但依家到我大肚,其實真是瞓得好辛苦,我覺得可能今胎陀得辛苦啲,同我的睡眠質素都好有關﹗阿旺有輕微睡眠窒息症,即是...佢有 "好大" 鼻寒
好多時都想放大頭妹去工人姐姐房瞓一晚半晚,等自己可以休息下﹗大頭妹細少少的時候都還可以,但有時瞓到3-4AM都會大喊,最後我都要接返佢入房﹗先一排,有一晚我地夜返,無去姐姐房接返佢,第2朝,佢好明顯嬲咗我
依 家就有一個問題啦﹗就是就算我依家頂得順,將來都無可能同晒2個寶貝一齊瞓?﹗但如果依家先放大頭妹去姐姐房瞓,我又怕佢會覺得因為有細B,所以我地唔要 佢啦﹗我工人姐姐就話,襯細B未出世,依家放過去就岩岩好,如果出咗世先轉,問題仲大﹗不過佢成日都叫我比大頭妹同佢瞓架啦﹗而且我好珍惜我同大頭妹的睡 前親子時間,我每晚都會唱歌比佢聽,同佢講 "三隻小豬",佢依家已經記得晒故事的情節,知我幾時會吹佢塊面,大豬幾時跑,問佢大豬呢?﹗佢會答我 "跑跑跑",有時佢仲會自己攞3隻小豬比我,叫我講比佢聽﹗
但如果放細B去工人姐姐房呢?我又覺得唔公平
我應該點做好呢?﹗有冇有經驗的媽媽可以指點一下?﹗
沒有留言:
張貼留言