將軍澳踩單車一天遊@20211205

2021年12月5日（星期日）

考完試大家都要輕鬆一下，上星期約了同學Glamping，今星期約了國皇之家去將軍澳踩單車，其實我平時帶2個女好少戶外活動，有沒有人做過統計，生仔的媽媽會唔會fit啲😆？！

其實大頭妹同小丸子都未識踩單車，所以我和阿旺最終沒有租單車，阿旺全程跟住跑，我就行行企企，不過都可能已經是我一個月的運動量！

我們在近地鐵站的一間租，比這間平少少，這間就比較多款式。

價錢可以看這張！

租了2小時，不過仲未學識，下次再學過！


踩完單車去吃午餐，去了一間打卡的寵物餐廳，可以帶寵物入去，仲有pet food 可以 order。


食物質素就一般⋯⋯






叫 medium rare⋯⋯結果是well done！

Glamping Van@20211128

2021年11月28日（星期六）

期待以久的露營車之旅，真的沒有讓我失望！一早在開學的時候就選定日期，見有一日是考試後，又是平日學校假期，就立即、馬上、趕緊預定！平時如果想訂星期六日，要差不多一年前訂，仲要全數付款！ 

11月真是露營的好時候，天氣涼爽，有少少太陽，又有風，我們去的兩天天氣好好，剛好降溫，晚上大約16-18度，早上應該都有22-24度，可以穿短袖T恤。

今次訂的是4-6人車，是最大的一款，一晚要$2699，比好多酒店都要貴！不過應該都是去一次，去過就算，所以就租最好的。

星空露營車⋯其實玻璃有點點污糟，而且晚上營地都會有基本照明，有點反光，在床上根本看不到星星！大家不要有太多幻想！


4-6人車有2間房，另一間是這樣的！


浴室都算企理、寬躺。


車中間有一張麻雀枱，可以加$200租麻雀。


另一邊是小廚房，不過不能煮食。


天氣好好，我覺得好好彩！


營地不算好大，有少量設施。


這個明顯是「打卡位」！


有一間小屋出租$1200/5小時，供燒烤用的！

11月尾已經有少量聖誕裝飾！


黃昏


6:00可以開始BBQ，租爐$300，食物另計，我自己帶食物，如果訂食物就 $185/份。


晚上會有燈，仲會變色！




其實營地前面就是一間泰國餐廳，如果不想BBQ，都可以吃泰國菜，不過晚上最好訂枱！


我們第二日去吃午餐，質素都可以，點主餐牌的不便宜，午市套餐比較抵食，而且份量十足！