考完試了(下) 【和小朋友做小手工】

上次其實唔止買咗一盒玩具既，仲買咗一盒係做『玻璃畫』小手工，都唔係咩新野，我記得我細個都有玩過類似，可以夠我玩一個下午，不過依家當然再靚咗，做到是鎖匙扣咁，我覺得小朋友開 PARTY 時，同其他小朋友玩下都幾好﹗家長同小朋友做下小手工，其實是一個好好的親子時間﹗

一盒 $48，有6支顏色，同 6塊牌仔，有幾個唔同主題，我買咗恐龍同機械人﹗


大頭妹好叻女，可以自己完成，仲整得都幾靚﹗唔記得影小丸子隻恐龍，佢同爸爸一齊整，整到好恐怖，不過都成功咗﹗

整完之後要乾 8小時，所以晚上做完功課做就最好，訓醒第 2日就完成啦﹗乾咗就會半透明咁，大頭妹見到都好開心﹗

考完試了(上)【IQ XOXO遊戲】

放完新年假一個星期就考試，加上新年前又忽然停課，所以今次考試都溫得好急，有啲範圍其實都未教晒，要靠自己，所以新年假期都無得盡情玩下﹗不過唔緊要啦，考試後慢慢玩，大頭妹都知規矩，我次次都好有『信用』，考試後我會盡量滿足佢玩既願望，所以佢都會乖乖溫書 (希望小丸子都會...我知有啲難度)﹗

買咗款小遊戲同佢地玩【IQ XOXO遊戲】，是智力遊戲，訓練小朋友思考，仲可以提升專注力，HAHAHAH...個盒野咁講我咁聽...不過最少可以令佢地忘記 ipad 一陣﹗


買得一盒，兩個又爭，之後比我諗到個好方法，一個『出題』，一個『解題』，成功解決佢地的紛爭﹗忽然明白小朋友乖唔乖，真是睇父母識唔識教，好多事情其實有好多辨法可以解決，湊小朋友真是轉數慢少少都唔得，仍然努力學做一個好媽媽﹗


個遊戲有好多 LEVEL，細既小朋友可以由STARTER開始﹗


大朋友都可以玩架﹗如果比我玩，應該都可以玩好耐﹗

佢最好既地方係細細盒，好岩出街/ 旅行有時坐長途車，比小朋友玩下，好過玩手機吖﹗


大家 LIKE 咗我地 FACEBOOK PAGE 未呀？未就快啲 LIKE 啦﹗

升小講座@Chris Sir Workshop

最近去聽咗個升小講座，覺得內容都幾有用，所以都想分享一下﹗

不過由於個講座是免費嘅，都希望如果大家睇完之後想報 (我都唔知仲有冇架？﹗)，就自己留意 Chris Sir Workshop的 Facebook group，盡量唔好 PM Chris Sir 問免費講座，我唔想我講一講之後，加重 Chris Sir 的 workload...而且仲要是免費的。

其實今次的講座分開 2 parts，第 1 part是講升小的適應，我其實是想聽呢 part，因為都要為大頭妹升小一預備，大頭妹好好彩，佢班主任好好﹑好盡責，開學幾個月來都有同我講下大頭妹的問題，升小要點預備，所以都知上小學會好唔同，今次就正正式式聽個升小講座，睇下可以點樣預備得好啲﹗

1. 幼稚園 vs 小學的分別

校園的大小 
幼稚園一般可以是 10 - 15 個班房。
小學一級 4班就已經 24個班房，加上操場﹑禮堂﹑音樂室﹑特別室，小朋友去到新環境，要一段時間適應。

上課時間

幼稚園一般是 20-30分鐘內一堂。小學是 30 -40分鐘。

規矩 - 小學要更守規矩，尤其對讀開 happy school 的幼稚園生來講。

自己食午餐 - 30分鐘內比較理想。(哈哈...食得耐的小朋友，即是大頭妹...要訓練啦﹗)

上洗手間 - 要自己清潔，女孩子要自己清潔廁所板，所以要依家開始 train，要識自己開關門。(oh...我真是無諗過呢個問題，其實大頭妹已經識自己清潔大小便，但平時出去去洗手間都是我先清潔廁所板，我估好多媽媽都是，覺得污穢唔比小朋友自己做，但是上小學都是要自己做啦，咁真是要教定佢地點清潔。)

科目：中/英/數/常/體/音/宗教/電腦/普通話。(數一數原來有 9科，一科一樣功課都 9樣，好驚嚇﹗)

小學抄手冊 (唔好比小朋友知上網有手冊)

默書/測驗/考試

2.升小的預備

提升能力  (可開始做升小一的練習，由淺入深，到時會比較易適應)

責任感 - 自己執書包﹑做功課 (oh...大頭妹對執書包有難度，成日執咗都唔知放係邊)
 

自理能力 

專注能力 - 30-40分鐘一堂 (大頭妹應該無問題)

理解能力 - 睇題目 (中文是大頭妹的弱項)

守規則 - 坐定﹑唔可以傾計 (依家幼稚園都要，大頭妹都用咗少少時間適應)

書寫能力 - 8-10樣功課，要適時間控制 e.g.15分鐘/ 30分鐘 (大頭妹班主任都有講過，佢話大頭妹未必係慢，但就無時間觀念，所以其實我依家同大頭妹做功課都有計時，原來真是唔係誇張，有啲小朋友真是有呢個需要)

社交能力 - 要適新朋友

3. 學術上的預備
中文
句式/ 重組句子/閱讀理解/改寫句子/標點

默書 - 背默/讀默

查字典

英文

閱讀理解/ 文法/ 作文

默書 - 句子
串字能力 - 可以試下一日串3個字，積少成多 e.g. 星期/ 月份/ 顏色/ 動物

數學

20以內數數/ 20以內加減數/ 圖形

常識

因為詞語比較深，所以要備課。

最入第 2 part，其實是戲肉 - 叩門﹗

要留意學校的要求，有啲學校要求 1-1-1，即自行，甲部1，乙部1都是揀同一間學校。

父母舊生/ 兄姊畢業生

人脈

宗教

5月下旬睇叩門資料 e.g. 叩門日期，面試時間，表格

6月4日後未有叩門資料可自行寄信 (台頭要比校長)

Portfolio 5-6頁

結果好唔好都要註冊 
叩到門可到舊校攞註冊證，再到新校註冊

就算原先有私/直 offer都可以叩門，要先打比私/直學校，再打比教育局

叩門面試重點: 
唔好講其他學校唔好

A-Z

Colours

Animals

填充題 

20以內加減數

生活常識/ 家庭

要有禮貌﹑守規則

叩門位不多於 10%的學位，可自行考慮機會率。如叩門失敗，仍可考慮小二插班，但學術一定要好。

最後，祝來年升小一的小朋友，都有好 offer﹗

 

大家LIKE咗我地個 FACEBOOK PAGE 未呀？未就快啲 LIKE 啦﹗

大頭小丸學英文之【寰宇家庭 迪士尼美語世界】

我地呢代小朋友好多都英文好叻，一定叻過我地細個時！我覺得大頭妹依家的英文聆聽同講都可能好過我架，佢發音好標準，當然無我識咁多生字啦！我地呢代小朋友好幸福，坊間真是有好多不同的英語教材，當中佼佼者一定是寰宇家庭【迪士尼美語世界】，真是我陀大頭妹時就不時有朋友同我推介！

當時覺得好誇張，朋友話自己小朋友由bb開始日日拿住「迪士尼美語世界」的教材又聽又睇，英文是流利過廣東話，就好似母語一樣！佢舉了個例子，好似我地（一般人）用英文講自己個電話號碼，要先諗咗中文，再「變返」做英文，咁我就完全明白，所以我認同學習外語語境好重要！小朋友細細個 "潛移默化" ，睇住卡通/ 聽住 CD學英文，一邊聽歌、唱歌，一邊記住英語的聲音，會有效過我地細個靠 "死記死背" 來得輕鬆﹗即是好似 MICKEY MOUSE一邊跳舞一邊同你唱 M.O.U.S.E SPELLS MOUSE，定你自己對住本書硬記，會快啲記得？﹗ 

我知有好多媽咪唔鍾意比小朋友睇電視，我自已就唔大抗拒，我唔係全職媽媽，下午屋企無人陪小朋友玩，睇下有教育意義的卡通，總好過睇下午的師奶劇啦！迪士尼美語世界 SingAlong! 系列有另一個好處，佢有DVD比小朋友一邊睇卡通一邊學英文，動畫的速度較慢，適合小朋友的學習，透過母語教學法，外國人的真人讀音，讓小朋友開心學習英語。佢仲有CD配合，2邊的歌是配合嘅，所以可以先比DVD小朋友睇引起興趣 (有邊個小朋友唔鍾意 MICKEY MOUSE 先？﹗)，再配合CD，可以提高小朋友的聆聽能力，又唔洗擔心小朋友睇太多卡通！

佢地攬住呢個就係教材入而的 SingAlong!

主要有 12隻 SingAlong! DVD，分開 4種顏色，其實都是 4個 LEVEL。每個 LEVEL各有 3隻配套的 DVD﹗其實無特定邊個年紀就聽邊個Level，雖然整體上越低Level生字就越簡單。

另外一個組件包括：４隻配返 DVD 的 CD，同埋 2隻特別為睡前/ 早上起身而設的 SingAlong! CD，咁有時係睡房玩/bedtime story時間，都可以配合返聽CD。仲有4本歌詞集，可以比大啲嘅小朋友認埋字﹗同埋家長手冊...HEHEHE...有時間就睇啦﹗有趣闡述家長使用時的問題解決方法。

其實仲有 SPOKEN VERSION的 CD﹗仲有 1本人物介紹書仔同人物卡﹗

又開嚟聽啦！

當然唔少得睇！呢隻碟大頭妹由細睇大，真是識到識背啦！

好多人話 0-6歲是學習外語的最好年齡？！我唔係幼兒教育專家，我唔敢講，不過我自己就覺得小朋友細細個開始係無壓力的環境下學，培養佢對英文的興趣，對一樣野有興趣去學會有效率過到真是上小學，要面對默書考試迫住學﹗學習語言最重要都是培養同語感，我喜歡用「迪士尼美語世界」的教材就是因為佢不是死死板板地教英文，而是通過好多多元化的方式做教學。 

 

小朋友太細，是好難坐定定學習的， 我一直都希望可以讓他們「輕鬆玩，輕鬆學」，學英文就好似就好似學廣東話一樣，自自然然就學會了。直至到我深入了解「迪士尼美語教材」後，就知道原來這些叫做「母語學習法」，就是通過自然的方式教授英文，這個教學概念我個人也很認同。

大頭妹同小丸子都好喜歡唱歌，其中最喜歡「I am a Strongman」呢首歌，因為每次播呢首歌，爸爸就會扮 Strongman 攑高佢地玩。另外仲有 「We're Packing a Picnic Basket」呢首歌，歌曲的旋律很容易被小朋友輕鬆記住，同時間亦學會很多歌曲裡提及到的水果名稱。每次一齊買水果的時候，佢地好自然就會唱翻首歌，我都會陪佢地一齊唱，輕鬆融入英語生活。做媽媽的見到佢地可以一邊唱歌一邊學習，可以輕鬆學真系好開心！

World Family迪士尼美語世界 
官方網站 :http://www.worldfamily.com.hk
facebook: https://www.facebook.com/worldfamilyhk/

大頭妹升小大作戰-第二回

第二次面試的學校是媽媽我客觀計算上好喜歡的，學校地方大﹑有游泳池（我細細個就好希望自己學校有游泳池）﹑有自己中學﹑80%以上升英中﹑同屋企的距離不算遠，大約半小時車程以內。不過都是4間學校之中，學貴最貴，但其實前後又唔係相差太多。

今次大頭妹又再次話唔想去面試，因為岩岩轉完幼稚園，佢覺得自己已經升咗上小學，佢問點解仲要見學校？！話自己讀返自己學校就可以啦！如果你幼稚園間小學是必收，我地就當然可以收工啦﹗

我同佢講，因為我地之前一早申請咗，學校寄咗信比佢，如果唔去就無禮貌。佢成日恨收信，一見到封信就話去啦！

今日同一個時段都有2個舊同學一齊見，所以面試之後，就約埋一齊食lunch，比大頭妹同同學聚下舊！

去食鼎泰豐！

淆肉，感覺上好多jelly，唔多肉！

小籠包就無得輸啦！

紅油炒手都好味！

紅燒牛肉麵點比小朋友食，大頭妹上次去完台灣食過都會食！

估唔到呢度的春卷好好味！

11月中就知結果啦！

大家LIKE咗我地個 FACEBOOK PAGE 未呀？未就快啲 LIKE 啦﹗

大頭妹升小大作戰-第一回

呀﹗其實掙扎咗一陣寫唔寫大頭妹考小一好？﹗畢竟都比較 "敏感"﹗ 最後都是決定寫，記低大頭妹成長的一點一滴，考小一相信都是人生之中重要的一部份（最少呢刻咁覺得，到佢大個/老咗，可能覺得一啲都唔重要/完全唔記得），但就唔會出學校名啦﹗我知...如果你都知...就我知你知算啦﹗(blogspot 又無 private 功能，又唔想開多個 private blog，我自己真是 manage 唔到太多 blog)

好啦﹗入正題﹗其實我最後都是幫大頭妹報咗 4間小學，1間直資 3間私小。好多人同我講，依家呢個年頭，報得 4間，好難考到﹗我都知我都明，不過到底報幾多間先岩？﹗無人知﹗

其實要一個5歲多的小朋友明白什麼是考小學，真是唔容易，我地之前都有帶大頭妹參觀小學的開放日，比佢大約知道就快要升小學，小學大約是點樣。

不過到面試的時候，大頭妹話唔想升小學，想一直讀幼稚園，唔想同同學分開！好彩第一間面試的學校，差不多半班同學都去考，所以就可以同佢講，大家都會一齊考，考到就可以再做同學啦！

  爸爸同大頭妹心理導中！

我地第一間面試的小學，是東區有名的直資小學，有自己中學一條龍，到升中時唔洗煩。因為直資，學費相對比私小平。仲要好近屋企，只是數個地鐵站，再行一小段路﹗

前後聽過3次講座，3次都覺得好impressive! 學校主張愉快學習，學生都好精靈活潑，岩岩今年中學部仲出咗2名DSE狀元，証明愉快學習，都有成績！

今年好似有3600幾人見，有1000人入2nd in，大約1/4機會，之後再揀400人 3rd in，即1/10機會，最後得120個位，唉...唔洗計，即是無咩機會。

大頭妹見完之後話滿意自己表現，我話獎佢食杯雪糕！

出blog之時，都出咗結果，大頭妹入唔到2nd in啦！其實都是意料中事，不過話無失望就假！ 點知同一日下午，我地就收到幼稚園 K3插班面試結果，新幼稚園收咗大頭妹﹗嘩﹗我個日的心情，真是好似坐過山車咁﹗

大家LIKE咗我地個 FACEBOOK PAGE 未呀？未就快啲 LIKE 啦﹗

大頭小丸@Genius Workshop Lego 班

早前帶大頭妹同小丸子去 GENIUS WORKSHOP 上 LEGO 班的試堂﹗真是好鬼正﹗一上完我已經不停 WHATSAPP 推介比其他同學仔/ 朋友仔﹗到底點正法？﹗大家就要睇我的介紹啦﹗﹗﹗

其實大頭妹都唔係第 1次上 LEGO班，不過上次的 LEGO 班同今次的好唔同，GENIUS WORKSHOP 的 LEGO 班是好 ENGINEERING 的﹗聽負責人講，佢地好多 LEGO 都是專程由外國，例如: 加拿大訂返嚟，香港係無得買的﹗課程會用上不同的齒輪，什至到 ADVANCED LEVEL，太陽能板都有機會用上﹗

 大頭妹上的是 Engineering workshop，學生一人有一部電腦，自己揀自己想砌的 LEGO 模型，佢地有個電腦的 SOFTWARE，會再 STEP BY STEP 咁教點樣砌，導師亦會從旁 GUIDE住﹗佢地要自己出去放 LEGO 的地方，搵返要用的 LEGO，再跟住砌，搵唔到/ 搵唔岩的時候，導師會比提示﹗

我真是完全無諗過大頭妹係導師的指導下砌出咁複雜的風車﹗有圖有真相，大家自己睇片，因為個 LEGO 完成品是識郁的，睇片會真實啲﹗

大頭妹上堂好專心，我係出面不停影佢，佢都無理我﹗

講完大頭妹，又講下小丸子，佢上的是 mechanic workshop (是 3-4.5歲班)，一般是 1導師對 4學生 (不會多過 6個)，我地試堂當日是 2個學生﹗導師是 STEPHEN，睇得出佢好有耐性同經驗，老實講...真是唔係人人都搞得掂小丸子﹗我見 STEPHEN 係教的過程，不斷有鼓勵小丸子，又要小丸子坐好，我真是好 "感動"﹗

睇下小丸子最初上堂時坐成點？﹗成個 "大爺" 咁﹗真是想走入去打佢個 PAT PAT﹗


再睇下上咗大約一半，小丸子已經知道要攞 LEGO，就要坐好，手放大腿﹗上興趣班可以兼顧埋 DISCIPLINE 真是好難得﹗上堂的頭半堂，我不斷係外面聽到導師 STEPHEN 話 "SIT PROPERLY﹗"，"WHERE IS YOUR HAND？"

當小丸子做得好時，又會比鼓勵﹗


上到尾段，真是坐得好好﹗做任何事都講動機，小丸子想玩，導師又要佢坐好先有得玩，終於都可以坐好了﹗我以前一直以為佢 PAT PAT係唔係有問題，唔可以坐底﹗


一落堂已經急不及待，SHOW比我地睇佢個完成品﹗唔好睇小 BB班，連小丸子個 LEGO模型都有用上 "齒輪" 架﹗


唔係係出面佢住佢一塊一塊砌，我都真是唔信小丸子會做到﹗﹗我見導師通常只是會比提示，做唔岩就會示範多一次，叫佢地再做過﹗

我同小丸子影相時，同學仔又話一齊影﹗

見到佢地 2個落堂個樣咁開心﹗媽咪都即刻想報佢地正式報名﹗

The Genius Workshop:  http://www.g-workshop.com/

辦公時間：星期一至六 上午9:00 至下午6:00

地址: 黃泥涌道151-153號 南珍閣 1樓B室
電話: (852) 2591 0100
傳真: (852) 2591 4100
電郵: info@g-workshop.com

 

大頭小丸@BB醫生

2015年 6月7日 (星期日)

今日帶大頭妹同小丸子去參加 BB醫生﹗之前想參加好耐，不過之前參加要聽一個講座，成日都抽唔到時間去聽，所以一直都報唔到名參加﹗依家改咗，唔洗先聽講座啦﹗岩岩又見到一個時間同地點都夾到的探訪，就參加咗啦﹗

我自己嫲嫲住過老人院，之前我成日會去探佢，雖然話係成日，其實都是一星期一兩次，每次去探嫲嫲，佢都會好開心﹗老實講，有邊個老人家想住老人院，個種孤獨，我地唔會明白，所以我都好希望我地可以帶到一份愛，一份熱鬧比老人家﹗(不過其實我地今次去的是長者屋) 

 一去到首先同公公婆婆打招呼﹗

大頭妹同小丸子都做得好好﹗其實小朋友天生就有感動人心的力量，公公婆婆見到小朋友都好開心﹗

打完招呼就坐定定等 "表演" 比公公婆婆睇﹗今次有成 20幾個小朋友參加﹗

主持問邊個小朋友想表演先﹗我估都估唔到，小丸子竟然第 1個舉手﹗大頭妹第 3個舉手﹗正當我心諗小丸子知唔知自己舉手做咩，主持一叫佢個名，佢就真係自己行出去，之前都有同佢講過，叫佢表演唱太陽伯伯，佢出到去我問佢唱太陽伯伯好唔好，佢答我好就開始自己唱啦﹗大頭妹仲係台下叫佢唔洗怕羞﹗

 因為小丸子第一個表演咗，連帶大頭妹都要第2個出去表演﹗大頭妹有少少緊張﹗佢表演跳 "小孔雀"，其實是佢幼稚園畢業禮的表演，依家老師同佢排梗舞，我叫佢當今次是 REHEARSAL，佢話 OK試下，不過好緊張，因為平時都是一班同學一齊跳﹗結果佢跳咗一半，我見佢停落嚟，就問佢係唔係跳完，見佢都好緊張，我都唔迫佢完成啦﹗不過之後去佢對自己完成唔到個表演好耿耿於懷﹗

表演完之後，送貼紙比老人家﹗

一齊食﹑一齊玩﹑一齊坐﹗對老人家來講真係好重要﹗

仲有一條手帶﹗

最後仲有一齊表演同大合照﹗小丸子上到台又搶咪﹗真是估唔到原來佢咁鍾意表演﹗最搞笑係主持話唱生日歌，問邊個 6月生日，小丸子又舉手，叫 "我我我"，之後大頭妹即是好大聲話 "唔係呀﹗佢 4月生日架﹗"，真是好搞笑﹗

有時你以為自己做義工是去幫人，原來有得著的是自己，我今日見到 2個囡上台，開心表演，我自己都好開心﹗佢 2個都好開心，之後仲同爺爺嫲嫲講自己去探老人家，小丸子仲不停同爺爺講好掛住佢，好擔心佢，HEHEHEH...真是冧到爺爺呢﹗今次真是一個好好的 EXPERIENCE，下次有機會一定會再帶大頭妹同小丸子去參加﹗

後記: 之後大頭妹去爺爺嫲嫲屋企，瞓晏覺之後，忽然喊醒，佢好少會咁，我以前問過佢，佢話佢唔會發夢 (小丸子成日發夢)。我估佢係表演太緊張啦﹗佢話見到好多 monsters，我估佢發夢見到的 monsters 是台下的觀眾，hahaha...希望下次個傻妹唔會再咁緊張啦﹗因為佢跳舞的時候，有台下的小朋友笑，佢以為人地笑佢，我同佢講，係因為佢跳得好，台下的觀眾先會笑。如果佢今次覺得自己跳得唔好，咁下次就要做好啲，唔好令自己後悔﹗

大家 like咗我地的 facebook page未呀？﹗未就快啲 like啦﹗