繼續我的生日之旅﹗上完曲奇班是 5:00，游水游到 6:30，兩個寶貝都唔肯上水，好在之前都計好時間，預訂了 7:30 到【咖啡廳】吃自助晚餐，都仲有足夠的時間慢慢沖涼，裝好身先去食晚餐﹗
之前都有聽聞過沙田凱悅酒店的【咖啡廳】水準十分不錯，今次終於有機會試試啦﹗果然是名不虛傳呀﹗由刺身﹑冷盤﹑到中式熱食都十分不錯﹗最最最出色的，當然是甜品﹗仲有 9款 Haagen Dazs任食，喜歡甜品雪糕的 (即是大部份女士們)，真是一定要來試試﹗而令我最 impressed 的是佢地有個 "素菜" 區，而且選擇都幾多，可能因為之前我陀b之前食過半年素 (大部份時候啦﹗不是宗教原因，只是想bb健康啲，所以其實好隨意﹗)，所以會特別留意，而我特別影個素菜區的舉動，都引起大廚的注意，和我談了 2句，佢話希望食素的客人，可以吃得安心，不怕其他客人夾完肉又夾菜，所以分開一個素菜區﹗
游完水應該好肚餓啦﹗乖乖坐著等食﹗
小丸子...一去到就瞓咗﹗呵呵呵﹗我有餐安落茶飯食啦﹗
我覺得我自己有少少玩自己，我依家是晚上 12:00寫blog，一邊睇相，一邊好回味，一邊好肚餓﹗
海鮮冷盤的選擇都幾多﹗由右至左有: 熟帆立貝﹑琵琶蝦﹑鮑魚﹑熟蝦﹑青口﹑長腳蟹﹑瀨尿蝦﹑去殼蝦﹗
刺身和壽司的選擇都十分豐富﹗每天供應的都未必一樣，我地當日就有三文魚﹑帶子﹑蝦﹑吞拿魚﹑希靈魚﹗
仲有素冷麵，岩大頭妹食﹗
沙律的選擇都好豐富﹗吃自助餐都要記得吃多點蔬菜呀﹗
呢個都是重點推介﹗2款中湯都好正﹗我每樣都飲了 2大碗﹗
老黃瓜鱆魚豬骨湯﹗
螺頭煲雞湯﹗真是非常正﹗
仲有其他 cold cut﹗我食咗好多 parma ham & melon...我的最愛﹗
燒烤區都有好多選擇﹗
這個就是我之前提到的素菜區﹗大約有6-7款選擇，亦有 2款湯﹗
蕃茄湯
蘑菇湯又是 100分﹗應該有用上貴價的牛肝菌，如果唔係應該無可能咁香濃，我同小丸子都飲咗 2碗﹗等我下次煲蘑菇湯的時候又試下加牛肝菌﹗
仲有 PIZZA 2款都做得很不錯﹗
原來佢地的中菜是廚師在counter後面即煮﹗難怪行過的時候香味撲鼻﹗
燒味都好吸引，我吃了油雞好好味﹗
最後就是甜品啦﹗水準真是非常之高﹗平時好多自助餐，甜品只是一個配角，這裡的蛋糕，就有高級餅店的水準﹗
黑森林超美味﹗
仲有好多水果﹗
仲有免費的 lemonade 同 cranberry cooler﹗
哈哈﹗sweet sweet大頭妹記得同媽咪講生日快樂﹗
不過佢地成日同母親節混淆咗﹗成日講完 Mama, I love you，就話 Happy Mother's Day﹗然後又話 Happy Birthday﹗
食到尾聲，小丸子終於起身啦﹗哈哈﹗算唔算合作，等我有得慢慢食，又唔怕如果佢唔起身食，佢今晚會肚餓﹗佢一定會囉，佢要食10成飽先瞓得著﹗
最後多謝酒店為我送上的生日蛋糕﹗
可惜大頭妹已經瞓咗﹗
大家去食記得要book位，我地個日星期六，都fully booked架﹗同場有幾枱同我一樣都是慶祝生日，看來都十分受區內客歡迎﹗
香港沙田凱悅酒店【咖啡廳】
自助晚餐 (晚上6時至晚上10時)
星期一至四
成人$518/ 小童$259
星期五至日, 公眾假期及公眾假期前夕
成人$578/ 小童$289
(另 10%服務費)
大家 like咗我地的 facebook page未呀？﹗未就快啲 like啦﹗
