食得咸魚抵得渴

我知我唔應該將阿旺形容為一條咸魚，不過我今日講的咸魚，正正就是我的阿旺啦﹗

其實唔知道大家心目中，我同阿旺是怎樣的呢？﹗我知好多真正認識我地的人都覺得我 "食住" 阿旺，阿旺對我好好，我就對佢好惡﹗我唔否認我是一隻 "老虎乸"， 巨蟹座的女性一向都是比較 "母愛氾濫"，對自己的另一半好似對子女一樣﹗所以才會令人有這一種 "錯覺" (HEHEH...我話是錯覺就是錯覺啦)﹗但相反地，巨蟹座的女性都會是一個 "賢內助" (拉埋其他BLOGGERS落水，MAGGIE同笨B媽媽都是巨蟹座的，全部都是叻﹑靚﹑醒好老婆同媽媽)﹗好似由求婚的時候，阿旺承諾我會去考英文會考 合格回來給我，到結婚的第2/3年，終於考到﹗到今年仲去報學士學位課程﹗由我識佢的時候兩抽清風，到依家總算是有少少儲蓄﹑有自己物業 (雖然有排供)﹗噢﹗講到 "離晒題"...講返我條咸魚﹗

我條咸魚呢？﹗佢一向出名脾氣好﹗佢對人真是好好﹗永遠放家人同朋友在 "自己" 之上﹗好可惜...我身為佢老婆，在佢的心目中是等於 "自己"，所以我永遠都是排在佢的家人同朋友之後，仲有事業呢？﹗我生大頭妹的時候，佢就是因為要開會，沒有接我同大頭妹出院啦﹗

我細個睇 "風雲" 小說的時候，就話第時揀老公，要揀步驚雲，只會對自己好﹗唔要聶風，對個個都好 (小女孩對愛情滿幻想﹗唔好笑我呀﹗)﹗但其實我的擇偶條件呢？﹗要心地善良﹑有愛心﹑鍾意小朋友 ﹑無不良嗜好﹑唔洗靚仔唔樣衰就可以﹗

即是自打咀巴﹗心地善良又有愛心的人，通常對人人都好好﹗我亦見過一些只會對自己的老婆子女好的男人，有時真是令我好火滾，做人可以咁自私﹗原來我好鄙視這一種男人﹗所以呢...我只有同自己講一句 "食得咸魚抵得渴"，如果佢唔是一個咁嘅人，我一開始又唔會鍾意佢﹗

學今年視后胡杏兒講一句 "我知我好難頂，其實你都一樣好難頂，希望大家一齊頂住大家啦﹗"。


傻旺公司新年PARTY，又拿到服裝獎的第一名啦﹗


上次網購的衫到咗啦﹗
阿旺話唔應該買金色貓，好似有個金色肚腩，
計我話呢...應該是唔應該有肚腩就真，好心減下肥啦﹗


唔記得同佢講咩令佢笑成咁﹗