傻夫婦一家四口生活日誌: Tokyo Disneyland

顯示具有 Tokyo Disneyland 標籤的文章。顯示所有文章

2015年8月7日星期五

傻夫婦東京5天超級親子之旅 DAY 2下【東京迪士尼樂園】

2015年 7月17日 (星期五)

繼續我地的 DAY 2 東京迪士尼行程﹗要快手少少先得啦﹗好多野都開始唔記得了﹗

之前 plan去迪士尼，其實無諗過玩足全日，我 2個囡的戰鬥力，比我想像中強勁好多﹗玩足全日無瞓過晏覺﹗一直玩到黃昏，所以我地都食埋晚飯先出返市區﹗估唔到迪士尼的晚餐，會係我今次個 trip 之中，最有驚喜的一餐﹗價錢唔貴﹗食物質素好﹗真是好過好多香港的意大利餐廳﹗推介﹗推介﹗

3:30有巡遊﹗

睇完巡遊，我地又繼續玩，本來想玩小火車，但揾唔到個站。

見到有船坐，唔洗排隊又玩下﹗﹗﹗估唔到...架船咁靚﹗﹗﹗

小丸子要四圍跑，不願影相﹗

坐完船見有少少肚餓，就開始搵餐廳啦﹗其實我之前都有上網望過下﹗

見到一間是buffet餐廳都是 2880yen，小朋友仲只是 1030yen (4-6歲)，真是好有衝動想入去﹗日本對小朋友外出用餐，都真是幾 friendly﹗我地香港的 buffet，動輒過 $300，小朋友通常 3歲以上都要收費﹗ 阿旺入去行咗一個圈，話無咩野食，不過都還可以﹗咁我又唔想行咗全日都仲要行來行去攞野食﹗想搵野坐得好少少的食，所以最後就無食到 buffet啦﹗不過 buffet 餐廳，有似會有迪士尼朋友影相架﹗大家去到都可以考慮下﹗

之後...我竟然揀咗食意粉，一來想試下日本人整的意粉 (細個睇得天才小廚師多)，另外就是 2個囡都鍾意食意粉﹗

其實比起個 buffet，個buffet真是抵，今期夏日推介的意粉set都要 2570yen架﹗

小朋友的餐墊好得意﹗

小朋友set其實仲貴過食buffet﹗要 1320yen，不過其實都不用 $90﹗

大人仲有平時的 set，就是 2040yen，有麵包﹑頭盤/湯﹑意粉﹑甜品﹑飲品﹗唔要甜品，就1730yen﹗

我點的意大利雜菜湯﹗

阿旺的栗米湯﹗

嘩﹗睇下小丸子飲湯個樣，就知好味道啦﹗

點了肉醬意粉比阿旺﹗

我自己就點了 carbonara﹗

真是超級特級好味道﹗覺得自己有少少對唔住阿旺﹗所以最後同佢交換咗少少食﹗

大頭妹的兒童餐﹗

睇下小丸子個樣...真是好狼﹗

最後件 tiramisu 先不得了﹗好味都暈﹗但...因為太好味，所以比大頭妹食晒﹗﹗﹗

咁豐富的一餐，埋單先 $330﹗真是抵﹗

EASTSIDE CAFE:

http://info.tokyodisneyresort.jp/menu/restaurant/249415a0caee86cbf0943b4f4d7ee4e9.html

食完晚飯出到去又唔同晒﹗開晒燈啦﹗

呢時小丸子食飽飽就瞓咗﹗大頭妹同爸爸再去玩怪獸公司，我就最後 shopping啦﹗

買咗 set 親子裝﹗

又買咗件衫比大頭姨姨，同買多件情侶裝比自己，阿旺一入場就已經買咗件 minnie mouse啦﹗

買咗少少文具比大頭妹﹗

仲有餐盒﹗

仲有手巾仔﹗依家好後恢買得咁少﹗

hheheheh...下次再去，希望有機會住下東京迪士尼樂園酒店﹗玩晒 2個樂園﹗

東京迪士尼樂園: http://www.tokyodisneyresort.jp/top.html

今日影咗 500幾張相，係 blog 放唔晒﹗想睇晒啲相，就去 facebook page啦﹗
https://www.facebook.com/media/set/?set=a.902037149832231.1073741916.113329742036313&type=3

傻夫婦東京5天超級親子之旅 DAY 2上【東京迪士尼樂園】

http://athena-joe.blogspot.hk/2015/08/tokyo-5days-tokyo-disneyland.html

傻夫婦東京5天超級親子之旅 DAY 1下【燒肉放題風風亭】

http://athena-joe.blogspot.hk/2015/07/5-day-1.html

傻夫婦東京5天超級親子之旅 DAY 1中【高島屋/ 今半/ TOKYU HANDS】

http://athena-joe.blogspot.hk/2015/07/5-day-1-tokyu-hands.html

傻夫婦東京5天超級親子之旅 DAY 1上【VANILLA AIR廉航初體驗/ 成田TERMINAL 3/ HOTEL SUNROUTE PLAZA SHINJUKU】

http://athena-joe.blogspot.hk/2015/07/Tokyo-5days-vanilla-air-hotel-sunroute-plaza-shinjuku.html

2015年8月4日星期二

傻夫婦東京5天超級親子之旅 DAY 2上【東京迪士尼樂園】

今次東京之旅的主角當然就是【東京迪士尼樂園】啦﹗今次揀東京唔揀大阪，都是因為想帶 2個囡去東京迪士尼樂園﹗

首先先講下門票，我地係香港旅行社【東瀛遊】買的，買完 3個工作天就可以上去旅行社拎門票，又或者比多 $20 courier 去屋企/ office，都算好方便﹗咁去到迪士尼，就可以直接入，唔洗係門口排隊啦﹗

再講下交通﹗其實由新宿去迪士尼，主要有 2個途徑。
巴士: 坐 JR山手線/ 都營大江戶線到代代木站(東口)，轉巴士直達迪士尼。以我地酒店的位置，應該是可以行到去代代木站，我估10分鐘以內﹗
http://info.tokyodisneyresort.jp/access/bus/shinjuku.html

鐵路: 先坐JR中央線快速去東京站 (14分鐘)，轉JR京葉線去舞濱站 (11分鐘)，再轉迪士尼線﹗車程其實唔長，不過站與站之間，其實都有少少距離，所以前後都要成個鐘 (以我地帶住 2個小朋友計)
http://www.tokyodisneyresort.jp/access/train/index.html

最後我地選擇去程坐巴士，回程坐鐵路，其實 2樣都方便，時間好似差不多﹗坐鐵路就唔一定有位坐，中間轉車又要行﹗坐巴士應該會舒服啲，不過就要睇時間做人啦﹗不過要留意一點，早上坐山手線，絕對是超級特級多人﹗﹗﹗我地就試下﹗嚇到大頭妹目定口呆﹗阿旺話是好好的體驗﹗當感受下日本人返工﹗實情是我無睇清楚可以坐都營大江戶線，雖然唔知會唔會少啲人，應該都會，重點是個站就係我地酒店的旁邊﹗﹗﹗

等車的時間，大頭妹又來小孔雀﹗

都唔算多人，是雙層巴士，大約個零鐘車程就到﹗都幾方便，而且沿途可以睇下風景都唔錯﹗會經過東京鐵塔﹑台場之類﹗

係日本坐交通工貝，6歲以下 (不佔坐位) 是免費的﹗

阿旺上車前去車站附近買定三文治上車食﹗

唔知點解去到日本，真是連一份便利店的三文治都好食啲﹗睇下小丸子個咀仔就知﹗

去到落微微雨，其實出發的時候都知道，不過我地行程得 5日，第1﹑5日去唔到，第3﹑4日是星期六﹑日怕會太多人，所以只有今日可以去﹗

有小朋友的可以租BB車﹗700YEN﹗是租金，不是按金，無得退架﹗我地預咗玩成日，怕佢地會一齊瞓晏覺，所以都有租多一架 bb車，咁2個都有得坐，唔坐又可以放下袋/ 戰利品﹗

因為落雨，所以行下街先﹗

東京迪士尼樂園的精品店係一個好 "邪惡" 的地方﹗就連阿旺都第1個買咗件衫﹗﹗
我就最愛日式家品，同手巾仔，不過家品就無為搬返香港，所以我都只是買咗少少手巾仔﹗另外就買咗家庭裝 (不過好似香港都有，最近無入迪士尼，唔知行程)﹗

小丸子好鍾意玩車﹗

嘩﹗是食物盒﹗好彩 2個囡未升小學﹗唔係我一定買好多﹗依家買咗 1個﹗
大頭妹竟然要 Minnie，唔要 Frozen﹗都話其實係我先係 Frozen fans啦﹗

我有買呢set﹗好靚﹗

行咗一陣停咗雨﹗行出去廣場有 "夏祭巡遊"，又玩水﹗﹗﹗唔怪之得停雨都咁多人買雨褸啦﹗

今日真是算好好彩，11:00幾12:00時真是好大雨﹗我地入咗小小世界避雨﹗12:00之後就停雨，之後仲好好天﹗

東京迪士尼樂園的城堡可以入去參觀，有好多 Cinderella野睇﹗仲有 "皇冠" 賣﹗不過都幾貴下﹗我話可以入城堡，大頭妹仲問我係唔係講笑﹗(香港個城堡無得入去架嘛)

哈哈...其實我都好想買返個﹗

之後見到真的鴨媽媽帶住一班鴨仔，真是好可愛，小丸子即刻追上去睇﹗

之後就食 lunch，搵間平平地食快餐，又有冷氣的坐﹗
不過去到日本，真是好似食咩都好味啲﹗呢餐都好好味﹗

Mickey Mouse頭炸雞﹗大頭妹都食咗 2粒﹗

因為之前玩 "賽車" 時，小丸子話見到 "高飛" 間屋，我地走去睇下啦﹗原來是 "影相" area﹗佢地自己一人有一間屋架，如果唔係排好長，排到入屋會有冷氣，可以一邊排一邊嘆冷氣﹗

我地去搵 Mickey Mouse﹗
我地都有買到張相，佢會比返張飛你，可以去返大門個邊的 Kodak店買相﹗好似 around 1500yen張﹗