大頭妹便當：茄汁肉碎 粟米飯 蜜柑

大頭妹好鍾意食茄汁，其實一轉返全日，我問她帶飯想吃什麼，她第一樣就是揀茄汁肉碎，可能這個餸我平時好少煮，她對這個餸念念不忘！

返學帶飯的餸，我是有考慮過很多方面的，例如方唔方便吃，有骨要吐可能難處理，常溫/ 微暖吃會唔會影響味道，有些肉類脂肪多，放涼吃就不好味了。

茄汁肉碎其實係我細個去姑媽屋企食飯，姑媽每次都會煮的，我可以食多一碗飯！可能又係平時無得食，所以間中食一次覺得特別好味！


粟米係新鮮粟米，大約係1/3條。


蜜柑


紅豆米水，大頭妹一日飲好少水，試吓有少少甜的米水。


前一日專登去無印買個袋仔，剛好可以放飯壺、飲品、餐具！

有人問食譜就寫下，因為跟我姑媽學，老人家煮餸好隨意，就是什麼都適量⋯⋯

茄汁肉碎

材料：

肉碎 150g 

醃料：

豉油 1茶匙

糖 1/2 茶匙

胡椒粉 少少

水 適量

生粉 1/2茶匙

調味料：

茄汁3湯匙

水 3湯匙

糖 3茶匙

*可按比例加減，每個牌子的茄汁酸度不一，可以自己調節。

做法：

1. 平底鍋放適量的油加熱，放入已醃的肉碎炒至8分熟。

2. 加入調味， 由於醃肉時已落生粉，越煮會越杰身，可加入適量水份。

大頭妹便當：照燒雞扒 玉子燒 飯團

學校上星期三出忽然出通告，今日開始返全日，11月再根據打第3針的人數，再睇下可唔可以繼續返全日，時隔差不多3年，終於可以返全日！希望生活真的慢慢回復正常！

上星期一收到通知返全日，就問大頭妹，午餐點算？佢話唔係你煮咩？！吓⋯⋯而家返中學，6:55上校車喎！咁我咪要6:00起身？！仲要30分鐘內煮好？！咁我又唔驚，而家中學有小賣部，如果⋯⋯如果真係起唔到身，個日咪食小賣部囉，一定唔會餓死嘅😆。

是日午餐：照燒雞扒、玉子燒、飯團、車厘茄、青提、藍莓。今日先試日式便當，我相信大頭妹都唔會食得晒。

份量其實是大約半碗飯、1塊雞扒、1隻雞蛋、3粒車厘茄、3粒青提、3粒藍莓。

最後工人姐姐回報，食淨3粒雞肉、2粒藍莓、1粒車厘茄。

是日晚餐：照燒牛扒 三文魚子茶碗蒸

現在開始習慣星期日自己煮晚餐，一星期煮一次，其實幾開心，如果要日日煮，可能就會覺得好辛苦，又要諗下煮什麼，又要洗又要煮。

星期三無去Aeon買特價牛扒，星期日買要$180/ 2塊！老公自己一塊，我，大頭妹。小丸子一塊。

老公少吃碳水，配了沙律。


小朋友的「牛扒定食」。


三文魚子茶碗蒸，好好味，小丸子食咗2碗。




我的「牛扒丼」。

是日晚餐：煎羊架配沙律菜 金菇五花肉卷

已經是前一個星期日的晚餐，而家大頭妹小丸子星期日學游水，有時我送完佢地游水，我會直接去Aeon買餸煮飯。

經過 Fresh的時候見到好大塊好靚！


如果買牛肉卷要$150，所以試下豬肉卷，1/3價錢。


2包金菇。


豬肉比牛肉收縮得多，煎完卷得好實，所以如果是有飯，應該都是牛肉比較適合。




簡簡單單豆腐麵豉湯。


樓下超市沙律菜$18/盒。


完成啦！