3日2夜澳門銀河之旅 - DAY 3

去到行程的最後一日啦﹗只有一個節目，就是到百樂潮州酒樓食潮州菜啦﹗飲完早荼就返房間收拾再CHECK OUT啦﹗我地訂了6:30的船，所以CHECK OUT之後再放低行李係酒店出去玩一陣，其實都是去官也街食莫義記﹗我好掛住佢地的榴槤雪糕呢﹗

女孩子真的不論年齡都喜歡鞋子嗎？﹗佢地睇梗大家對鞋﹗

3個年紀差不多的小朋友，大頭妹是3個之中最大的，不過講起先知，原來佢大CHING CHING 1日咋﹗


百樂潮州酒家的點心好有水準﹗﹗﹗

水晶綠豆果，個皮做得好好﹗料當然都靚啦﹗

點解係香港無食過嘅？﹗

潮州粉果

蝦餃

芝士蝦春卷，大頭妹自己食咗1條﹗

炸雲吞

灌湯餃好味﹗

有鮮蟹肉﹗正正﹗


炒米粉，岩大頭妹食﹗

潮州弼

鵝片...因為最後先上，大家都食唔落啦﹗不過...我仲係不停食...HEHEHEHEH

炒芥藍菜，炒得好好味﹗


水晶包

EHHEEH..唯一一幅見晒樣的全家幅，小丸子好經常只是露出個頭頂﹗

大頭妹太瘦啦﹗細CHING CHING一個碼﹗


佢唔知做咩好熱情﹗

仲攬住CHING CHING唔放﹗

走啦﹗我地會再嚟架﹗

之後我地出發去官也街啦﹗澳門銀河係有FREE SHUTTLE BUS去的，而且班次好密﹗大家千祈唔好好似我同阿旺咁行過去，雖然好近，不過天氣好熱..大家睇下大頭妹就明架啦﹗

大頭妹果然係唔食榴槤，無論新鮮/ 雪糕...都唔食﹗

唔係榴槤雪糕，食大菜糕囉﹗

返去酒店先記得有SHUTTLE BUS，仲要5分鐘內就一班車...


3曰2夜的澳門銀河之旅完滿結束啦﹗好多謝阿旺陪我 "癲" ，佢之前成日話2大2小去旅行是MISSION IMPOSSIBLE，不過都陪我做﹗多謝你，老公﹗

3日2夜澳門銀河之旅 - DAY 2 (下)

又 繼續我地一家四口的澳門銀河3日2夜之旅啦﹗第2日的下午，食完LUNCH BUFFET之後到DINNER BUFFET之前，就是自由時間啦﹗我大頭妹同小丸子在房間休息，精力旺盛的阿旺自己去天浪淘園游水﹗其實本身想帶埋大頭妹去架﹗不過佢已經玩得太攰，一 定要瞓，阿旺話佢游一轉再上嚟接大頭妹去游水﹗點知大頭妹一瞓就由 3:00瞓到 5:00﹗好彩都仲夠時間游一陣再食自助晚餐﹗

HEHHEH...唔好以為係酒店提供的PR相，是阿旺用IPHONE影的﹗因為天氣好好，用IPHONE影都好靚﹗

天浪淘園

天浪淘園有人工沙灘，我本身以為佢只是同大頭妹去玩下沙，原來酒店有救生衣提供比小朋友，佢帶咗大頭妹去好深水的地方游水玩人工浪﹗



游完水上酒店房沖涼，就出發去群芳食自助晚餐啦﹗

乳鴒，阿旺一個人食晒呢一碟﹗因為我記得乳鴒湯是會 "回奶" 的，唔知"燒乳鴒"會唔會，所以無食﹗

有兒童餐具﹗加分﹗


佢地仲有一個兒童BUFFET SECTION，放晒小朋友鍾意的食物，咁岩又真係大頭妹最鍾意的...腸仔﹑粟米﹑壽司﹗

鮑魚佛跳牆，我飲咗2碗﹗好正﹗


花甲好好味﹗

當然唔少得刺身啦﹗

餐廳仲比我地試佢地8月份的新菜- 馬來西亞美食﹗

串燒好好味﹗因為個沙嗲汁好得﹗

CUP CAKE TREE

好多唔同口味的雪糕﹗

有法國同澳洲蠔﹗

阿旺聽完個主廚講要用手食個沙律，佢又真係去試﹗

之後...我問佢點食...佢話個主廚無講喎﹗


係成枱人面前表演用手食沙律﹗

佢話好好味﹗

 

食完自助晚餐之後，我同小丸子又返上房休息啦﹗阿旺同大頭妹就去咗睇 3D冰河世紀4﹗大頭妹返嚟仲識同我講有 "ELEPHANT，鍾意呀﹗"


之後...成12:00幾，我口痕問有冇消夜食，阿旺睇酒店本MAGAZINE介紹一間糖水鋪開到 3:00AM，佢真係走咗去買﹗佢買咗雪糕楊枝金露同椰汁燉奶，兩款甜品都好好味﹗最仲要是唔貴，好似都是30幾40蚊﹗

雪糕楊枝金露

椰汁燉奶

HEHHEHE...3日2夜的旅程又到尾聲啦﹗聽日食埋早餐就走啦﹗

 

大頭妹的戒片血淚史

大頭妹的戒片血淚史

2012年7月20日上午8:00公開累積瀏覽 8401

 

想出呢篇BLOG好耐，不過一直想等大頭妹成功戒片先出﹗EHHEEH...諗住可以分享一下成功心得﹗咁大頭妹成功戒咗片未？﹗NONONO啦﹗仲好多時會失手，尤其是比佢著住片片的時候，10次8次都唔出聲，唔著片片就好少少，10次得2次唔出聲啫﹗

其 實幫大頭妹戒片都有一個月，為咗幫佢戒片，我真係軟的硬的都試過﹗起初第一個星期，我用軟功，真係洗褲洗到我手軟，一個早上就已經瀨濕4條褲﹗每15分鐘 問佢一次要唔要去廁所，30分鐘比佢坐一次鴨仔。次次同佢講 "WEWE要叫媽媽呀﹗"，佢都好順口咁答我 "知道" ﹗如事者一半一半成功啦﹗

第2個星期，我用硬啦﹗仲衰﹗﹗﹗嚇到佢唔敢痾﹗可以一個早上到 2:00都唔痾﹗事原是有朋友建議比佢坐POTTY坐到有先可以起身，我又試下啦﹗之後大頭妹一邊坐一邊食手指，我叫佢唔好食啦﹗佢就大喊﹗個次真是喊咗差不多20分鐘，我都無理佢呀 (因為當時小丸子都喊梗，但我越唔理佢，佢就越喊)﹗陰公﹗佢喊喊下...竟然自己話 "我好慘呀﹗好陰公呀"，我當時真是唔知好嬲定好笑 (我是笑咗出嚟嘅，不過又覺得佢真是好慘)﹗佢好少會講呢啲野﹗原來佢知咩係 "慘" 咩？﹗因為由細到大，大頭妹都好少喊架﹗我印象中我冇比佢喊多過 10分鍾﹗所以今次之後我就冇再用硬啦﹗仲好內疚﹗其實次次罰完大頭妹，我都會好內疚，其實通常都只是我控制唔到自己的情緒，或者無去體諒小朋友，有時佢真是唔是想作對/ 故意的，小朋友學習都要時間，大人就會覺得點解咁簡單都做唔到。我成日都話 "唔乖的是媽媽，大頭妹好乖﹗"。
之後第3個星期，我用獎勵的形式， 如果成功係POTTY辦大小事呢，就有糖糖食﹗可能已經經過上2星期的訓練啦﹗今個星期又真係好咗好多﹗HEHEH...定係啲糖有效呢？﹗可能再加上我 自己都適應無工人的日子，加點樣同大頭妹相處，終於...雖然都未成功晒，不過佢已經大部份時間識自己叫我，同埋一坐落POTTY，就會成功啦﹗


睇下﹗我成功咗啦﹗

唔係唔係...仲有...要用啲力先﹗


媽咪，你唔係諗對放上 BLOG嘛？﹗(HEHEHE...是呀﹗)


自己檢查一下先﹗

好野﹗成功係POTTY POO POO，媽咪獎我食雪糕﹗

雪糕好味﹗



湊咗大頭妹呢幾個星期，岩岩先適應做FTM，又要返工啦﹗我個人一向無耐性，我一直覺得我自己無可能做FTM的，不過經過今次，我發現原來我都可以做FTM的﹗多謝你呀﹗大頭妹，你教識咗媽媽好多野﹗