傻夫婦一家四口生活日誌: 小丸子日誌24-36個月

顯示具有 小丸子日誌24-36個月 標籤的文章。顯示所有文章

2015年4月29日星期三

小丸子第2、3﹑4﹑5堂溜冰堂

眨下眼小丸子就已經上咗 5堂溜冰啦﹗已經上完第 1 ROUND 的 5堂啦﹗其實真是估唔到，原來小朋友學溜冰又真是幾快﹗咁又係我想當年小六去學溜冰，應該1-2堂就學識，之後係學後溜，唔同的步法，不過依家已經唔記得晒，唔係就唔洗帶小丸子去上堂啦﹗

上完第 4堂的時候，教練都有問下我地仲學唔學，其實上完 5堂，真是連 3歲的小朋友都可以自己溜到幾步，教練就 RECOMMENDED 我地上多 2 期，即是 10堂，小朋友就應該可以自己溜架啦﹗同埋都要練習下﹗教練建議我地上堂前半小時比小朋友練習，咁上堂的時候就已經 WARM UP咗，一上堂就 "醒目" 啲，習慣咗係冰面行﹗所以我地由第 6堂開始，就會早少少入去練，HEHEHEH...到時再講下有冇 IMPROVEMENT先﹗

睇下佢幾開心？﹗

第 3堂﹗原來已經可以自己溜一小段﹗

第 4堂...睇下小丸子幾百厭...拎起張櫈嚟行﹗

上第 5堂之前，係屋企發生意外，小丸子著完襪，係屋企跑，成個撻低咗 (對襪無防跣)，之後上溜冰，佢非常小心，好似食咗幾啖豬油膏咁﹗唉...又要由頭嚟過，希望過多 2堂就無事啦﹗快啲回復正常啦﹗

大家 LIKE 咗我地 FACEBOOK PAGE 未呀？未就快啲 LIKE 啦﹗

2015年4月8日星期三

大頭小丸 FASHION SHOW

話說 GAP 間中都會做買 8件 65折，仲要減價貨品都同樣有 65折，一定是全年最大 DISCOUNT 嚟架啦，所以每次做呢個 PROMOTION，我都一定會入定啲貨『看門口』﹗雖然阿旺話個門口其實已經比我買到塞到入唔到...我相信我工人姐姐一定同意...其實我已經唔 KEEP舊衫，一唔岩著就送比人，不過屋企空間有限，HAHAHA...希望夏天衫細件啲，到時情況會改善啦﹗

入正題...見 GAP 減價，我即刻去入咗貨，不過出 BLOG之日，應該減價已經完咗﹗今次買咗 3條褲比大頭妹，仲有 1件外套﹑2條裙﹑1件 TEE﹑1件長線衫比小丸子﹗TOTAL 8件都唔洗 $700，真是好抵﹗

買比小丸子 2條裙都是普通 ONE PIECE，方便平時落街著﹗呢件灰色淨色 ONE PIECE，特價 $98，再 65折，即是 $64 咋﹗

件 TEE 其實是比小丸子的，是 4T，所以 2個都岩著﹗件 TEE 是平時最 COMMON $78個啲，折完 $51...平過街邊貨啦﹗但質地一定好過街邊貨﹗其實我覺得 GAP 的質地都會好過 UNIQLO 少少﹗不過 UNIQLO 就多款﹗

買咁多件之中，最滿意是大頭妹條牛仔褲，佢一見牛仔褲...就已經唔鐘意，佢著開 LEGGINGS，之前買開 UNIQLO的牛仔 LEGGINGS，但佢大個囡啦，依家著 SIZE 100會吊腳，所以要買過啲新褲比佢﹗呢條牛仔褲著得大頭妹好型囡﹗後悔買得 1條﹗

另外 2條都是 LEGGINGS 啦﹗第一次是 KIDS 部買衫比大頭妹，我個囡...真是大個囡了﹗

好鍾意隻白兔仔，買定...下年著...特價$199，再 65折，折完 130咋﹗100% COTTON，質地幾滑手架﹗

GAP HOODIE 又是 $199 再 65折，折完 $130﹗買比小丸子返學著﹗

呢條同小丸子著個條淨灰色應該一樣款，不過唔同布，呢條貴少少，不過都是 $119，65折完就 $78﹗抵啦﹗

話明是 FASHION SHOW...都要化個靚妝嘛...

小丸子真是勁貪靚，最近我轉用粉盒，之前都是用濕粉，佢見到個盒即刻 2眼發光，話要用﹗

哈哈...不過我好衰...我又整鬼佢，我專登係佢面前唔開個內蓋來用...係個蓋上面點點下，再搽上面，小丸子又照跟，仲好開心﹗不過好快比大頭妹發現咗，仲教妹妹開蓋﹗我叫佢唔好搞我盒粉底...佢仲話『媽咪，呢盒係 bb cushion 嚟架﹗』，依家啲細路...真係無得呃...

幾認真﹗

仲搽比爸爸睇﹗

仲有片架﹗成日吹水...仲話老師叫佢搽多啲...都唔知我係唔係聽錯...

大家 LIKE 咗我地 FACEBOOK PAGE 未呀？﹗未就快啲 LIKE 啦﹗

2015年4月1日星期三

小丸子第一堂溜冰堂

唔知大家仲記唔記得上次我同大頭妹去溜冰，小丸子無份，佢見到我地係溜冰場行出嚟個刻，喊得好淒涼﹗之後每次經過冰場，佢就話想溜冰，但之前問咗，要 3歲先可以開始學，直到先一排，幼稚園媽媽的 WHATSAPP GROUP有媽媽問起有冇興趣自己組班，我當然即刻幫小丸子報名啦﹗﹗﹗其實本來都想暑假比佢地學，打算 12月去韓國滑雪之前比佢地上下溜冰堂，HEHEHE...不過依家已經改咗暑假去日本東京啦﹗

我發現小朋友真是好好記性，所以真是千祈唔好呃佢地﹗我帶小丸子去上堂之前同佢講要自己入去，佢問我媽媽可唔可以入，我話媽媽唔入得架，係你上堂嘛，你返學我都唔可以入課室架，之後佢即刻話點解上次家姐上堂，我又陪家姐入﹗嘩﹗個小氣鬼仲記住我地無預佢﹗

睇佢個樣幾得戚﹗

小丸子真是大膽過大頭妹好多，一開始係地上的時候已經夠膽自己行﹗

準備入場啦﹗老師會用櫈仔推佢地入去上堂的範圍﹗

即係咁樣﹗

比佢發現咗家姐﹗

可能因為是 4個同學一齊上啦﹗見佢地 4個都好乖，無扭計，又無驚﹗

第一堂嚟講，佢地 4個的表現都好好呀﹗

起初會叫佢地推下櫈，行出去攞膠圈，有時是自己一個，有時4個一齊出去，玩咗幾次之後，老師問佢地自己出去好唔好，咁佢地就係老師幫助之下，自己溜出去，原來第一堂就已經可以自己試溜﹗

一堂 30分鐘，好快就落堂啦﹗

上完堂去 APITA FOOD COURT...又是食 FOOD COURT...又是食烏東，唔知係唔係上完堂特別肚餓，小丸子一口氣食咗 3碗仔...最後食咗 4碗﹗

大頭妹知我話佢即刻抱住爸爸﹗小丸子食完 3碗，佢仲係食梗第 1碗，仲要好似未郁過咁﹗

大家 LIKE 咗我地的 FACEBOOK PAGE 未呀？未就快啲 LIKE啦﹗

2015年3月24日星期二

媽媽的反醒 1

今次的事件其實發生係年初一，不過驚嚇親人，所以當時無 POST 係 FACEBOOK﹗不過我想提醒返我自己，所以事隔咁耐都想出返個 BLOG﹗

年初一一大清早，小丸子忽然爬係我頭上面，我望一望，真是即時嚇醒，做咩成身都是血架？﹗﹗﹗

原來是流鼻血﹗我的叫聲...已經叫醒埋爸爸同大頭妹，佢地反而無反應...小丸子好似第一次流鼻血，大頭妹流過幾次，阿旺就成日都流鼻血架啦﹗而我係從未流過鼻血，所以一時 LOAD 唔到小丸子係流鼻血...真是嚇C我﹗

原來個傻妹見整污穢咗件睡衣，驚我會鬧，所以唔敢叫醒我，自己攞紙巾抹。因為平時如果佢食朱古力整污穢咗衫，我會鬧佢，佢成日食完野，就抹落自己/ 人地個身度，我覺得係工人姐姐，成日食完野都唔同佢抹手/抹咀，大頭妹細個由另一個工人姐姐湊，佢好愛乾淨架，小小污穢都鬼殺咁嘈，所以我覺得我要教返好佢。

之後我都有同佢講，下次一定要叫醒媽媽，唔可以自己抹。

之後我諗，其實我平時係唔係太惡呢？﹗其實我已經盡量唔惡架啦﹗我都希望可以做到『不打不罵』，不打都仲勉強可以做到，我平時最多都是打手板，仲要講完 "耶穌"，佢地都同意自己唔岩先要打手板，想佢地記得。不過小丸子通常唔會同意，佢會用道歉/ 扮可憐來換唔洗打手板。不罵...就真是要再功力深厚啲﹗不過有時 2個囡的行為，真是令我覺得佢地惜我多過我惜佢地，我真是要好好反醒一下﹗

大家 LIKE 咗我地個 FACEBOOK PAGE 未呀？未就快啲 LIKE啦﹗

2015年3月19日星期四

小丸子 35 個月成長誌

最近都無定時出成長誌，2個囡都唔再是 baby，無咁多野記﹗

小丸子下個月就 3歲啦﹗襯記得就寫返個成長誌啦﹗佢依家 94cm高，重34磅，應該都仲係 90%生長線，係班中都算高大。不過難為我每日帶佢返學，過馬路到巴士站一段路我都會抱佢，連埋書包同衫，日日抱住自己 1/3體重的小丸子返學，真是好辛苦﹗

啲人成日話小朋友大啲就甩身，呃人嘅﹗開始要做功課先係惡夢的開始﹗﹗﹗小丸子幼稚園是 happy school，學校唔算多功課，起碼唔係比家長的功課， 10月開始有朗誦功課， 2月開始有閱讀功課，要做讀書報告﹗咁細個做讀書報告，其實都是做下圖功，剪下貼下，小丸子不知幾 enjoy﹗家長就要寫少少感想﹗不過今次的讀書報告有個 "意外收穫"，就是我地第一次睇繪本，大頭妹好鍾意，之前一直諗方法教大頭妹中文，依家開始有少少眉目啦﹗可以睇下繒本，可能圖多字少，是一個簡單的好開始﹗

小丸子第一次做功課。

睇佢幾開心？﹗

都似模似樣﹗

最近返學無喊啦﹗做返開心囡﹗

唔知係爸爸定大頭姨姨整嘅...真是好好笑...小朋友真是一個紙袋都可以玩一餐﹗

小丸子的芭蕾舞做型...點解...一啲都唔優雅嘅？﹗

依家小朋友好有主見﹗自己堅持要紮 2條瓣上芭蕾舞...同佢講紮好，佢仲要用手摸去 check下﹗

第一次貼堂﹗

時光飛逝...話咁快小丸子下個月就 3歲，真係唔想個囡大得咁快，好唔捨得個囡大得咁快﹗明明好似前一陣子，仲係手抱 baby﹗

2015年3月3日星期二

情人節@Ocean Park

情人節一家去海洋公園，今年買咗年票，要多啲入場啦﹗

原來對住港島區的我地來講，去海洋公園真是方便好多，而且海洋公園的年票抵過迪士尼，就算是金卡都只是 $960/成人 ($480/小童)，就已經可以全年無限次入場，所以上次阿旺先比我買﹗呵呵呵...諗的時候好理想，星期六日得閒就去海洋公園，如果平日請假/ 迪士尼銀卡的星期六日就去迪士尼。最後又睇下我去咗幾多次﹗前年買完迪士尼年票，只是去咗 3次﹗

阿旺話佢情人節要陪佢今世﹑前世﹑前前世情人喎...

都幾有新年氣氛﹗

大頭妹入到海洋公園玩呢啲？﹗仲要唔肯走﹗

之後...佢地竟然玩公園...其實...有時我都覺得...係唔係帶佢地去公園玩，佢地已經好開心呢？﹗去海洋公園/ 迪士尼會開心啲...只是我地父母的想法...

兩個囡的性格好唔同﹗

大頭妹小心翼翼咁依足指示爬﹗

小丸子...就一支箭衝上去﹗

之後玩彈床，話晒出去玩都要比錢架﹗上次去錦田玩，好似都 $20/ 20分鐘。大頭妹同小丸子中間個女仔不停打尖﹗打完大頭妹尖，又打小丸子尖﹗我見小丸子同佢 "理論" 咗一陣，大頭妹完全無反應...我睇咗一陣見佢地都唔大反應就算啦﹗本來想叫工作人員介入，但個心就好奇怪，個小朋友的父母係邊呢？﹗點解唔教佢排隊呢？