Happy Thursday@COCO壹番屋

一星期總會抽一晚同 2個囡 Happy Friday (雖然有時唔係 Friday)，同 2個囡落街食飯，再玩下，又當比工人姐姐休息下，雖然食飯時都要睇住 小丸子，不過總叫做唔洗煮﹑唔洗洗吖﹗

上個星期就星期四出去﹗今日去返上次的 COCO壹番屋，因為我真係好鍾意食咖哩飯 (依家 APITA 裝修，少咗一個地方選擇﹗)，而且上次話食佢地的兒童餐，所以就揀返 COCO壹番屋啦﹗

有街街去幾開心﹗

小丸子會自己揀鞋，佢認得自己啲鞋架﹗上次爸爸拎咗佢對鞋比家姐著 (對鞋本來係大頭妹的，已經唔岩著)，佢會同爸爸講返﹗

登登﹗兒童餐 $35，仲有一杯橙汁/ 蘋果汁，同啫喱﹗我覺得幾抵呀﹗
舊飯好似好細，不過已經夠大頭妹同小丸子 2個食啦﹗

比小丸子飲一啖，佢飲咗我半杯﹗

大頭姨姨的凍檸茶﹗

HEHEHEHE...自己食飯﹗

小丸子呢個手勢即是 GOOD咁解﹗

兒童餐的啫喱，大頭妹唔食，小丸子食晒 2粒﹗

之後去夢之島玩﹗

大頭妹唱兒歌

病咗 2個星期，無幫大頭妹溫書，原來係學校學咗新兒歌﹗自己個囡，唱咩都咁可愛﹗HEHEHEH...有小朋友嘅一定認同﹗

其實唱得唔係好好架咋﹗我出返個字幕比大家﹗如果唔係...一定唔明...

小小公園，花兒開了。

紅花﹑白花﹑紫花，開。

小小公園，花兒開了。

美麗花兒，朵朵開。

其實大頭妹轉咗國際班大半年，都唔係太見佢講普通話，不過見佢就明明地，有時依家睇 DISNEY JUNIOR，會開普通話，佢會話佢地個老師話﹗英文就好少少，見佢唔知點解最近同工人姐姐講英文，但其實工人姐姐同佢講廣東話，可能之前我叫佢叫我做野要同我講英文，咁佢叫得工人姐姐，通常都是叫姐姐比水/ 碗/ 匙/ 叉佢，所以同工人姐姐講英文囉﹗

大家 like 咗我地嘅 facebook page未呀？﹗未就記得快啲 like啦﹗

新髮型

轉咗新髮型一段時間，不過一整完就病足 2個星期，所以個新髮型都冇咩機會出鏡，個病樣實在太恐怖啦﹗怕嚇親人﹗

對上一次剪髮已經是上年 9月，足足半年前﹗今次因為收到之前的 SALON 的 50% OFF SMS，所以去剪嘅﹗我估計係因為我之前個髮型師走咗，自立門戶，佢地見我無返去剪髮，就比個 50% DISCOUNT我，等我返轉頭囉﹗以前從來都未試過有 50% OFF嘅﹗

未剪之前影下相啦﹗

做完負離子之後，其實我已經好滿意﹗

但我今次 REQUEST 電髮尾，想試好耐架啦﹗見有 50% OFF，就一次過做埋啦﹗

HEHEHE...電完個樣...都幾恐怖﹗

吹完頭係咁嘅...都OK啦﹗

當時我好天真，以為朝早起身個頭就會係咁﹗以為電咗髮尾，就唔洗打理...

原來...都係要朝早起身洗頭，如果唔係髮腳都係會向外向內 2邊飛﹗

我就當然唔會朝早起身洗頭啦﹗咁就濕少少水吹下就算囉﹗

大頭妹小丸子 X bossini Mickey Mouse聯乘系列

前個星期五已經收到架啦﹗再次多謝 BOSSINI PR姐姐的關照﹗今次收到 BOSSINI X MICKEY MOUSE真是特別開心，有邊個小朋友唔鍾意 MICKEY MOUSE吖﹗大頭妹同小丸子都勁興奮呀﹗今次是 BOSSINI 2014年聯乘系列的第一擊，慶祝迪士尼90週年﹗個系列好豐富，有齊男﹑女﹑童裝，岩晒我呢啲熱愛家庭裝嘅媽咪﹗

HOHOHO...有個小插曲，話說收貨當日我病假在家，收到送貨叔叔的電話，佢同我講:吖﹗我想提提你，今次個箱入面有盒餅乾架﹗平時都係我送貨嚟架...我見你 2個小朋友一收到包裹就好興奮，想提你提佢地唔好搖個盒呀﹗WAHAHAHAH...原來我 2個囡...咁活潑...連送貨哥哥都記得佢地...佢地可能真係太悶...一有人按門鐘，就已經好興奮...之後我聽到門鐘聲，2個囡真是好興奮，不過我瞓係床郁唔到，佢地已經好開心咁幫我開箱啦﹗

好彩瞓醒見到啲曲奇完好無缺﹗原來有我個名架，唔怪之得個送貨叔叔會提我啦﹗

之後星期日去街街，已經即著啦﹗依家的天氣，短袖連身牛仔裙入面，加件黑色打底，已經 VERY GOOD，又型又唔怕冷親﹗


仲有 MINNIE MOUSE襪仔，好可愛，顏色又 COLOURFUL﹗最重要是大頭妹肯著，佢對腳唔知咩事，好多時佢都唔肯著襪，話有野頂住佢﹗

大頭妹真是大個囡架﹗依家叫佢擺 POST，都好聽話﹗

所以影都好多唔同 POST嘅相﹗

仲有 MICKEY MOUSE BACKPACK﹗小丸子勁鍾意﹗

之後到小丸子出埸，件 TEE是 110碼，佢可以當 TUNIC著﹗

仲有阿旺﹗其實今次連男裝都有好多款﹗

最後有個優惠資訊，有興趣的朋友就要留意啦﹗

85折優惠

在3月27日至4月30日期間，凡以DBS信用卡於bossini分店*及網上商店www.bossini.com購買任何bossini Mickey Mouse聯乘系列產品，即可享85折優惠。

(推廣期 : 3月27日至4月30日)

於推廣期內，憑玩具“反”斗城Star Card會員於bossini分店*或網上商店www.bossini.com購買任何bossini  Mickey Mouse聯乘系列產品，即可享有85折優惠。

(推廣期 : 3月20日至4月30日)

  

*以下bossini分店除外:

尖沙咀加連威老道44號地下

bossini旗艦店地址: 九龍旺角西洋菜街6-12A號地下至3樓

bossini網上商店: www.bossini.com

Facebook: www.facebook.com/bossini.group

顧客服務熱線:  (852) 2371-1633

最後仲有 BOSSINI X OCEAN PARK: 

PART 1:

http://athena-joe.blogspot.hk/2013/09/bossini-x-ocean-park-2013.html

PART 2: 

http://athena-joe.blogspot.hk/2013/09/bossini-x-ocean-park-halloween-part-2.html

 

黑仔 3月﹗

呢個三月真是黑仔都爆﹗睇咗 3次醫生，去咗 3次警局﹗真是唔知行咩衰運﹗

話說之前湊病咗嘅小丸子捱咗 2晚夜，之後星期一放工返屋企，坐坐下已經覺得唔對路，好似 m到，又有少少燒﹗其實自上年睇完一轉中醫，我都一直未好返晒，不過見都已經睇咗 3個月，洗咗成萬幾蚊，已經好肉赤，而且中醫...你永遠都唔會知幾時為之好返，我遲經嘅問題...其實一直未解決，但西醫都話我 "貧血"，應該都係因為身體差，依家大約 1.5- 2個月先一次...即係遲足 10幾 20日...仍然係一m到就作病，有時發得出，有時發唔出，今次就唔好彩，發得出，仲要發得甘﹗其實可能又係比我拖到小病變大病，好返少少又肚痾，醫生話可能啲菌去咗去腸，總之由 3月中到依家，都未完全病好﹗

去警局就因為 2件事，第 1 件就小事，就係因為我病到傻下傻下，將公司開嘅 cheque丟咗入郵筒，我已經即刻打去郵局問，但佢地又話搵唔到，過咗幾日就收到警局電話啦﹗

另 1單就唔方便係 blog講，不過仲有排煩﹗希望唔好影響我 4月中嘅台灣之旅﹗

星期五上警局，成日只是早上吃了半碗粥，8:00幾走的時候，去了金雀...自己一個人据扒﹗