善良的大頭妹

有一件事關於大頭妹的，我一定要記低﹗

話說大頭妹的幼稚園要求做剪報 (每個weekend都要做)﹗老實講，要 K1的小朋友做剪報，即是要家長做？﹗最初我覺得好多餘，但都係要做架啦﹗都會搵一啲我覺得岩小朋友的新聞，我剪完之後，要大頭妹自己貼 (起碼有參與)，之後再講下比佢聽﹗

上個星期我剪咗一篇關於 "虐待" 小動物的新聞，之前被斬咗一隻後腳的貓貓 "麗麗" 已經好返，依家搵主人﹗我同大頭妹講完之後，見到大頭妹眼紅紅，其實我無預過佢會有呢個反應，搞到我一時都唔知點算好﹗

當我正想安慰佢的時候，佢就行開，然後四圍搵野，我就問佢搵咩啦？﹗佢話佢要幫貓貓搵返隻腳﹗要醫返好貓貓﹗作為媽媽一時之間覺得好感動﹗但同時都覺得，3歲小朋友都識愛護動物，點解一啲成年人會做出傷害小動物的行為，佢地成長的過程，到底出現咗咩野問題？﹗

經過今次之後，我同我自己講，以後要比心機做好 "剪報" 呢份功課，佢可以係單單大人剪報 "交差" 的一樣功課，亦可以係同小朋友好好溝通，教導小朋友的機會﹗

  

 

　傻傻的外表，內裡有著善良的心﹗

媽媽希望你一直保存住呢一顆善良的心﹗

 

將來大頭妹大個，如果有機會睇返呢個 blog，唔知會唔會覺得自己好傻呢？

不過媽媽就覺得你好乖啦﹗

乖囡，I love you﹗

 

 

服裝提供: Toyrus - Halloween