由細到大可能受嫲嫲的影響,我認為做女人應該要識煮飯﹑做家務 (做唔做又另一回事啦
不 過學織冷衫,我大大話話都學了超過20年,總之我就是唔識 "上袖" 同 "收尾" (縫合) 啦﹗結果每次織冷衫都要去學一次﹗最近比我搵到一間好岩我的,每小時收 $80,可以自己帶冷去學,好彈性﹗唔洗一報上幾堂又限時,又唔一定要買冷。我可以一次過織晒成件衫先上去埋尾同上袖﹗所以我決定今次一定要學到識為止 ﹗﹗﹗
其實本身今次都唔打算織,不過我覺得做細的好蝕抵,我今次都未買衫比小丸子,大頭妹都是31週的時候,已經有好多衫仔架啦﹗今次 都是打算比小丸子著大頭妹的舊衫,是初生的要買,因為之前已經比晒人﹗如果連 "溫暖牌" 都要執大頭妹的,好似太唔公平啦﹗而且上次織比大頭妹的新衫,大頭妹好好好鍾意 (媽咪好好好開心 * 10000)
ehhehe...因為今次太遲先開始,後幅同袖都唔會有花 (其實平時唔趕都冇架啦﹗懶吖嘛﹗)﹗
不過前面一定會好靚﹗我今次決定織 "波波" ﹗
因為織比初生,今次用 cotton﹗最後又買了粉紅色﹗
下次我一定要織其他顏色﹗其實今次都有考慮粉紫 (怕織出嚟好似好舊),又考慮過紫色 (又好似太大人feel),大家有冇咩好提議呢?﹗紅色?粉綠?黃?﹗heheheh...今次呢件都未織好,就諗下一件...我真係太心急啦﹗
沒有留言:
張貼留言