小丸子第6堂 playgroup﹗(有VIDEO)

上上星期六的一堂，已經是第6堂，今次終於錄影咗小丸子等食，點知今次老師好快比佢地食，錄唔到佢個為食樣。

其 實有好多人問我上 playgroup到底有冇用，其實我覺得睇下大家覺得個 "用處" 係邊個位？﹗想寶寶上完堂 "叻" 過其他無上堂的寶寶？﹗想寶寶學幼稚園入學interview "技巧"？﹗我只是想有多啲時間比小丸子，同埋比佢見多啲，接觸多啲新事物﹗星期一至五已經無咩機會出街，星期六都唔好淨係跟我地大人去飲茶﹑行商場嘛﹗

上堂前玩玩具﹗

今次嗅洋蔥同檸檬。

又想食啦﹗


之後玩大波波﹗做下運動﹗

都幾好玩架﹗


到爸爸同小丸子玩啦﹗

左左右右咁轉﹗

唔﹗兩個都幾留心﹗

我成日覺得小丸子好八卦﹗


又流口水﹗到底BB流口水流幾耐？﹗佢真係好多口水﹗

幾開心﹗

做完運動就食小食啦﹗

HEHEHE...等食樣﹗

小丸子: 我幾時有得食呀？﹗


今次食手指餅？﹗好似有少少大塊﹗

不過佢又食到喎﹗


小丸子: 媽媽，你唔好睇小我先得架﹗

個樣幾得戚﹗


之後玩麵粉﹗

真係要睇得好食...唔係一定放入口﹗

最後的跳舞時間﹗

仲有打鼓﹗

今次教快慢﹗

走的時候又去華星食早餐，今次小丸子都有份食，食咗我半碗通粉，食飽仲即瞓﹗之後我地經過 "綠屋"，已經...唔綠啦﹗香港的 "保育" 都幾 "特別"，是將有特色的部份除去﹗(舊文: 香港散步- 灣仔)

HEHEHE...睇片啦﹗

繼續復活節假期

長假期終於都結束啦﹗今早帶完大頭妹上校車之後，坐地鐡的時候就好感受到，我又變返 "沙丁魚" 了﹗大頭妹都是今日先 "開學"，真是等到頸都長，不用返學的日子，精力沒有地方消耗，又唔食又唔瞓，真是好恐怖﹗

復活節假期，盡我能力 "蓄肥" 大頭妹啦﹗日日都預備午餐同下午茶比佢﹗之前買了BREAD CUTTER，可以切埋火腿同芝士，不過切完之後會剩返好多 "剩餘物資" 要我處理...長期咁樣食落去，可能會 "蓄肥" 埋我呢﹗

仲有蛋撻王的蛋糕仔，仲有益力多...大頭妹第一樣揀的...當然是益力多啦﹗


上次拜完山之後買的...原來幾好味，唔知屋企附近有冇呢？﹗

是日下午茶是東海堂西餅半件，加哈密瓜﹗


除咗食都要放下電﹗不過因為復活節幾日假期都唔好天，只是去樓下個公園仔玩下...

大頭姨姨話小丸子好似 "倉鼠" 咁，不停向前爬﹗

小丸子: 好攰啦﹗

大頭妹就走來走去﹗

同佢去咗夢之島玩，第一次打保齡，竟然 2次全中，連我示範的一個全中，玩少咗 3個波，真係唔抵﹗

長肚腩

最近為咗幫大頭妹增肥真是出盡法寶，不過都不外乎密密煲湯，同 "整色整水"﹗買咗好多新的餐具，又買咗日本整便當的工具，希望真係有用啦﹗希望 2個月內可以增 2磅啦﹗想不到我自己想減 2磅都難...相反想大頭妹增 2磅一樣難...佢的磅數已經一年無變過啦﹗

有一日我同大頭妹講，
我: 你要食多啲野呀﹗你睇下佢幾細粒？
大: 妹妹細粒﹗
我: 妹妹先唔細粒呀﹗你睇下妹妹個肚腩？
大 (望下妹妹個肚腩，再望下自己個肚腩): 妹妹個肚腩好大，我無肚腩。
我: 係囉﹗所以你要食多啲野囉﹗妹妹個肚腩都大過你﹗
大 (心有不甘，再望下自己個肚腩): 我個肚腩長過妹妹﹗
我: ... (我都是第一次聽人講自己個肚腩長？﹗)

呢SET野要$299，不過大頭妹好鍾意 SET TABLE，所以買比佢玩同用囉﹗

呢SET是用來CUT麵包/ 芝士/ 火腿的﹗

呢SET是用來整飯圑的﹗

最近一有時間就煲湯，呢款是大頭妹最鍾意的 "彿手瓜紅蘿蔔粟米無花果湯"，岩晒成日咳的大頭妹飲﹗


HEHEH...話明 "財散人安樂"，因為今個月都會再去影家庭相，又走去買 FAMILY TEE。
呢件 ALICE IN THE WONDERLAND是我的﹗

呢件是大頭妹的﹗

呢件是大頭妹自己揀的﹗

好靚的花花外套，都是 $99，其實大頭妹已經勁多外套，我都真是要收手啦﹗

仲有夏天的短褲仔，買夏天褲容易好多，起碼唔會吊腳﹗


呢件是爸爸的﹗