COOKING CLASS@RACHEL'S KITCHEN

第一次上RACHEL'S KITCHEN的COOKING CLASS﹗
抽籤抽了3個月，第一次被抽中﹗
生完大頭妹16個月，第一次上COOKING CLASS咋﹗
(老公，你明我點解咁忟你成日出去玩未？﹗
你自己以前唔鍾意我上蛋糕班，話食唔飽，
自己走去上2個月餅班？﹗我就放長雙眼睇你出年整唔整﹗)

今次上堂學的是泰國菜，菜色有泰式魚餅﹑豬頸肉﹑椰汁雞湯﹑椰汁石榴子，
第一次上...我依家先知...原來是示範+晚餐，
起初我以為會有少少實習的﹗

泰式魚餅
用的是鮫魚，呢一條就要$200﹗
只整到20件﹗

泰式豬頸肉

椰汁雞湯

椰汁石榴子

白飯，不過放在LC入面，好似特別高級﹗

額外小食

聽同學講泰國鋪有得賣，都幾好食﹗

酸酸辣辣好開胃

好JUICY的豬頸肉﹗

魚餅好味﹗


呢個好好味﹗之前我係一間泰國餐廳食過，同呢個冇得比﹗

呢個是RACHEL額外煮的青咖哩，都好好味﹗

炒通菜，想問有冇人知呢個是咩炒通菜﹗

有感而發

經濟日報專訊】50年前是工人湊大，50年後也是；為何以前沒港孩，今日問題處處？兩代人都請過工人的50後媽媽 一語道破是因為現在的父母「怕蝕底」，她奉勸當今父母不要甚麼事都要求外傭幫小孩做，否則教不好，蝕底的反而是父母，而且是「total loss」（全盤輸掉）。 (全文: http://hk.news.yahoo.com/%E6%80%95%E8%9D%95%E5%BA%95%E6%B9%8A%E4%BB%94%E9%9D%A0%E5%B7%A5%E4%BA%BA-%E5%AE%B6%E9%95%B7total-loss-224925908.html)

剛剛看到一篇關於靠外傭湊小朋友的新聞有感而發，最近身邊好多朋友都向我抱怨，自己的小朋友不跟自己，最愛工人姐姐 (哈哈﹗可能由工人姐姐湊大的一班90後﹑2000後，會讚成外傭有居港權)﹗好老實，我地細細個睇粵語殘片都有講 “生娘不及養娘大”﹗這個道理應該人人都明白﹗
我自己計畫生小朋友的時候，已經清楚明白自己一定要負起照顧小朋友的責任，不想照顧就真的不要生啦﹗好多人會考慮究竟請工人好，還是交由長輩照顧好呢？﹗老實講除非同父母同住/住得很近，否則我暫時未見過成功的例子﹗
亦都有很多人星期一至五把孩子放在父母家，星期五晚才接回家，星期一早上再送回去﹗我自小都是跟著嫲嫲住，到5- 6歲才真真正正同父母同住，我的童年回憶都沒有父母，只有嫲嫲，我到依家都是同人講，我是由我的嫲嫲湊大的﹗但其實我小一之前已經同父母同住﹗中間的幾年 父母星期六﹑日都應該有同我出去玩玩吧？﹗不過不好意思，我真的一點記憶也沒有﹗細個的時候同媽媽的關係不太好，自己做了媽媽之後先明白，其實當我錯失母 愛的時候，媽媽都錯失了最快樂的親子時間(媽媽看到這個請不要介意，我現在是十分愛你的﹗)﹗
所 以對於我來講，最後的出路其實只是淨返請工人﹗請工人的最大的用途當然是我地外出工作的時候照顧小朋友啦﹗其次就是幫手打理家務，咁我地返到屋企就可以全 心全意自己照顧小朋友，同佢玩﹑唱歌﹑講故事﹗靠外傭湊小朋友本身沒有問題，但如果去到過份依賴，什至靠外傭教小朋友才是問題﹗
其實好多外傭的學歷都幾高的，尤其是菲律賓的，又識英文，不過佢地可能長期生活係貧窮的國家，品德的水準，真的有待改善﹗以我工人姐姐為例 (我工人姐姐是印尼人)，去到邊都問我可唔可以 “攞” 啲野返屋企？﹗去冒險樂園波波池玩就問可唔可以攞啲波波？﹗去餐廳食飯又問可唔可以攞餐具走？﹗最慘係佢覺得呢啲係佢作為顧客的權利，而且佢仲係幫我慳錢 先咁做﹗去到地鐡又橫瞓霸2-3個位比我地坐…雖然明白佢的心意，不過如果小朋友大咗有樣學樣，都幾頭痛﹗

所以如果有得揀，湊小朋友真的要身體力行，盡可能親自親為，我當然明白我的工作唔太忙，可以講得好口響 (不過難度我不是為了多點時間照顧大頭妹，而放棄轉工嘛？﹗)，做人一定要有取捨，哈哈今次講住咁多先，怕悶親大家﹗

阿旺整餅

之前我都曾經提過最近公司搞好多活動，係中秋節其間我一連兩個星期上左兩個整月餅班，一次係冰皮(綠茶紅豆，黑芝麻同綠豆茸)，另一次係酥皮奶皇月餅，兩款都好好食，點解報晒兩個﹖因為唔洗錢羅XD，同埋今次學左出年試下自己整。今次嘅出品同上次個拿破侖好大分別，因為今次唔係响”二XX”學。呢間嘅規模雖然比較細，唔係每個人都有一套工具，我地4個人一組，要輪流用或者係每個人做D唔同嘅步驟，但我覺得整體黎講都好過”二XX”。

其實冰皮月餅同奶皇月餅嘅做法差不多，難度都唔係好高。幾年前，Athena係”二XX”學過整冰皮，但真係難食到食唔落，唔係因為佢失手，原因係個食譜用了太多”現成野”，就連豆茸都係用現成，緊係唔好食啦，比錢上堂嘅人都係想用天然嘅材料去整食物，等食嘅時候安心D，用咁多半製成品，又難食學黎做咩呢﹖不過我聽講佢地再早期D嘅課程，講緊4-5年前，係唔錯的，唔知點而家會咁。

講開月餅，其實我並唔係咁鍾意食，由其事冰皮，因為冰皮實在太多古靈精怪嘅味道，有時聽個名都唔想食。以往我每年最多食到一個(傳統月餅)，所以如果嗰年有一盒月餅的話，通常到最後都要掉兩個，我曾經諗過傳統月餅幾時會式微，因為又唔健康又貴，要買嘅原因大多數都係因為過節送禮，我想信最終要掉嘅數量都不少，所以我覺傳統月餅係會比取締，但又唔會無晒，只係需求量會減少。

最後因為我最近太頻繁出席公司嘅活動了，在出席公司嘅保齡球賽中途收到一個留言，之後無奈地回家了=.=。



煲紅豆


煲綠豆

冰皮製成品



未焗嘅奶皇月餅

 

製成品

 

OLIVIA生日@RUBY TUESDAY

已經忘記咗餐飯是幾時食，
又去RUBY TUESDAY，
今次阿旺張MEMBERSHIP CARD過咗期，
無晒啲積分﹗
其實只是過咗2星期，
問個經理可唔可以EXTEND啲分，
佢話已經過咗期 "太耐" 喎﹗
我寧願你一句話唔得囉﹗

雖然麻麻地銅鑼灣的SERVICE，
不過佢地的食物質素又好似好過太古喎﹗

9月的SPECIAL，炸魷魚 $38

炸蟹餅，我地都以為是吉列的﹗

小食拼盤

青口

和牛

RIBS & WINGS

生日當然唔少得 CHOCOLATE TALL CAKE啦﹗


BTW，最近佢地CHECK卡都CHECK得幾緊，
都會問攞張同名的CREDIT CARD睇下﹗

探小小銀

2011年10月1日 (星期六)

今日去咗探小小銀﹗
無錯﹗是小小銀﹗
因為小銀媽岩岩幫小銀添個細妹﹗
我自己幫佢改名叫小小銀﹗
哈哈﹗咁如果大頭妹第時多個妹妹/弟弟，
係唔係要叫小頭妹/ 小頭子？﹗
咁難聽嘅？﹗

好耐都無試過抱咁細SIZE的BB﹗
真是好懷念大頭妹仲是小BB的時候﹗
軟綿綿，又成日瞓覺，
不過我記憶中大頭妹自幾日大開始，
都唔瞓架啦﹗

大頭妹唔知點解特別鍾意蝦小銀，
去到又同小銀爭玩具玩啦﹗
阿囡...啲玩具唔係你架...你分下莊閒好喎﹗

份玩具明明是小銀媽的朋友買比小銀的，大頭妹成個人坐上去﹗

叫外賣食﹗
馬安山的物價真是比太古平一節﹗
叫了15個餸才 $720﹗

 

順便慶祝阿妹的生日﹗(其實小銀媽是我阿妹的同學呢)