DAY 3 - 西門町﹑微風廣場﹑青葉台菜

2011年5月2日 (星期一)
行程: 101 - 西門町 - 微風廣場 - 青葉台菜 - 美麗華 - 士林夜市
去完 101，又坐返架免費巴士去市政府站，再坐捷運去西門町﹗去西門町主要是要買鴨舌，我同阿旺都超鍾意食鴨舌﹗同埋要食阿旺念念不忘的 "排骨大王"，第一日食完 "君悅排骨" 之後，佢就話一定要再食 "排骨大王" 啦 (好食好多)﹗可惜...大家自己睇啦﹗
行完西門町，又返去酒店休息一陣，幫大頭妹差電，再出發去微風廣場的 "青葉" 食 DINNER，仲約了之前台灣的 2位同事，MAGGIE 同 CHRISTIE，真的好耐無見啦﹗都有 5年啦﹗HEHEHEH...去台灣人陪我去食台菜，真的有點不好意思﹗不過我想話，青葉真的超讚﹗100000000個推介﹗

今日又天陰陰啦﹗

阿旺呢 5年來朝思暮想的 "排骨大王" 竟然已經結業﹗變成雜貨店﹗(2006 排骨大王)

雪王 - 餐牌話有 73種口味的雪糕﹗唔知是不是真的全部都有供應呢？﹗前: 紅豆，後: 西瓜﹗2種都好好味﹗($75@)

食唔到排骨大王，食阿宗麵線，真是幾時都咁多人﹗

呢個我覺得好味過士林的豪大雞扒，不過佢是細細件的雞件，感覺完全唔同﹗

阿旺排隊的時候，大頭妹喊成咁﹗我一個人抱唔到佢出嚟﹗要拎起後面個揹包先，唔係會反車﹗唉吔...心痛死我啦﹗我一向都唔比佢喊多過 5分鐘架﹗今次都喊咗最少 4-5分鐘﹗後來我地發現，因為我地停底咗，佢無野睇﹗我又企係佢後面，佢又見唔到得地，可能有少少驚，所以就喊啦﹗

呢個花枝丸阿旺話好好味，最重要只是 $20﹗

買完雞又買埋丸，買返杯真珠奶茶飲下﹗

嘩﹗可能因為放工買餸時間，老天祿要排隊﹗

呢個我覺得我比人呃咗﹗買的時候沒有問價錢，比錢的時候先知要 $70一支﹗

heheheh...去微風廣場的 TOKYO HANDS﹗當自己去了日本...即時開心 * 100﹗

一開餐大頭妹就搞搞震啦﹗

炒通菜，好好味﹗

醬油炒豬肝，我唔食豬肝，阿旺話好好味﹗一個人差不多食了 3/4碟﹗

鳥魚子炒飯 $300，好好好好味﹗烏魚子好香﹗啲飯又炒得好乾身﹗

菜圃蛋 $180，同香港的唔同，呢個好好好好好味﹗好香口﹗

蛋黃蝦，好好味﹗炸得好香脆﹗

雪菜魚卷，好味﹗

杏仁豆腐，呢個反而普普通通﹗

湯丸，好好味﹗比香港的更 QQ﹗
食完好滿足好滿足的一餐﹗今餐仲要是台灣的同事埋單，真的十分不好意思﹗HEHEH...唯有叫佢地下次來香港一定要搵我﹗食完 DINNER，我地仲去了美麗華同士林夜市﹗好充實的一日﹗
如果想睇多啲相就記得 ADD埋我 FACEBOOK PAGE啦﹗http://www.facebook.com/media/set/?set=a.10150193594322089.336036.557582088&saved#!/pages/%E5%82%BB%E5%A4%AB%E5%A9%A6%E8%9D%A6%E7%A2%8C%E7%94%9C%E8%9C%9C%E7%94%9F%E6%B4%BB%E6%97%A5%E8%AA%8C/113329742036313

DAY 3 - 101觀光層

2011年5月2日 (星期一)
行程: 101 - 西門町 - 微風廣場 - 青葉台菜 - 美麗華 - 士林夜市
前一晚去唔成 101觀光層，決定今日一早就過去﹗8:15AM起身梳洗，就去酒店 1/F食早餐﹗10:30就出發啦﹗今日可以慢慢行啦﹗台北的捷運站有 "公公婆婆" 義工，我地問了一個婆婆怎樣去免費接駁巴士站，佢仲帶埋我地去﹗我地的港鐡都要學下啦﹗
101的觀光層分開3個樓層，分別是88/F，89/F，同 91/F﹗我地去的時候，戶外層的91/F沒有開放﹗有少少失望...可能因為天氣不好啦﹗89/F就是真正的觀光層﹗仲有餐廳同一間少少的 SOUVENIR SHOP﹗88/F就是藝術館加賣貴價的珠寶首飾﹗
行完 101都已經 1:00PM幾，出發去西門町食 LUNCH﹗

我發現我地開餐的時候，一定要比少少 "勢藝" 大頭妹﹗

再比小小"甜頭" 佢，就會乖到無朋友﹗

食第一粒提子的時候忘記了帶口水肩，要返酒店換衫衫啦﹗

又食手指﹗

出發去 101啦﹗今次坐免費接駁巴士﹗

HEHEHEH..有免費車坐，媽媽幾開心﹗

世界最快電梯，直達 89/F﹗

世界最高大廈，排第 4的是我地香港的 ICC﹗原來 IFC唔入十大架﹗

今日天氣麻麻，不是看得太遠﹗

HEHEHEHEHEH...世界最高餐廳？﹗

HEHEHEHEHEHE...我地兩公婆做了一件絕頂無聊的事﹗

就是寄 POST CARD﹗

寄比大頭妹﹑我屋企人同阿旺屋企人﹗

大頭妹食飽飽就瞓啦﹗

88/F 主要是賣首飾的﹗不過都有少少藝術品睇下﹗呢個是珊瑚來的﹗
HEHEHEHE...之前來了台灣 4次都沒有上過觀光層，第一次跟阿旺來的時候，101還未落成﹗之後 3次都是來工作，今次帶住大頭妹特別希望做一些平時不會做的事﹗因為希望遲少少會帶大頭妹到 ICC的觀光層，所以今次特意前來﹗HEHEHEH...唔知有沒有機會帶大頭妹去晒世界最高10大的觀光層呢？﹗
如果想睇多啲相就記得 ADD埋我 FACEBOOK PAGE啦﹗http://www.facebook.com/media/set/?set=a.10150193594322089.336036.557582088&saved#!/pages/%E5%82%BB%E5%A4%AB%E5%A9%A6%E8%9D%A6%E7%A2%8C%E7%94%9C%E8%9C%9C%E7%94%9F%E6%B4%BB%E6%97%A5%E8%AA%8C/113329742036313

DAY 2 - 天香回味 & 台北101

2011年5月1日 (星期日)
行程: 北投- 台北神旺大飯店- 中正紀念堂- 南門市場- 永康街- 天香回味- 101
繼續第 2日的行程，係永康街食完 TEA之後，就坐的士返酒店，休息一陣再出去天香回味食晚餐啦﹗之前一早叫我的 "台灣通" 妹妹幫得訂位﹗不過都坐唔滿﹗同埋假期原來係無最平個隻 2人套餐架 ($1498)﹗要單點/ 貴的 2人套餐 ($1998)﹗ 阿旺話覺得無以前咁好食，其實我覺得一樣，不過因為今次食唔到套餐，所以無得樣樣食少少﹗款式少咗就自然失色咗﹗(2006 天香回味)
不過今餐大頭妹好百厭，唔肯自己坐，要我抱﹗不過我地發現佢應該是想食﹗總之佢見到我地食野，佢就一定要食埋一份﹗之後幾日，一去到餐廳，我地就放啲餅仔係佢個碗仔，等佢自己食，咁佢就無再嘈啦﹗不過佢真是食得好快，一陣就食咗 10幾粒﹗

一去到就玩個碗，都好地地﹗

轉個頭就開始發脾氣﹗不斷將枱面上的物品丟落地﹗

湯底 ($390) 到啦﹗唔辣的一邊是 "天香"，辣的一邊是 "回味"﹗

雪花肥牛 $400

天香包 $160，其實即是魚丸包豬肉﹗

腐皮 $75

鴨血 $75

南瓜 $100

珊瑚菇 $130

大頭妹要學我地大人咁攞筷子，打下個爐，又打下個碗，不過就無得食﹗(睇下佢個樣幾認真﹗)

EHHEHEHE...我已經被迫學識一邊抱囡一邊自己開餐的 "媽媽秘技"﹗

仲有免費棉花糖食﹗

食食下...2個一齊食手指﹗

送的糖水﹗

要個經理幫得地影返幅合照﹗
食完大約 8:45PM，想上去 101觀光層，坐捷運由國父紀念館站去到市政府站，行去101的時候先發現，原來 101觀光層售票時間只是去到 9:15﹗唉﹗一場來到，唯有遠遠咁影過去﹗如果早少少睇到...就行返東區 SHOPPING啦﹗最後呢4日...我都無 SHOPPING過﹗

睇幅相好似好近，不過我估我地都唔會15分鐘內到﹗

阿旺話呢區好靚﹗

HEHEHEH...唔想咁快返酒店，去行新光三越﹗

呢間不知道是什麼﹗不過外形好靚﹗

HEHEHEH...今日都算早返酒店啦﹗11:00PM就返到﹗返到酒店又要開始搞大頭妹啲野﹗通常都是我一返去就沖奶比大頭妹飲，之後就沖涼，我沖完涼大頭妹就飲完支奶，阿旺就幫佢換衫沖涼， 再洗奶樽同做消毒﹗

之前有 BLOG友教的﹗問酒店攞冰桶浸 BB的奶樽同食具﹗
嘩﹗大頭妹今日真是勁攰，一沖完涼放落床就瞓咗﹗可能去旅行真是太多新奇的事物要學啦﹗比平時用多好多精力﹗HEHEHE...不過帶 BB去旅行，真是比我想像容易，又開心，又好玩﹗
如果想睇多啲相就記得 ADD埋我 FACEBOOK PAGE啦﹗http://www.facebook.com/media/set/?set=a.10150193594322089.336036.557582088&saved#!/pages/%E5%82%BB%E5%A4%AB%E5%A9%A6%E8%9D%A6%E7%A2%8C%E7%94%9C%E8%9C%9C%E7%94%9F%E6%B4%BB%E6%97%A5%E8%AA%8C/113329742036313