第一次與阿旺一起上烹飪班﹗

上星期日，阿旺同我一齊去上烹飪班，算是情人節的特別節目，雖然遲了一星期。今次是阿旺第一次上烹飪班，仲學難度什高的法國菜﹗其實連我都是第一次 學法國菜咋﹗點解會一齊上烹飪班？因為櫻井老師的烹飪教室要暫時結束啦﹗老師要休息一年﹗最快可能要明年才會重開﹗所以同阿旺一齊上去上最後一堂囉﹗希望 老師真的會重開啦﹗
由10:30上到 3:00呀﹗今次學的三個菜式是: 栗子蓉湯配薯仔薄餅﹑魚肉帶子波菜蘆筍卷配牛油蛋黃汁﹑鵝肝鴨肉PIE。

阿旺比老師叫了出去 "去魚皮"，另外一個同學完成兩面，阿旺才剛完成一面﹗不過整魚一定是日本人比較了得嘅﹗

阿旺雞手鴨腳﹗好彩我沒有出去﹗不然被人笑的就是我啦﹗而家就佢比我笑啦﹗

老師要出馬啦﹗

鵝肝未煎之前都大大件﹗

煎完之後細了很多﹗

包好就可以焗啦﹗
今次上堂人數超額，老師SET咗張枱比我同阿旺﹗我地可以2個人"撐枱腳"﹗

栗子湯好好味﹗好香﹗

魚肉帶子波菜蘆筍卷好鮮味，用大大隻帶子打蓉卷的，睇到我同阿旺目定口呆﹗對我地中國人來講...咁食帶子...真是浪費﹗不過到食的時候就知，食落肚是不會浪費的﹗真是好美味﹗

鵝肝鴨肉PIE，我不喜歡鵝肝，挑咗出來比阿旺食﹗個PIE就好好味﹗不過阿旺話好複雜，返到屋企好難會再煮﹗大時大節先煮囉﹗都OK嘅﹗
食完之後仲有甜品同咖啡﹗

有雪糕食...個樣幾開心﹗

仲有咖啡...不過原來日本人飲 "齋啡" 架﹗我次次都要茶，最後一次想試咖啡﹗
好開心的一日﹗可惜都是最後一次啦﹗櫻井老師...你要快點回來呀﹗