2022年8月23日 星期二

K11 Musea 黎曉亮「三個展」



2022年8月21日(星期日)

今日去K11 Musea 睇黎曉亮「三個展」攝影展,因為其中的「回到黑色」有肖戰一段15分鐘的黑白短片,影片中有一個鎢絲燈泡前後搖晃,攝影師叫他幻想這是公眾的目光⋯

對我來說現場看真的很震撼,氣氛好壓抑。現在職員講解,原來攝影師是找了3位「備受爭議」的藝人去拍(另外還有范冰冰),聽完個心其實有點唔舒服,令我回想起20年的黑暗時期,有段時間睡不好,每日起身第一件事就是看手機,好怕他捱不過去⋯幸好現在都好起來了,真好!

現場有個互動裝置還原返「回到黑色」系列的拍攝現場,我也拍了張全家福。






















看完展覽去吃晚餐,我的鹽味拉麵。


兒童餐都幾豐富


兒童餐的迷你拉麵


蟹沾麵






最後再去買埋老公的生日禮物。


地點:K11 Musea 地庫2樓Garage

2022年8月19日 星期五

大頭妹畢業夏令營@20220729




2022年7月29日(星期五)

由於疫情關係,這一代的小朋友,缺失了許多校園生活,好似畢業旅行,所以我哋自己自組了一個小型的畢業旅行,約了幾個同學一齊去北潭涌渡假營!

大頭妹小丸子好多年前去過一次,房間都是差不多,我哋4人家庭,就是2房1廳。






放低行李就去玩第一個活動—射箭!同同學一齊去的好處是一班人一齊玩,會願意去試。




之後我地訂了6:00pm BBQ,我哋話我哋訂的時候是11月,所以根本沒有考慮到天氣會好熱😂。熱到都唔想燒,小朋友就更加,然後我哋大人要燒埋小朋友個份,我燒到成面面油!

燒完嘢食,約了8:30pm打羽毛球,打到10:00pm,返到房就叫肚餓啦!


第二朝一早8:00am食早餐,9:00am著好泳衣準時去玩水!


一節20分鐘!


之後10:00am本來可以游水,點知好大雨!最後又去打羽毛球!


臨走話要畫,間中一次就滿足吓佢啦!


爸爸話是男朋友視覺!


離開西貢前去食滿記。




臨走見到牛牛,牛牛過馬路好危險。



2022年8月17日 星期三

是日晚餐:茄汁豬扒 薑蔥鮑魚



今次又睇下我的恆心,可以維持寫幾耐?!

點解最近咁勤力煮飯?因為大頭妹小丸子都開始大,我哋間屋得2房,開始唔夠住,其實有少少想唔用工人,當然都唔會係而家,工人剛剛先續約,完埋今張約,小丸子剛好升中學,所以最快都2年後。我打算多啲做下家務,習慣下唔用工人,好過突然一日唔用,發現原來根本搞唔掂,不過阿旺話用開工人,根本無可能唔用,2個女上中學,功課更加多更加忙,佢地唔做就是我地2個做⋯⋯

今日星期日,帶大頭妹小丸子去學游水,中間就去買餸,見到鮑魚$50/6隻幾抵(其實日日都呢個價),好耐無煮過比小丸子食,簡簡單單煮個薑蔥鮑魚,炒秋葵、紅椒墊底。另外再煮個茄汁豬扒,大頭妹鍾意食。

薑蔥鮑魚


紅蘿蔔粟米花膠湯


我今次好認真,用齊薑蓉、蔥白去醃!


煎起豬扒備用,食之前再加茄汁煮返熱!


第一個步驟漏咗影,其實我先炒秋葵和紅椒,又後爆香薑蔥就可以煎鮑魚。


煎到8成熟就放返啲秋葵落去炒,吃辣的,其實可以加少少 XO醬。


另一邊豬扒回鑊,加入茄汁料煮至杰身就可以!


諗住copy and paste返茄汁豬扒個食譜,先發現原來我無寫過?!咁算啦⋯有人想要先再寫😅,懶。 

2022年8月15日 星期一

是日晚餐:洋蔥汁雞扒



之前一直等消息,期待9月開學可以返全日制,我又可以煮午餐盒,可惜最後都是返半日,仲要繼續日日做快測,好彩而家RAT都唔貴,唔係真係好快破產,不過真係好唔環保⋯⋯

原本期待9月開學可以帶飯,我又開始研究下新煮意,學校無得加熱,我通常會諗啲微溫都仲好味,有少少汁可以撈飯食嘅,方便大頭妹食快少少。

今次試下快餐店的洋蔥汁!上網睇咗幾個食譜跟住做,味道同快餐店差不多,但總係差少少,不過小丸子話好好味!









食得好乾淨👍🏻


2022年8月12日 星期五

生日飯@Lawry’s The Prime Ribs



2022年7月9日(星期六)

今年生日撞正大頭妹小丸子考試,正日 lunch time和阿旺二人世界去食山下。考完試的星期六帶埋2個女去 Lawry’s The Prime Ribs 食 weekend semi-buffet brunch。

笑得好開心,考完試終於唔洗溫書。




Weekend brunch 是 semi-buffet,選擇不算特別多,但質素不錯。南瓜湯入口軟棉棉,我同小丸子都飲了 2碗。


頭盤和甜品都是自助式,都是一般的沙律菜、煙三文魚、ham、cheese之類。


主菜我都是點了主打的燒牛肉。


老公點了Boston Lobster Egg Benedict 。 


兒童的燒牛肉,份量一點都不小,還加送一個side dish,大頭妹選了cream corn。


小丸子選了肉醬長通粉。




我自己訂的位,然後同人講慶祝生日,甜品寫返自己名⋯⋯


因為已經好飽,所以只是淺試一下甜品。


慶祝生日,餐廳有即影即有服務。


Lawry’s The Prime Rib
網上訂座即賺Rice Dollars    
網址: https://s.openrice.com/QrbS0JPa900~u_4rQAQ
地址: 中環皇后大道中9號嘉軒廣場3樓
電話: 29072218
Related Posts Plugin for WordPress, Blogger...