大頭妹第一次做MODEL﹗

上2-3個星期六，帶大頭妹到 "the mini way" 做小小模特兒，其實我未收到PR姐姐的相，下面啲相係我自己影架咋﹗PR姐姐本身話 2星期後有相比我，依家有少少擔心...唔通...大頭妹當日玩得開心得滯，啲相用唔到？﹗

當日影咗 6套衫，我影漏咗 1套，因為個套攝影師好快就成功影到心水，所以我就影唔切啦﹗可能係新環境，加 the mini way地方又大，除咗衫仲有好多玩具，大頭妹全程都 "唔合作"，不停跑來跑去...連 gummy bear都氹唔到佢企定定﹗

第一套衫，是媽媽我最最最鍾意的﹗應該會去買咗佢，不過最近都無落銅鑼灣，希望唔會已經無大頭妹的size啦﹗

件貓貓tee好可愛﹗入面條紗紗裙是一條背心底裙，下面是tutu，真係好靚呀﹗

就是呢架手推車...大頭妹推住不停跑﹗

越睇就越鍾意條套衫仔﹗


第2套是白兔仔tunic，個袖位好 3D，後面仲有隻大蝴蝶結﹗

大頭妹勁鍾意玩呢個玩具...玩到唔肯去換衫﹗


呢套都是比較快完成的，only影到件衫﹗

呢啲款係媽媽之前的最愛﹗

又去推車啦...我暈啦﹗


比汽球佢拎住，希望佢企定定啦﹗

都算成功的﹗


最後影返幅全家福﹗

走之行四圍影下間shop，真係好多好多靚衫架﹗價錢熟中高價位，大部份都是歐洲入口，幾適合special event，唔怕同其他小朋友撞衫嘛﹗

走啦﹗係門口影返張相先﹗

依家先擺晒post比我影...

之後去何洪記

炒牛河

叫阿旺同 IRONMAN影返幅相，不過佢唔肯﹗

試菜@九龍維景酒店《唐宮》

上星期二出席了寫blog生涯第一次的試食邀請，再一次多謝九龍維景酒店 METROPARK HOTEL的邀請，我同阿旺一齊出席，同場仲有玻璃珠城的BONNIE。

今次去試菜的是九龍維景酒店中菜 "唐宮" 的宮府菜，名字叫宮府菜，不過就唔是咩熊掌﹑猴子腦，而是用高級的食材，配上精緻的賣相的 FUSION中菜，而且價錢亦好 "親民"，一啲都唔 "宮府"，大部份的菜式都是百多元，份量亦好足，以酒店中菜來講，算是實惠﹗

太后玫瑰金槍魚 $128，我都是第一次食玫瑰花，賣相真是十分精緻，玫瑰花瓣盛著金槍魚沙律，下面仲有一塊脆餅，真是完全唔似中菜，有少少似西式酒店的COCKTAIL小食﹗

宮廷撈汁海螺片 $168，呢款好開胃，個宮廷汁是醋之類，食落有少少似我地平時食的涼拌海蜤，如果個螺片可以更脆身就好啦﹗

養生白梨胡桃 $98，圓形一片的是梨，上面白蛋的是羊奶芝士，尤於我是一個好怕 "羶" 的人，我的一份...比咗阿旺...

食完前菜就到湯啦﹗

我的松茸花膠燉竹絲雞 $168﹗個湯非常足料，好好味﹗塊花膠好厚身，岩晒我地女仕﹗

阿旺的皇家寶鼎 $168，其實濃雞湯底配上翅﹑鹿肉﹑鹿茸，是酒店的重點推介﹗不過因為我睇緊中醫，我怕我虛不受補，所以沒有揀，阿旺話好濃好正呢﹗

 

御府滿壇香 $168，這個我沒有試啦﹗聽同枱的食客說似 "彿跳牆" ﹗有鮑魚﹑魚翅﹑花膠，好足料呢﹗

汽鍋松草花響螺燉鷓鴣 $148，我試了一口，好香蟲草花的味道，我都想返屋企自己試下煲，不過屋企當然無汽鍋啦﹗

如意香煎帶子春雞 $158，單看賣相還以為是西餐﹗帶子煮得剛剛好，春雞亦十分嫰滑。

達官黃燒魚肚$128，滑滑的魚肚，配上濃濃的雞湯，好味道﹗

御膳豆醬燒鱸魚$238，呢個我覺得好正，因為我平時唔鍾意食魚的都覺得好好味﹗魚好滑，同個汁都好夾﹗

養生五彩素燴$108，食得咁多肉，都要食下菜，呢個有齊紅蘿蔔﹑白蘿蔔﹑西蘭花﹑髮菜﹑雪耳﹗

慈禧玫瑰雪花牛肉 $168，我同阿旺都是牛魔王，呢個燉牛真是好正﹗

因為用上雪花牛肉，入口即溶﹗


清湯獅子頭是普通餐牌的菜式，依家飲食講求健康，出現咗清燉的獅子頭，肉丸口感鬆軟，另有一番風味﹗

 

清宮棗泥小雞 $58

hehehe...有少少唔捨得食，真係好可愛﹗而且味道仲好好味﹗我相信唐宮的點心一定好出色﹗

滋補椰盅湯圓杏仁茶 $68，杏仁茶是我的至愛啦﹗仲要原個椰盅上，賣相加晒分﹗

阿旺...因為唔食得杏仁茶，佢話佢食完會頭暈，所以我幫佢點咗紅點沙湯圓呢﹗

飲完白酒再飲紅酒...飲到塊面紅晒﹗

阿旺話好易入口，BONNIE之前問咗，好似是大約 $250，以酒店中菜廳開一支酒來講真是好抵呢﹗

阿旺話佢比較喜歡個白酒﹗不過我 2款都無飲，而且我飲完都唔識評酒。