靚媽好物推介: 3M無痕魔術貼

 

為博老婆一笑，我阿旺今次要出手啦！

其實搬咗2年多，一直都想係屋企整返幅 picture wall，放返啲家庭相，同小朋友相出嚟 (哈哈...其實是比老婆鵝足 2年)﹗不過買買埋埋好多相架又無從入手，有啲細相架原來無掛鈎，我又唔識鑽牆﹗又無電鑽﹗又無理由叫師傅返嚟鑽幾粒螺絲？﹗

直至比我發現 3M無痕魔術貼，唔需要鑽牆，只是簡單一貼，每 1對小型魔術貼，就已經可以掛一幅 1磅重的畫架，而且可以重複開合，鍾意隨時換相都好方便！岩晒我呢啲懶人﹗

哈哈哈...比佢地幫手撕開貼紙啦﹗

兩個又話幫手，轉個頭又自己玩啦﹗

貼呢個步驟重要啲，都是我貼返啦﹗出咗界就唔靚仔架啦﹗

牆身同相架每邊一對，要度返好位置﹗貼之前要用少少火酒清潔牆身，就會貼得實啲架啦﹗

我老婆話識做家事的男人最 man喎﹗哈哈﹗我想話其實好簡單之嘛﹗

登登﹗唔洗幾下手勢就完成啦﹗

如果想換位置時，只需要慢慢拉長膠貼就可以，唔會留膠跡！記得是要向下拉，一直到最後，唔可以向自己個方向拉呀﹗

有圖有真相﹗真是無留膠印架！

佢有好幾個 size的，每種的負重都有少少分別。


更多產品資訊:
http://solutions.3m.com.hk/wps/portal/3M/zh_HK/APACCommand/Home/Smart-Ideas/Picture-Hanging/

阿旺的父親節禮物

HEHEHEHEH...今年的父親節，我借花敬佛送了一份好特別的禮物比阿旺，就是【OSIM 美臀娃娃】，唔知仲有冇長期讀者？﹗想當年 2人世界時，我有出去學過 MASSAGE，一星期都會同阿旺按一兩次，我成日講笑話等佢無藉口返大陸按摩，但自從有咗 2個囡之後，轉咗嬰幼兒按摩，之後就冷落咗阿旺﹗依家有 OSIM 美臀娃娃代勞真好﹗﹗﹗

其實阿旺一直上半身都唔太肥，但就算我識佢時得 140磅，佢大腿同 pat pat都超『有睇頭』，我地坐 office，一坐就 8-9小時，真是好影響血液循環﹗我平時同佢按摩大腿都好辛苦，最近同佢按過一次，之後隻手痛咗 2日﹗﹗依家就可以交比 OSIM 美臀娃娃啦﹗﹗﹗

將美臀娃娃放係書枱張櫈岩岩好，可以一邊上網，一邊按摩﹗係 office 成日坐，返到屋企，食飯﹑睇電視﹑上網都係坐，其實坐得多，腰背都好攰，依家有得一邊坐，一邊按摩，可以舒緩一下腰背，又可以增加血液循環，一舉兩得﹗

另外OSIM 美臀娃娃重可以按大腿﹗阿旺最近學人 "打拳"，一星期打一次，加埋跑步減肥，佢話想 train up 返自己的肌肉，不過次次打完拳返屋企，都要貼『鎮痛貼』﹗依家就可以用OSIM 美臀娃娃，按下大腿做完運動疲勞的肌肉啦﹗

hahah...比阿旺試到一個新方法﹗真是睇佢個樣都覺得舒服﹗
 佢試過好多唔同位置，佢話佢重磅又受得力，自己瞓上去，加埋自己的體重，個力好到位﹗位置又岩岩可以按到佢大腿後面，運動後的肌肉疲勞位置﹗而且有得瞓係度，當然舒服啦﹗

不過按按下小丸子騎埋上去﹗

嘩哈哈...泰式四手按摩﹗

男士大腿比較粗，可以分開 2邊隻腳按﹗阿旺話好舒服，因為佢岩岩做完運動，對腳好 "淵" 呢﹗每邊按 10 分鐘，第 2朝起身，對腳唔會咁緊，唔洗再貼鎮痛貼啦﹗

原來小丸子之前做咁多野，都是想爸爸起身﹗呢個小丸子唔執書，爸爸一行開，佢就自己坐埋去﹗不過我無開機，唔知小朋友按唔按得，我自己按覺得都幾大力架﹗

我自已就最鍾意坐係書枱前，一邊寫 blog 一邊按，真是寫 blog 都寫得快啲﹗我最愛佢 lumbar 的 function，後面可以按到 pat pat 兩邊的環跳穴，有助改善腰腿痛﹑養肝排毒，同改善血氣及下半身水腫 ，對於成日著高跟鞋，又要抱囡的我，真是好有舒緩的作用呢﹗

最後比返個 PRODUCT SHOT大家睇下﹗

如果大家睇完都對 OSIM 美臀娃娃有興趣，可以到佢地的網頁睇睇:

http://uhip.osim.com/hk/#product

阿旺廚房@20150517

2015年 5月17日 (星期日)

星期日工人姐姐放假，好彩仲有個 Mario 阿旺﹗哈哈﹗是日晚餐有: 蒜蓉蒸白茄子﹑蒜蓉菜芯﹑煎倉魚﹑白灼蝦﹗全部由阿旺一手包辦﹗

蒜蓉蒸白茄子...阿旺落咗超多蒜頭，食完成晚個口都好臭﹗不過又幾好味嘅﹗又方便﹗應該教埋工人姐姐煮，咁就平時都有得食啦﹗

白灼蝦只要蝦夠新鮮就一定好味﹗所以重點是要識買，唔係識煮﹗小丸子鍾意海鮮類，佢一個都食咗 5-6隻﹗

煎倉魚係大頭妹的最愛﹗佢要加好多好多沙律醬﹗

個菜就...因為炒完茄子的蒜頭直接炒，又加上落咗好多蒜頭，所以真係好蒜頭﹗

阿旺廚房@20150524

2015年5月24日 (星期日)

唔知點解，最近星期日，阿旺都爭住入廚，連續 2個星期都自薦入廚，今個星期其實我有份幫手，上星期先真是堅，煮埋啲我平時都唔會煮，佢話係街市阿姐見佢靚仔教佢煮架喎﹗

煎倉魚，上星期好成功，今個星期再煎，因為大頭妹好鍾意食﹗大頭妹無咩野好鍾意食，難得大頭妹鍾意，阿旺就當然 ENCORE啦﹗﹗﹗(其實大頭妹係鍾意食沙律醬咋﹗)

大蜆蒸水蛋，唔知點解自從唔係灣仔，就蒸唔返靚靚鏡面水蛋，我估係太大火，要再研究下先得﹗

清酒煮蜆，買咗 1斤半蜆，一半就咁清酒煮，一半蒸蛋﹗真係好甜好好味﹗

炒白菜芯﹗

今次買的就係呢啲蜆，老闆話叫 "蝴蝶蜆"，個殼比較厚身 (即是重囉)，所以平時買開一斤，今次要買斤半，不過又真係好甜好好味嘅﹗

大家 like咗我地個 facebook page未呀？未就快啲 like啦﹗

阿旺試用：Men's Biore「10倍炭控油洗面膏系列」

今次阿旺要試用的是 Men’s Biore 2014 全新推出的「10倍炭控油洗面膏系列」。全系列共3支:「10倍炭控油深層洗面膏」﹑「10倍炭控油冰爽洗面膏」及「10倍炭控油暗瘡洗面膏」。  

基本上阿旺已試咗 1個月有多﹗以前佢通常都是都只是用清水洗面 (相信好多男仕都係)，一星期洗一兩次面，用我的洗面奶，再磨沙，再敷 mask﹗所以今次有男仕的洗面產品試用，我就幫佢應承咗﹗等佢唔洗再偷我啲洗面奶用﹗

最初用個幾日呢...佢就話覺得都係我個啲好用啲﹗有即時效果﹗(咁...大佬...你老婆用的都...好貴架﹗無效就大鑊啦﹗) 用多幾日之後呢﹗佢就開始 feel 到日日用洗面膏洗面，皮膚是滑咗，少咗角質，唔會鞋烚烚﹗佢話效果都唔錯﹗三支之中，佢最鍾意 10倍炭控油冰爽洗面膏，因為有涼涼地的感覺，依家夏天用好舒服﹗

全線產品均使用高效的竹炭控油配方，所以一擠出來，洗面膏是灰炭色的！據講由於竹炭表面的吸油孔洞面積為木炭表面的10倍，配合獨有配方和磨砂粒子，特別特別適合油脂比較旺盛的男士使用！

其實我之前無睇住佢洗，後來我發現佢好似用得太多洗面膏，又起唔夠泡，所以起初佢話覺得效果普通，太乾﹗只是用錯方法﹗

其實...阿旺的皮膚...一向都比我好...依家日日用洗面膏洗咗幾星期，真是立立令呢﹗

點解阿旺笑得咁尷尬...因為佢自己話要扮產品代言人 "余文樂"，但又忍唔住笑囉﹗

余文樂係呢個系列嘅代言人﹗哈哈哈﹗你點扮都唔會有余文樂咁靚仔架啦﹗

阿旺的情人節禮物

話說今年唔知點解阿旺會買情人節禮物比我，好似由拍拖到結婚 12年都是第 2次，但上一次，亦是唯一一次嘅鑽石介指，最後因為花咗，退咗錢，之後佢用咗嚟交學費...即是佢自己用返﹗反而我今年咩都無預備﹗其實我覺得我地現代人生活富足，真係無咩特別野要留返情人節送﹗平時睇岩都買咗啦﹗

之後諗下諗下，之前阿旺想要條做運動嘅 legging，不過樓下間運動鋪無，我就去太古望下啦﹗我呢啲師奶好out架嘛﹗都唔知咩運動 legging，男人老狗著 legging？﹗入到去就問下售貨員，原來真係有﹗仲要好多牌子都有出﹗佢帶我睇第一個...我都唔識咩牌子...成 $800-900條...著完變 "劉翔" 咩 (好似最近我地女仔 (女人？)個個都想要支 YSL唇膏，聽講炒到成千蚊，搽完變 "千頌伊"？係又抵喎﹗) ？﹗之後再介紹 NEW BALANCE 同 ADIDAS，價錢就正常返少少，$300幾一條 (我都覺得貴架啦)﹗ADIDAS多啲款，都靚啲，可惜斷晒碼，最後買咗 NEW BALANCE﹗

之後又發現原來阿旺得一條運動褲，佢之前一個星期跑 1日，今個月買咗 WATERFALL BEECRAZY 個優惠，一個星期做 2 -3次 GYM，就發現條運動褲乾唔切。我又走咗去 UNIQLO 買咗套運動衫比佢， 衫﹑褲各 $129，一套 $258，以為好平啦﹗原來呢啲運動衫本身都唔貴架喎﹗ADIDAS都係 $199，仲有 9折，即係都係 $179，貴 $50...買個 LOGO...HEHEHE...結果我又買多一套﹗不過褲就買咗另一款型仔啲嘅，跑步長褲，要 $379，所以最後套 ADIDAS要 $520，足足貴過 UNIQLO 個套 1倍﹗之後仲買多咗條 ADIDAS LEGGING，因為岩岩返咗貨﹗HEHHEHE...比大頭姨姨話我用 $88買 COUPON做 GYM...但就用多 $888都唔只去買衫...UM..."工慾善其事，必先利並器" 嘛﹗但要利其器，就先要銀包出血囉﹗HOHOHO...敗家萬歲﹗

阿旺好識做咁係 FACEBOO PAGE留咗呢句: 多謝老婆送的運動套裝，跑得很爽，很型！WAHAHAHA... 做得我老公...型就最基本架啦﹗

 運動服: UNIQLO，LEGGING: NEW BALANCE

 

呢套就係另一套 ADIDAS啦﹗問過阿旺，佢話其實同 UNIQLO 個套，著上身真係唔大分別﹗多個 LOGO就型仔啲囉﹗WAHAHAH...都預咗，因為始終大家都係百幾蚊貨仔，我見佢有啲要 3-400嘅，可能質地就會有分別啦﹗
運動服:ADIDAS

件 UNIQLO 嘅近鏡﹗


 件 ADIDAS 嘅近鏡﹗
 

 仲有 ADIDAS LEGGING﹗



大家 LIKE咗我地個 PAGE未呀？﹗未就快啲 LIKE啦﹗

我的美麗日記。。。男士專用面膜

哈哈哈﹗我家的阿旺得到「我的美麗日記」的邀請，試用新出的男士專用黑面膜﹗處女座的阿旺十分貪靚，今次仲晉身成為 「男beauty blogger」，名正言順比佢扮靚靚﹗不過都是由我代筆，如果要佢自己寫，可能 2046都出唔到 blog﹗

「我的美麗日記」今次新出的有 2款，藍色盒的是能量緊膚黑面膜，綠色盒的是淨化平衡黑面膜﹗兩款都用上碳黑微粒 (所以面膜也是黑黑的)，有助淨化肌膚，岩晒好動多汗多油的男士啦﹗面膜亦特別加厚，男士們就不再怕有「一不小心」就撕破了面膜的情況 (大家都知「我的美麗日記」面膜是出名又薄又貼面啦﹗)﹗

heheheh...敷 mask前影一幅﹗我都講過好多次，阿旺的皮膚真是好好﹗明明大家一齊食薯片，點解出暗瘡的，就只有我﹗佢話因為佢有做運動喎﹗其實好耐都無見過佢跑步啦﹗

今次的男士專用黑面膜，比平時的加大了 5%。可以完完全全敷晒阿旺的大額頭啦﹗阿旺仲話覺得黑面膜型啲，敷完似 "蝙蝠俠"，man啲咁話﹗

同平時用的「我的美麗日記」比，額頭位會有較明顯的分別﹗



使用方法:於潔面及使用化妝水後，將面膜輕敷於全臉，約20~30分鐘後即可取下面膜，若臉上仍留有精華液，可以指腹輕輕按摩幫助肌膚吸收，無需用水清洗，敷完面膜後請重複乳液/霜等日常保養程序，將滋潤成分鎖在皮膚內。

上次去 「我的美麗日記」beauty blogger event，柳燕老師教的﹗敷完 20-30分鐘之後，可以搓熱雙手，再按按面，加強吸收﹗

敷完的確更加水潤﹗

阿旺話去到第2朝都仲好保濕，唔洗再噴花水咁話喎﹗

再詳細介紹一下兩款黑面膜啦﹗(資料來源: https://www.facebook.com/MyBeautyDiaryHK)



藍色盒的能量緊膚黑面膜，著重保濕緊緻﹗ (阿旺用的就是這一款﹗)
能量保濕
採用深海墨角藻及平原黑麥籽的雙黑能量精萃，賦予肌膚滿滿的營養及水分，搭配碳黑微粒協同黑色布膜的貼膚載入機制，讓山金車花、菊苣葉及黃龍膽根等植物精華，瞬間潤澤乾燥角質，搶救乾渴的肌膚，呈現水．潤．透．亮的魅力型男。

緊緻拉提
一次給肌膚兩種緊膚複方，「水解彈性蛋白」及「水解蛋清」，其水解分子喚回肌膚底層的膠原蛋白因子，全面賦活緊實肌膚，再加入天然銀杏葉萃取，延緩老化維持年輕的彈力提拉。



綠色盒的是淨化平衡黑面膜，著重控油舒緩﹗
控油平衡
運用黑曜石礦物淨化油脂及髒汙的特性，搭配碳黑微粒協同黑色布膜的貼膚載入機制，注入金縷梅、蘑菇及淡化痘印的錦葵等精華，充份改善油脂分泌過盛、提升肌膚保濕度，達到完美的油水平衡狀態，並擺脫黯沉膚色不均，喚回帥氣零油光的淨顏肌。

清爽舒緩
協同天然純淨的「甘草萃取」及「蘆薈精萃」，能清爽、舒緩、修護受損角質，紓解日曬後肌膚的不適感受，快速提 升對環境傷害的防護力，回復健康的中性肌。


我的美麗日記facebook: https://www.facebook.com/MyBeautyDiaryHK
我的美麗日記網頁: http://www.beautydiary.com.hk/