物、玩具及其他熟悉的物件 (識﹗一經過雪櫃就叫CHEESE，成日企係食物櫃前面叫MM，唔比佢仲會講BLUE, RED...)
• 自行把名詞和動詞組合起來，如「吃餅乾」知道怎樣使用「吃餅乾」這詞句 (識﹗)
• 開始推論，即是把以前所學的原理應用於新的環境，例如她拉來一張櫈的原因是她無法拿到想要的某一物件 (呢個好少見，因為佢係 "老點王"，有咩都會叫我地幫佢﹗阿旺話呢點同我最似喎﹗)

肌肉發展:

• 能夠自己脫衣服 (識識地啦﹗衫就OK，褲就差少少。)
• 能夠模仿別人摺疊紙張的動作 (普普通通，佢個人無耐性，上次新年同佢入利是都入到發晒忟憎﹗)
• 把物品堆放在一起 (倒晒啲野出嚟會叻啲囉﹗) 

社交與情感發展:

• 會拉着某人以便向他/她展示一些東西 (識﹗)
• 非常自我中心 (是啦﹗唔同人SHARE，唔比人話得﹗)
• 更多以說話或反叛行為去表達自己的感受 (其實依家我同佢都溝通到7-8成﹗不過就仲有靠 "手語"，佢識得叫我唱咩歌比佢聽，例如: ROW ROW =ROW ROW ROW YOUR BOAT﹑ABC歌 = ABC SONG﹑BRIDGE = LONDON BRIDGE IS FALLING DOWN﹑HAPPY B = HAPPY BIRTHDAY﹑CLAP CLAP = IF YOU ARE HAPPY﹑SWISH SWISH = THE WHEELS ON THE BUS)

第一次坐船好開心﹗係咁講 "水水"﹗
 

攞住個MOUSE自言自語扮講電話﹗講講下仲會自己笑﹗

大頭妹新年FASHION SHOW

今年我好醒目，一早就幫大頭妹預備好新年的新衫﹗不過今年新年實在太凍，最後都是日日著住件舊的大褸﹗

上年買唔到CCK件新年花花衫，又無買其他紅噹噹衫﹗好似若有所失，唔夠新年氣氛﹗所以今年第一件買的就是CCK的新年花花外套﹗上年搶唔到﹗今年醒啦﹗開賣一早就打去CWB店留，放工叫阿旺去比錢...HEHEHEH﹗

之 後襯日本新年，訂了2個日本BABY福袋﹗1個MICKEY MOUSE，1個其他日本童裝的(呢個之後訂的仲未收到)，2個都是$680@，然後各有5-6件衫，為起都是百幾蚊一件﹗之後再去NICHOLAS & BEARS買多2件紅噹噹靚衫 (2件都$8XX...真是大出血啦﹗)，最後去SOGO買新鞋仔﹗SOGO有好多款呀﹗又有好多DISCOUNT﹗GOOD﹗

NICHOLAS & BEARS有帽連身裙，好可愛呢﹗

NICHOLAS & BEARS 高跟鞋T-SHIRT，夠晒高貴﹗

大頭妹一著上身就好鍾意，拍拍自己心口話靚靚﹗

CCK的新年花花外套﹗真是好有新年的氣氛﹗

買比小朋友始終都是要有公仔的﹗大頭妹好好好鍾意﹗

係屋企都要著住，仲要行到大大力﹗一見人就同人講佢對鞋有APPLE﹗

6年後終於織起，之前已經織好9成，只是未織3條貼，今年一定要織好啦﹗大頭妹都就快唔岩著﹗

後面都有心心花架﹗

MINNIE MOUSE福袋，$680有6件衫﹗

1. 薄身綿褸

2. 運動套裝 - 外套

3. 運動套裝 - 褲仔

4. 短袖T-SHIRT裙


5. 長袖T-SHIRT


6. MINNIE LEGGINGS﹗

KAWAII FACE﹗