嚟到行程的最後一日啦﹗我今日終於先有得 shopping，其實係台場有行咗 1個鐘嘅，
不過5日先得 1個鐘 shopping，仲要是我自己篇行程，嗚嗚嗚...我下次一定會自私啲架啦﹗
今日行新宿，我要行小田急，我以前著開個牌子，係香港已經執咗，新宿有幾間分店，
最近是小田急，0101個邊都有，不過遠少少，我唔夠時間啦﹗一早 10:00出發，放低佢地 3係玩具部，我就自己 shopping 啦﹗其實都係得 1個鐘，我約佢地 11:00等，因為之後我要轉另一個商場 "my lord" 行 earth music/ lowrys farm﹗
估唔到佢地竟然可以係小小的玩具部玩足 1個鐘，仲唔肯走﹗
我揀衫加試衫，其實只是用咗 30分鐘，之後...SALES用咗 20分鐘幫我包好我買的 3套衫，再用 10分鐘幫我收錢﹗鳴鳴鳴﹗1個鐘頭的 SHOPPING TIME就用完﹗我想用 UNIION PAY，我無 SET PASSWORD，佢一定要我入，我話入 ENTER 就可以，我見個 SUPERVISOR打眼色，叫佢收現金，咁我又有，就比現金啦﹗唔係可以再多 20分鐘都走唔到﹗
呢套...買定嚟同大頭妹去 INTERVIEW學校﹗好多都 FINAL IN 先見家長，希望我有機會著啦﹗
呢套就最近都成日著，我最後買咗藍色，諗住同上面個套藍色襯返，不過最後都無咁做，依家睇返，覺得套粉紅色靚好多﹗
之後我老公唔知點解話要食 LUNCH (11:30咋喎)，我打算 1:00 CHECK OUT先食嘛﹗
點知因為日本假期，週圍都好多人，咁阿旺就話佢自己同 2個囡返酒店先，
我就自己 SHOPPING，再係 CHECK IN 前匯合啦﹗
佢地食酒店附近的 FIRST KITCHEN買返酒店食﹗阿旺話都幾好味喎﹗
CHECK OUT 之後放低行李係酒店，因為 3:00會返去坐機場巴士出機場﹗
我地就四圍行多一陣，其實我可以再 SHOPPING嘅，不過算啦﹗
我話去都廳，阿旺又話想去咩和平紀念館，話今年抗戰 70週年﹗
應該同都廳個影有距離囉﹗而個和平紀念館好細，大頭妹同小丸子都睇到好驚﹗
好啦﹗要出發去機場啦﹗真是好唔捨得﹗帶小朋友去，真是起碼要去 6日﹗5日無時間 SHOPPING﹗
小丸子午睡時間﹗
去到機埸 5:00幾，食個 EARLY DINNER﹗坐廉航無飛機餐食﹗揀來揀去，都係食和幸，其實我想試另一間架﹗阿旺話 2個囡都食喎﹗
機場呢間 SERVICE麻麻地，叫兒童餐無比玩具我地﹗
我叫個普通的﹗
阿旺要的厚切，仲有厚切係配豚汁 (豬肉湯)
貶下眼 5日4夜的行程就完啦﹗多謝大家收看﹗
希望大頭妹小一派位順順利利，咁我地出年又可以再去旅行啦﹗
傻夫婦東京5天超級親子之旅
傻夫婦東京5天超級親子之旅 DAY 3上【涉谷/ 美登利/ 涉谷Parco/ 海賊王店】
傻夫婦東京5天超級親子之旅 DAY 2下【東京迪士尼樂園】
傻夫婦東京5天超級親子之旅 DAY 2上【東京迪士尼樂園】
傻夫婦東京5天超級親子之旅 DAY 1下【燒肉放題風風亭】
傻夫婦東京5天超級親子之旅 DAY 1中【高島屋/ 今半/ TOKYU HANDS】
傻夫婦東京5天超級親子之旅 DAY 1上【VANILLA AIR廉航初體驗/ 成田TERMINAL 3/ HOTEL SUNROUTE PLAZA SHINJUKU】
大家LIKE咗我地個 FACEBOOK PAGE 未呀？未就快啲 LIKE 啦﹗
