日本東京超開心﹑超疲倦之旅 Day 5

２００７年１月１１日DAY 5: 池袋 -> Hotel -> 機場 -> 香港
最後一日啦﹗真係好唔捨得，我仲未食夠，我仲未食shabu shabu。
最後一日的早上去咗池袋，因為之前係池袋買和服花咗好多時間，都冇咩點行到。而且未買晒手信...所以要最後衝刺。

坐6點幾機，大約2點就出發去機場，預鬆啲時間，而且機場都有好多嘢睇。唔夠4點就到咗...即刻又食。去咗Soup Stock Tokyo，因為我本身好鍾意飲湯，而且連日來見到都好想試...個龍蝦蟹湯好正，個羅宋湯就同香港好唔同...我就唔係好識欣賞。

後記:係機場會有大量手信賣(食果啲)，所以我會建議大家，留一個『吉』的手提行李慢慢買，大部份的價錢同出面一樣，我仲發現有啲嘢竟然平啲﹗當然唔計我係上野買果啲啦﹗