16週啦﹗我地摸到寶寶呀﹗

我地摸到寶寶郁呀﹗無錯﹗是我地﹗我地兩個都摸到呀﹗上星期六我瞓晏覺﹗瞓醒第一件事就叫阿JOE鍚啖我﹗點知佢咬我塊面話 食"BUFFET"喎﹗咁我就叫佢鍚下我個肚啦﹗一鍚落去，我就感覺到寶寶郁啦﹗佢咁岩浮咗上肚皮面﹗是肚臍的左下方﹗HEHEHE...今次無得話我心 理作用啦呱﹗我地摸到一個AROUND 2寸的硬硬地的"小人仔"﹗好開心呀﹗唔知佢係唔係想爸爸錫佢呢？爸爸一鍚就浮出嚟﹗爸爸就好啦﹗咁快錫到寶寶﹗
我幫我個肚肚影咗相﹗我叫阿JOE同我一齊影，咁睇下我個肚幾時先會大過佢﹗我話一個月影一次，咁就知我老公有咗幾多個月﹗我估起碼 5個月﹗佢今次好醒﹗驚我會 post﹗就咁著條"底褲"同我一齊影﹗﹗﹗呢招好絕﹗咁我就一定 post 唔到啦 ﹗﹗﹗幅相好得意架﹗不過佢唔想POST就算啦﹗佢話叫係我生之前修身喎﹗又聽住先啦﹗聽咗好多次啦﹗
HEHHE...我影的時候好自然就"拮"起咗個肚﹗未有咁大嘅﹗最搞笑係我之前買咗條中碼條褲﹗我著親果條褲啲人就話 "哦﹗見肚啦﹗"，其實大家見的只是...褲頭﹗HEHEHE...不過唔緊要啦﹗我繼續去呃下人﹗

我覺得我個肚大得比我想像中快﹗不過我又覺得知道的人就會看得分別 (因為知道嘛)﹗不知道的人就一定看不出﹗起碼我上到地鐡都未有人會讓坐﹗我而家最鍾意放對手在肚上，eheheh...原來有個地方 "涼" 手，都幾舒服﹗