2020年7月16日 星期四

傻夫婦暑假九州親子遊Day3「由布院 吾亦紅」@20190717


2019年比較懶散,以前遊記blog未試過「爛尾」,今次拖足大半年,2020年都就快過了一半,都未寫完2019暑假的福岡之旅!希望盡量可以完成!如無意外,今年暑假都無旅行去,寫下遊記止渴。

今次行程最期待就是今日,訂了傳統溫泉旅館「吾亦紅」,吾亦紅在由布院山腰,所以去到車站要再坐車,訂的時候可以訂埋車,是免費的。我地訂了3:30pm車,所以去到由布院有時間吃午餐,再周圍行一陣。

入到房2個小朋友都好高興!


印象中大頭小丸應該是第一次訓 tatami。





房間入面有3個私人溫泉,但大頭小丸好驚昆蟲,不停呱呱叫,浸一陣就走人,最後我和阿旺一人浸一個,好爽!大頭小丸就浸室內的一個。





Welcome drink and snack!


我們在由布院買了原味的B Speak。如果大家會坐由布之森,由布之森都有原味,所以應該買朱古力味試試。

浸過溫泉梳洗完,就出發去食晚餐啦!

我無upgrade個晚餐,佢有不同晚餐選擇。

個兒童餐超正!












走嘅時候仲會送上合照!




2020年7月13日 星期一

大頭妹箍牙記


唔知大家仲記唔記得?!大頭妹拍過一個港台節目「天下父母心」,佢個集叫「我的最愛」,咁咩係大頭妹的最愛呢?!係食手指!佢細細個就開始食手指,我無比奶咀佢食,個時睇書話食手指好過奶咀,因為係小朋友自己控制,其實食手指係一種「安全感」。

如是者其實一直都戒唔到,直到上小學,係人前就當然唔食,都係訓覺時食,其實我自己都哨牙,我都無食手指,但大頭妹哨牙好似越來越嚴重,小一去牙保時,牙醫打比我建議我帶大頭妹去箍牙,佢話有啲專是戒食手指的牙箍,當時大頭妹剛換門牙,佢話有機會恆齒出嚟唔會哨,結果真係好似牙醫咁講,恆齒無哨,但我又不了了之😅!

點知之後時間耐咗,啲牙又哨返出嚟,今次無得話唔知係唔係似我啦,肯定係因為食手指啦!所以就搵牙醫箍牙啦,但會幫小朋友箍牙既牙醫其實唔太多,好彩係個媽媽group有個媽媽係牙醫護士,佢介紹咗個兒童牙醫比我!咁就帶大頭妹去睇啦!

右邊係未箍前的牙模,現場睇好明顯,之前上下咬埋,啲牙係咬唔實,原來以前大頭妹話食唔到雞翼係真既!


呢幅是好細個影既,當時都未換晒牙,可能就是睇完牙保後影,當時係同小丸子對比下!


箍咗3個月,明顯整齊好多!


前年聖誕節12月時影,門牙明顯突出!

某日就是食乳酪時幫佢影相,忽然覺得啲牙唔同咗,整齊咗!

訓梗覺影人相😆,其實個牙箍都幾肉酸,好彩當時揀咗一款可以除既,只是夜晚訓覺先戴。


頭3個月都是一個月返牙醫度驗查一次,牙醫會較返緊個箍,上星期去覆診,已經可以2個月後再返去,之後牙醫話要箍6-9個月,之後再睇情況睇下要唔要轉牙膠繼續箍啦!

補一張近照,箍了足2年,前年4月開始的。





2020年7月11日 星期六

結婚12週年


2019年12月13日(星期五)

因為晚上要帶大頭小丸去學游泳,所以改在中午慶祝!去了灣仔的壽司淳,午餐的性價比超高,我點的$280set,有8件壽司、卷物,阿旺點的$480Set,有12件壽司。套餐包沙律、蒸蛋、烏東、雪糕、餐飲。

壽司淳
網址: https://s.openrice.com/QrbS0Wrm700~u_4rQAQ
地址: 灣仔駱克道193號東超商業中心3樓
電話: 37088198




























純紀錄-在Facebook 時間長了不好找!

老公,

結婚周年快樂!

結婚12周年⋯收到結婚13周年的禮物和卡到底是什麼體驗?! 大概只有我知道!哈哈!有時真的想不明白當初自己為什麼會和你這樣一個糊裡糊塗的人結婚!你一定以為是因爲你「超級無敵帥」呢?!其實是因為你「超級無敵好」⋯⋯ 

我從來都無同你講過,你自己都可能不記得了,有幾件事我印象好深刻,記得有一次去燒烤,見到一個拾荒的婆婆,我叫你過去給$20婆婆,你行過去同婆婆講了兩句,回來的時候你同我講你給了$50,仲要怕我鬧你,當時真的覺得你好可愛。

又有一次,我地要掉洗衣機,叫了清潔工人來搬,說要收$100,結果見你出去好耐,原來來收洗衣機的是一個婆婆,你幫她搬洗衣機去垃圾站,我當時真是有點「唔知好嬲定好笑」,但又覺得有一點暖!

又有一次,有個婆婆推着垃圾車,街的人都退避三分,你竟然跑上去幫婆婆推架車上行人路,我當時真是好想尖叫,我男朋友真的太帥啦!哈哈哈!襯結婚週年,回憶愛你的初心!老公,我愛你!

祝你我,糊裡糊塗,就到老!

老婆


《幸運星》

老婆,

結婚週年快樂!

雖然我糊裡糊塗搞不清楚13或12週年🤣,但1312《一心一意》地對妳是永遠不變!

回想起當初第一天遇見妳時,我們在公司的pantry,之後還和其他同事一起吃午餐,而我們的故事就由那天開始。中間有很多事情比我們越拉越近,由我們一起安排公司的遊船河活動,沙灘上我把妳扶起,妳煮的白汁海鮮焗飯,到妳有段時間每日上班遇到用一個色狼,我去妳屋企樓下陪妳搭車,每日提早回公司附近一起食早餐,獅子座流星雨下的燒烤。

還記得妳第一次送給我的禮物嗎?就是這樽《幸運星》,那天早上我們吃完早餐後去上班,在升降機中妳突然拖著我的手,到出升降機後我們就返回自己的工作崗位,其實期間我一直沒察覺我手中有這份可愛的小禮物,直至回到坐位時才發現😂。

很多謝妳由相識到現在都一直為我帶來幸運,多謝妳這些多年來和我一起進步,無論工作、學業或家庭上都幫助了我很多很多,妳是上天安排給我的最珍貴和最美好的禮物。

老公

2020年5月13日 星期三

產品試用: 珮氏MosquitOut PRO防蚊蟲乳液



由新年假期開始,到依家已經停課超過3個月,雖然學校停課不停學,連日來都有好多功課,生活好「充實」,但始終日日都困係屋企,本來天氣開始回暖,好適合戶外活動,野餐、行山,跑步,依家大部份時間只可以乖乖留係屋企。

呢個時期出去戶外活動,口罩固然唔少得,但夏天都是蚊蟲滋生的季節,最近仲有登革熱,防蚊措施都一樣唔少得!依家爸爸星期六都會帶大頭小丸去跑下步,尤其小丸子停課3個多月已經重了好幾磅,真是要跑下活動下。

今日試用珮氏新推出MosquitOut PRO防蚊蟲乳液,乳液質地,小朋友都可以自己用。清爽防汗水 唔怕流汗之後被抹走,14小時不用補搽。 長效驅趕多種蚊蟲,包括:蚊、跳蚤、蜱、蠅及蠓等。 





Ready啦!


乳液質地,除身體外,仲可以仔細全面覆蓋面、頸、耳等位置,做到全天侯防蚊蟲保護


珮氏MosquitOut PRO防蚊蟲乳液採用專利 STAYTECTM緩慢釋放技術,美國製造,成份安全有效獲世衛、美國環境保護局、美國疾控中心認可。不含樟腦及水楊酸成份,G6PD患者可安心使用!不含DEET,仲採用低敏配方,無香料,無色素溫和親膚,2個月以上嬰幼兒及成人,及敏感肌膚人士適用。



銷售點: 萬寧及屈臣氏

HK$10電子優惠劵: https://bit.ly/2KyLrBk

2020年1月17日 星期五

大頭小丸家長日@20190104


最近好少寫blog,其實連Facebook page都無更新,生活忙得一塌糊塗,阿旺聖誕節前出入了醫院2次,做了個小手術,幸好不是大病,但心情一定受影響。工人姐姐剛好就是阿旺入院當日回菲律賓放假,一直放到小學假期結束,所以整個假期,我就要以一敵三,一邊照顧阿旺,一邊處理大頭小丸,仲一拖二帶了大頭小丸去了澳門四日三夜(其實仲有婆婆、大頭姨姨、姨丈,表弟),不過我地經常分頭行事。

呀!其實想寫家長日,越寫越遠,睇返blog我每年都有寫!轉眼間大頭妹就4年級,第四次家長日,今日先見小丸子的班主任,今年班主任好盡責,開學第一個星期六的家長日已經提我要幫小丸子配眼鏡,話留意到小丸子看不到黑板,之後4個月,收過3次電話,仲叫我要跟緊一點,我都是第一次被老師叫跟緊一點,以往大頭妹班主任都是叫我要放手,不要太緊張⋯⋯可能我對2個女真是用錯方法了。我對大頭妹是相對嚴格,對小丸子就比較放任,事實是我對小丸子無能為力。

今年小丸子班主任的緊張,加上小丸子派回來的成績,我以為她要考包尾了,結果和上年差不多都是中尾,未去到包尾,小丸子好清楚自己定位,每次派完成績,佢都會同我講邊個邊個仲低分...所以是真的。其實今次小丸仔真是考得麻麻地,中,數都是6字頭,英文和常識好一點,中作和中默都不合格。

之後見大頭妹班主任,今年四年級,平均分真是跌了很多,而且今年改了計分方法,比較貼近呈分的計法,會影響到平均分,我以為考得好差,當老師問我滿不滿意時,我仲斬釘截鐵答:不滿意!如果老師一臉無奈同我講:其實佢考得好好喎⋯⋯你睇下佢名次先,今年四年級,平均分是唔可以同三年級比⋯⋯但英文真是不滿意,一向既強項,今次竟然是四科之中最低分!


同小丸子班主任傾完之後,決定幫小丸子報功課輔導班,放學做完功課,我專注幫佢溫習,暫時當然見不到成效,但8:30可以做完功課已經好開心。平時放學拖拖拉拉,9:00先開始做功課,起碼多了時間玩,感覺佢開心咗!


Related Posts Plugin for WordPress, Blogger...