大頭妹 & 小丸子 fashion show

雖然今日個 BLOG叫小丸子 FASHION SHOW，不過其實只有 2套衫，因為唔夠時間影相﹗其實做細有時都真是幾慘，成日都要執家姐的舊衫，但小丸子就醒啦，佢食到自己大大隻隻，咁就唔洗執家姐的舊衫...可以直接著家姐的新衫﹗﹗﹗

HEHEH...就好似我上次去 NICHOLAS & BEARS買新年衫咁...原先...真是只是買咗衫比大頭妹，買咗 1件深藍羽絨大褸 (真是好鬼靚﹗仲要是 90% DOWN + 10% FEATHER﹗﹗﹗)，1件紅色羊毛大褸，1件杏色豹豹毛毛領長身冷外套，1件樽領衫，全部都是大頭妹，返到屋企見到小丸子...忽然覺得好對佢唔住﹗﹗﹗之後...我攞咗件樽領衫比小丸子試...是 3T的...佢竟然岩著，只是要摺一下袖﹗﹗﹗

就是呢件啦﹗HEHEHEH...我自己都買咗一件 16T的﹗做親子裝﹗

咁細個學人飲可樂？﹗


仲要飲到咁肉酸？﹗

立體花花位好靚架﹗

最近成日病，已經好少見到佢呢個雙下巴﹗

同爸爸笑﹗


其實...大頭妹未試，我估小丸子著得仲岩身過佢...條褲...大頭妹都唔岩著，但小丸子只是岩岩好咋﹗

最近係 GIORDANO買咗勁多衛衣，小丸子 2件 100碼，大頭妹 2件 110碼 ，我自己都有 1件 165碼的做親子裝﹗

黃色都幾SHAPE幾靚吖﹗

100碼...幾FIT身...又是只是摺袖﹗

大頭妹的 110碼...暫時可以當 TUNIC著﹗

PARTY的預備工作﹗(附 BLUEBERRY CHEESE TART食譜)

上次講過 PARTY的食物，大頭妹有份幫手整，今日就比大家睇下大頭妹預備的部份﹗哈哈，其實佢都幾叻女，可能似我鍾意整野食，第時開 PARTY，可能唔洗我預備食物，大頭妹可以一手包辦啦﹗HEHEHEH...好早發夢的人﹗

其實同小朋友一齊煮野食係一個好好的親子時間，仲可以活動教學...(又怪獸家長上身啦)，例如整啫哩的時候可以學下顏色/ 生果/ 氣味﹗整沙律都一樣，可以學下生果﹗用湯匙 "筆” 野的動作，其實仲係訓練小手的肌肉架﹗

因為我成日都同大頭妹一齊整啫哩/ 布丁，所以佢好熟手架啦﹗

整沙律的時候阿旺無影相，都是大頭妹將生果同沙律醬混合，切生果就當然係我大人做啦﹗

之後整 CHEESE CAKE﹗

佢想試下熱唔熱﹗因為整啫哩的時候 "熱" 到一下﹗

大部份我打的，佢未夠力，我比佢試幾下啫。


之後入廚房醃雞，因為有生的食材，佢無份啦﹗一陣摸完隻雞又食手指就大件事啦﹗


只是做 "監督" 同 "打氣" ﹗

對住我笑呀﹗

比爸爸影相。

整好啦﹗沙律﹗

三色啫哩﹗

雞

CHEESE CAKE，可惜焗起的時候，大頭妹已經瞓咗啦﹗

第2朝繼續整啫哩﹗

比小朋友用刀就一定要睇實啦﹗

切好就要放入盒。

仲一邊整一邊食...

之後再鋪 BLUEBERRY﹗

其實大部份都係大頭妹鋪架﹗我只係排返靚佢﹗

睇下佢幾專心﹗

材料:

忌廉芝士 250g

糖 3 tbsp

牛奶 100ml
檸檬汁 半個 (少於半個)
蛋黃 2個
ready crust 1 個

做法:

1. 預熱焗爐至160度
2. 忌廉芝士 (室溫) 打至軟身，加入糖打至滑身 (沒有糖粒)
3. 分2次加入蛋黃，攪至混合 (加蛋黃後最不要用electronic mixer)
4. 加入檸檬汁 ，逐少加入牛奶攪至混合，倒入ready crust

5. 入焗爐以160度焗40-45分鐘 (因為爐溫有異，最好於35分鐘後睇火)

p.s. 我呢個做法的 new york cheese cake 個面是唔會金黃色的，如果想金黃色請以180度焗30-35分鐘 (因為爐溫有異，最好於25分鐘後睇火)

唔知咩係 ready crust 的朋友可以睇下呢個網址: http://www.readycrust.com

肥瘦姊妹花

大頭妹同小丸子兩個的身形好唔同，不過其實回想返，大頭妹食野其實乖過小丸子﹗小丸子分人好得戚，成日想自己食，唔岩食嘅，佢會堅決合堆口，比你塞到入佢口，佢都會 "LUR" 返出嚟，好寸﹗大頭妹細個的時候食野好乖，一同佢講 "BIG BIG"，就會擘同個口大一大，又唔會 "LUR" 野﹗就算依家大個囡，有時唔想食想 "LUR" ，佢都會問咗我先﹗

不過...小丸子食奶就乖過大頭妹，通常臨瞓前一齊沖支 6OZ的奶，小丸子都快過大頭妹飲晒，仲要大頭妹通常都飲剩 2OZ﹗小丸子會去搶大頭妹個奶樽﹗HEHEHE...証明奶的古營養真係好啲﹗


小丸子不停望實我...可能奇怪我點解要影佢﹗

未加鹽﹑糖﹑茄膏的羅宋湯，加星星通粉﹗

其實佢食得好開心...不過我一影佢...佢就好唔自然﹗

無大頭妹咁鍾意影相﹗

大頭妹...好鍾意影相...未見我影佢之前仲 "放蚊" ﹗

一見我部大機就好似 "上身" 咁﹗

可能真係少同小丸子影相...比起大頭妹細個時，個個星期六都影﹗

呢碗係大頭妹的，冇鹽冇糖，有茄膏的羅宋湯﹗

嗱...係唔係...大頭妹真係擘到個口好大咁食架﹗

食到成面都係...

想TRAIN佢自己食...由2歲 TRAIN到依家...都冇咩成績...

成熟OL Look

最近愛上比較成熟的OL LOOK，返工著得 FORMAL 少少，化返個淡妝，個人都有自信啲啦﹗

其 實我自已最近一兩年真的 10個HEA，可以經常一件 CAUSAL ONE PIECE加一條 LEGGINGS一對平底鞋就返工，我估我老闆都覺得有少少貨不對版，比著先幾年，可能已經炒我魷魚了﹗哈哈...無辦法...大肚的時候 HEA 慣咗 (又唔化妝)﹗之後一直都係著返大肚時的衫，其實大部份都係日本 FREE SIZE，但其實我本身太細粒，生完根本著唔返，啲衫/ 裙一鬆就好似好 CAUSAL咁，所以最近都愛買修身款的﹗

不過一著修身款先發覺，其實個肚腩都幾 "礙眼" ，只是平時著鬆身衫唔覺，但唔代表唔 "存在"﹗

買 呢條裙的時候，以為前面的 PEPLUM 可以遮下肚腩，點知唔知係唔係個位唔岩/ 心理作用，好似令個肚仲突出咗咁，最大的 "致命傷是..."平胸" (我相信阿旺最同意﹗)，不過只是 $400貨仔，我好滿意架啦﹗上面白色部份係冷/ 線，PEPLUM 位是仿皮，裙身是布，都算幾特別吖﹗之後我見到一條全黑的布料款，著得我好瘦，好有衝動再買，不過又好似太似，依家做咗媽咪，唔可以再好似以前咁，鍾意的 一個款幾隻色買晒佢﹗其實仲有條全 SHOCKING PINK的 (我都好鍾意)﹗

呢條裙本身有 2個色，仲有另一條粉色的。不過個人肥咗，真係著黑色好睇啲，無辦法都要向現實低頭 (本來想買粉色的一條)﹗

好鍾意佢後面的設計﹗咁睇...我條腰係唔係出返嚟呢？﹗

好鍾意呢啲老老套套的花花﹗