工人姐姐生日飯@Chin Chin Thai Cuisine

一年一度的工人姐姐生日飯，平時帶住大頭小丸好少會食泰國菜，佢地少少辣都食唔到，不過難得同工人姐姐慶祝生日，佢鍾意食泰國菜，上年都是食呢間，今年問佢想食咩，佢都是揀返呢間！

今次叫咗4-5人餐 $768，都幾抵食！頭盤有：有大蝦柚子沙律、牛油果軟殻蟹米紙卷、泰式炸物小食，主菜：咖哩軟殻蟹，海南雞，另外仲有冬陰公、菠蘿炒飯、馬拉盞通菜、椰汁西米糕，仲包4杯飲品！我地就另外再點咗蒜蓉包！

咖哩軟殻蟹，個汁唔辣，小丸子都有食到！

我其實麻麻地沙律菜。


牛油果軟殻蟹米紙卷。


每樣有少少都唔錯，小丸子鍾意炸蝦餅，我鐘意春卷。

海南雞，阿旺話味道一般，其實上次食時已經覺得一般，今次又唔記得，早知叫爐魚。


馬拉盞通菜，個餐太豐富，今次無人食菜！

菠蘿炒飯，我每次去食泰國菜都必點！


蒜蓉包，用來點咖哩一流！


餐的甜品椰汁西米糕。

Chin Chin Thai Cuisine (太古)

太古康山道1-2號康怡廣場北座3樓T1號舖