3日2夜澳門銀河之旅 - DAY 2 (上)

 

第2朝一早就去 "群芳" 食自助早餐，以早餐來講有好多選擇，真是中﹑西﹑日﹑印度都有﹗阿旺話睇到花多眼亂，行來行去都未揀到想食咩，樣樣都想食﹗我話帶住小朋友最緊要快﹗同埋第一件事要攞咗野食比大頭妹先，佢有得食坐定定，我地先有得食嘛﹗


食早餐無小丸子份﹗

係我放產假期間，我已經訓練咗大頭妹要自己食，佢依家識用匙自己食啦﹗最鍾意食粟米片﹗

日式區有: 麵豉湯﹑冷麵﹑飯團﹑蒸水蛋

西式冷盤: CHEESE, COLD CUT

生果

麵包

印度食物區

西式熟食區

中式粥

中式熱食

麵類

我的早餐﹗當然唔只食一碟啦﹗


流心蛋

呢份是大頭妹的 (煙三文魚是我的)。

食完早餐就去童樂島啦﹗童樂島分2面，一面是比較細的小朋友玩的，另一面是電子遊戲機中心，比8歲以上的小朋友的，$68/ 2小時 (包1成人+1小朋友)﹗阿旺入咗去電子遊戲機中心，佢話原來打機都係免費的 (入場費包埋)，所以個 $68好抵...仲自己打咗一鋪﹗

大頭妹一入去就好興奮呢﹗自己一支箭跑入去﹗


仲有玩具同書架﹗

地方好大﹗

小朋友都係最鍾意sir滑梯﹗

仲有適合小朋友玩的機動遊戲﹗

最能令小朋友興奮的波波池﹗

竟然有屋企個廚房...我唔比大頭妹玩...佢係都要玩﹗


係囉﹗有咁多玩具，玩啲屋企冇架啦﹗

成個童樂島，得呢個遊戲要額外比錢﹗

呢啲全部都包的﹗

仲可以上網﹗

之後就出發去食lunch啦﹗


大鑽石﹗

LUNCH的地點是和庭餐廳，餐廳的環境好靚呢﹗

自助餐竟然有MOVENPICK雪糕...好好味﹗朱古力味最好味﹗

三文魚好新鮮﹗

仲有香檳飲，不過我地要照顧小朋友無得飲啦﹗

大頭妹鍾意食炒飯，次次食炒飯都肯自己食﹗

有長腳蟹食﹗


呢間餐廳的特色是除咗自助餐部份，仲一人有一碟主菜﹗個芝士龍蝦好好味﹗ 

MOVENPICK雪糕...我食咗2杯﹗YEAH﹗

3日2夜澳門銀河之旅 - DAY 1

再 次多謝GALAXY MACAU的邀請﹗其實最初我以為去唔到架啦，因為要星期五一早出發，但我星期五先岩岩第一日產後返工，大假都用晒﹗好彩PR特別安排我地晚上先出發﹗好 開心好開心﹗第一次一家4口去旅行，而且自從小丸子出咗世之後，我地成日都覺得冷落咗大頭妹，已經好想同佢去下旅行﹗今次呢個TRIP就真是 PERFECT啦﹗星期五放工就趕返屋企接大頭妹同小丸子，拎齊行李就出發啦﹗坐的士去碼頭，最後都要坐 8:45PM的船，去到澳門都已經 9:45PM，去到酒店大約10:30PM﹗

阿旺成日話呢個是 "勇敢之旅" (2 個大人帶2個小朋友去旅行)，其實去完又覺得好好喎，留係酒店已經夠玩3日2夜﹗有好多岩小朋友岩玩的設施，好似童樂島同天浪淘園﹗另外酒店的BB用品真 係好齊全﹗BB床就一定有啦﹗仲有BB浴盆﹑POTTY﹑奶瓶消毒器，同暖食物器都有﹗ 而且可能因為是賭場的關係，商場的店舖都好夜收，岩晒幾時都鍾意 行街SHOPPING的我﹗

上船食少少野先﹗

小丸子好乖，瞓足全程船+車﹗去到酒店先起身﹗

大頭妹都一樣﹗上船食少少野之後，就一直瞓﹗到差唔多到酒店先起身﹗


入到酒店房，大頭妹好開心﹗四圍行下﹗

KING SIZE BED，其實酒店比2個大人同2小朋友入住的，住DOUBLE BED的房會舒服啲﹗不過我地鍾意一家一齊瞓先REQUEST KING SIZE BED﹗

大頭妹見到個浴室好好奇﹗係透明玻璃，可能望晒入去架﹗當然都有簾，可能落簾啦﹗


即刻走入去﹗嘩﹗咩事？﹗邊個教你擺啲咁嘅POST？﹗

雪櫃的飲品是免費的﹗

仲有我最鍾意的茶﹗

酒店的PR好細心，一早已經幫我地安排好BB的用品﹗(住客request就有架啦﹗)

仲有BB床﹗

酒店的bb用品真是好齊全，連STEAMER都有﹗問你服未？﹗

SETTLE DOWN之後...我同阿旺心思思落咗去FOOD COURT﹗落到去...竟然見到榮式雞扒﹗PEPPER LUNCH﹗元朗學記﹗阿旺話一定要影底佢﹗酒店的FOOD COURT都OK大，價錢仲好REASONABLE﹗

最後阿旺ORDER咗串燒，$32/2串，佢話好好味﹗一串是羊，一串是牛舌...我都唔食的﹗


拎返上房食﹗

小丸子好鍾意床仔的公仔...不過最終都是上大床同我地一齊瞓﹗


原本想早少少瞓，留返啲精力第2日玩，只是打算落 FOOD COURT買完野食就返上房﹗不過原來酒店的店舖同FOOD COURT都成 12:00PM先收...玩下玩下又成11:00PM幾先返上房﹗食完沖完涼都成 12:00PM幾 1:00AM啦﹗

其實第一日仲有荒失失奇兵3 夏日嘉年華的開幕禮，我地夜晚見去JOIN唔到，我地最後一日都有去玩﹗由7月13日到 8月3日，每日下午1 時 -  晚上8 時，係澳門銀河的東翼廣場都有表演和遊戲﹗

只要入住Galaxy Macau、大倉酒店或 Banyan Tree，或者係Galaxy Macau 任何商店或餐廳一次過消費滿$200 元，又或者即日係UA 銀河影院購買 2 張戲票，就可以參加遊藝活動同攤位遊戲。

阿旺同大頭妹都有去玩﹗EHEHEH...贏咗個氣球﹗


之後大頭妹仲同荒失失奇兵入面的企鵝同阿力影相﹗

EHEHEH...行程太豐富，分開2篇BLOG寫，記得留意我地的DAY 2﹗

30歲時的3個願望

唔知呢度有幾多人睇咗我個BLOG超過3年呢？﹗我30歲生日的時候，出了一篇BLOG講我的生日願望，當時話想要自己的小朋友，同35歲前創業﹗HEHE...其實當時我的願望是30歲前有第一個小朋友，32歲有第2個小朋友 (不過無寫出嚟...唔好比自己咁大壓力嘛﹗)﹗HEHEH...竟然實現晒﹗早之話想中六合彩頭獎啦﹗﹗﹗

剩返最後一個願望未實現，就是做老闆娘啦﹗其實我地呢啲打OFFICE工，有穩定返工放工時間，穩定收入的，一開始要創業真是有啲難度，最重要是根本無經驗﹗不過為咗早日成為 FTM ﹗我決定行出第一步﹗由簡單而我又熟的ONLINE SHOP開始啦﹗

其 實PLAN咗好耐架啦﹗之前未有小丸子就已經計畫，想去日本/韓國入貨，賣女/ 男/ 童裝﹗不過轉個頭就有咗小丸子...點飛？﹗之後阿旺有個朋友係美國，我地就決定首先係美國入童裝返來賣﹗HEHEH...暫時入得好少貸，小小地試下， 所以大部份的衫都只是大約大頭妹的SIZE...HEHEH...諗住賣唔去就比大頭妹同小丸子著﹗我留得比我2個寶貝，當然都是我精挑細選架啦﹗大家唔 買都睇下啦﹗比下意見我都好歡迎架﹗




PLAN咗咁耐，點解今次下定決心呢？﹗

主 要原因是我係澳門的時候一諗起，我要返工，新工人姐姐未到，我要放2個寶貝去奶奶度湊1個星期...我真係好想好想做一份自己可以控制到時間的工作﹗可能 收入會少咗 (尤其是一開始的時間)﹗但小朋友的成長都好重要，而且好快。我成日會諗一個小朋友會想媽咪成日都同佢一齊的時間有幾長，我放產假的呢段時間，每日自己湊 大頭妹，佢真是我離開佢視線範圍超過5-10分鐘就會叫我/ 自己搵我﹗呢種感覺真是好窩心 (雖然有時好煩，例如小丸子都喊緊的時候)﹗所以一返香港，我都同阿旺講咗，如果最後工人姐姐 "無出現" (唔知點解最初話7月頭，之後又話最遲7月10日，之後...到今日都未到，總之不停推遲)，我就會辭職唔做，返屋企做 FTM，咁大頭妹入學之後，我就開始搞我的網上童裝生意﹗

另外，今次我放產假，我老闆請咗個PART TIME﹗是老闆囡囡的朋友﹗問題是...我產後復工，佢仍然在OFFICE？﹗仲坐咗我原本的位置。老闆叫佢比返個位我2次，佢都堅持唔搬﹗之後仲同我 講，唔係要同我爭位(工作)﹗我都好老實咁答佢 "事實上老闆根本就唔需要2個秘書，要2揀1是遲早的問題，佢唔講我地就做住先啦﹗"，佢冇答我返返埋位坐﹗雖然我唔認為我老闆最後一定會炒我，不過我都 要早少少為自己打算。雖然我覺得我需要份工多過佢，不過似乎佢想要份工多過我 最搞笑是我問佢我用開的SCHEDULE BOOK係邊，佢話佢用咗，我問佢介唔介意比返我，佢竟然叫我自己買本新的﹗之後仲話撕返前面我用咗的比返我﹗本來想寫一篇BLOG講下﹗不過我都是想係 呢個BLOG記開心事多啲﹗今次順便.呻一呻啦﹗

我覺得我係時候開始做返啲我想做的事，開BOUTIQUE是我細個的夢想嚟架 (當時名都諗好，叫 A&J COLLECTIONS，我的BEST FRIED叫JESSIE，HEHEHE...其實依家都岩用，ATHENA & JOE 同 ALICE & JANICE 都是 A&J)﹗鋪租太貴啦﹗希望由ONLINE SHOP做起，做到有一日養得起我，重養得起間鋪啦﹗講真架﹗大家真係唔買都去睇下，比下意見我啦﹗


係澳門的時候，幫小丸子影咗啲靚相﹗

笑得好開心﹗

手瓜起睷，食野唔洗比錢﹗HEHEEH...食媽媽奶真是唔洗比錢架﹗

唔洗較WHITE BALANCE...都係影黑白算數﹗

可愛的說

 

對住個咁可愛的bb...點捨得返工吖﹗

Oxford Path Bloggers專享遊戲小組體驗日

HEHE...多謝OXFORD PATH的PR再次邀請我地去佢地的活動，今次是去體驗佢地的新設的PLAYGROUP﹗上一次的活動就是聽前港督 "肥彭" 講故事 (重溫: OXFORD PATH活動 - 聽彭定康講故事)，再上一次就是佢地推出教材的時候 (重溫: OXFORD PATH 牛津幼兒英語)，今次的活動相對動態啲，而且可能大頭妹大個囡啦，所以玩得好開心﹗

第 一次活動之後，OXFORD PATH送咗一套 TRIAL VERSION的教材比我地，大頭妹返到屋企有好比心機用架﹗其中佢最鍾意CHANT & SING ALONG 1，入面有好多兒歌 E.G. ABC SONG, HEAD & SHOULDER, ETC。我地大人都可以睇住啲歌詞教返小朋友唱，又或者用支聰明筆點落去，會自己唱，大頭妹一玩就可以玩半個鐘﹗

講返個 PLAYGROUP先，我問咗阿旺 (我要照顧小丸子，所以無去)，先講地方，地方好舒適，而且好新 (新開嘛)﹗內容方面，一開始就是唱歌跳舞，再之後就玩遊戲，最後就是填色﹗有動又有静﹗今次活動的導師是張子暉小姐，佢地牛津大學出版社英語教學顧問， 兼資深英語教師﹗我相信OXFORD PATH的PLAYGROUP導師的質素一定有保証﹗

一去到大頭妹就自己行出去，好留心咁聽導師講解。之後開始一齊唱歌跳舞， 佢最鍾意跳舞，所以好開心﹗啲舞步係要跟導師嘅指令去做﹗



一輪歌舞之後導師就比有顏色嘅波小朋友，要回答波波係咩顏色。



講完顏色之後就做同顏色有關嘅嘢，就係畫畫喇，又是大頭妹至愛﹗



佢好比心機油架﹗



左右手都得!



中間嗰個又紅又綠，唔通係西瓜?



同大頭妹好鍾意嘅Cheeky影相。



你地估下張枱上面咁多樣嘢，大頭妹會揀邊樣嘢玩呢?



答案係睇書﹗



走之前仲聊Cheeky跳舞﹗

如果大家有興趣睇多啲產品的資料，可以去佢地的 WEBSITE睇下架﹗
OFFICIAL WEBSITE: www.oxfordpath.com
FACEBOOK PAGE: http://www.facebook.com/oxfordpath