大頭妹 X TOONSLAND 最終回﹗

再次多謝TOONSLAND的PR送衫仔比大頭妹﹗
今次阿旺爸爸主要揀了T-SHIRT，
因為上次著過，覺得好舒服﹗

攞返部大機出嚟影下相﹗
其實是阿旺先講得出大機同細機同手機是無分別囉﹗
如果有手機/ 細機...呢啲相矇晒啦﹗

最近大頭妹鍾意芝麻街，佢鍾意 ELMO﹗

嘩﹗MONSTER 出沒﹗



係屋企開大排檔﹗

WINNIE THE POOH佢都好鍾6意﹗

紅色好SHARP，最重要是我洗過一次啦﹗無甩色﹗VERY GOOD﹗



仲有呢件風褸﹗香港的商場咁凍，佢薄薄地可以摺到好細帶出街岩岩好﹗

哈哈﹗妹妹都分到2 件夾衣﹗長袖長褲的，開咗冷氣就岩岩好﹗

呀﹗呢啲唔係TOONSLAND，是親戚同朋友送比小丸子的﹗
岩岩先話同小丸子減肥，佢最近又肥咗﹗
下面 70碼的衫...都唔知著過有冇 2-3次...已經開始唔岩著﹗

上次著呢套的時候，比我媽咪話我 "虐嬰"，COOL實小丸子個肚...
70碼嚟架﹗大頭妹1歲都仲著到 70碼架﹗
所以我之前唔明啲人話唔好買咁多衫比BB﹗今次我明啦﹗

好可愛的士多啤梨PATTERN﹗



呢件一件頭好少少﹗仲岩著﹗

呢件又係著過 2次咋﹗

TOONSLAND9月份的小代言人大招募開始咗啦﹗大家快啲參加啦﹗
TOONSLAND FACEBOOK PAGE: https://www.facebook.com/toonslandhk

LAGOSTINA高速煲食譜

鮮蝦濃湯 (Prawn Bisque)

材料 (6人份量):

600克 原隻鮮蝦/ 1根 甘筍, 切粒/ 1個 洋葱, 切粒/ 2根 西芹, 切粒/ 2瓣 蒜頭/ 1湯匙 番茄膏/ 50毫升 苦艾酒/ 100毫升 白蘭地/ 100毫升 淡忌廉, 打起

香草:

1湯匙 黑胡椒粒/ 1茶匙 乾百里香/ 4片 月桂葉

做法:

1.     鮮蝦洗淨隔乾水，放入攝氏200度烤箱焗至乾身及香氣撲鼻，取出待用。

2.     Lagostina壓力煲內燒熱2湯匙橄欖油，炒香蔬菜，拌入番茄醬炒至乾身。 蝦放入煲內，灒酒，中火煮1分鐘。

3.     加入香草及足夠水份蓋過所有材料，鎖上蓋，中火煮30分鐘，自壓力指示器升起計。

4.     開蓋後熄火，待涼後放入攪拌機內攪至幼滑；隔渣，放回煲內。

鮮蝦濃湯煮滾，適量鹽及黑胡椒調味。 上碗後放上打起忌廉，趁熱食用。

蘑菇忌廉汁意粉

材料 (4人份量):

240克 尖頭通粉

蘑菇忌廉汁:

1粒 乾葱, 切碎/ 200克 雞髀菇, 切片/ 100克 白菌, 切片/ 2瓣 蒜頭, 剁碎/ 20克 乾牛肝菌, 用150毫升水浸泡/ 半茶匙 乾百里香/ 2湯匙 marsala酒/ 半茶匙 雞粉/ 200毫升 淡忌廉/ 4片 油浸番茄乾, 切粗粒/ 1湯匙 切碎意大利番茜

 做法:

1.     Lagostina壓力煲內燒熱2湯匙橄欖油，小火爆香乾葱。加入雞髀菇及白菌用中火同炒至微黃，拌入蒜茸。 加入牛肝菌及灒酒，煮至差不多乾透。

2.     加入牛肝菌水及雞粉，鎖上蓋後用中火煮10分鐘，自壓力指示器升起計。

3.     打開蓋，拌入尖頭通粉，留意要有足夠水份蓋過所有材料。鎖上蓋後自壓力指示器升起計5分鐘。

4.     打開蓋，把通粉拌勻，再留意是否有需要加入更多水。鎖上蓋後自壓力指示器升起再計5分鐘。

開蓋後加入淡忌廉及太陽番茄乾，調味及拌入番茜碎。 趁熱立即進食，可伴以帕爾馬芝士碎。

意式獵人燴雞 Chicken Cacciatore

材料 (4人份量)

4隻 雞全髀/ 3湯匙 麵粉, 撲粉用/ 8粒 白菌, 切片/ 鹽、胡椒粉 調味/ 1隻 洋葱, 切片/ 200克 甘筍, 切片/ 2瓣 蒜頭, 剁茸/ 50毫升 些利酒 (sherry wine)/ 400克 罐頭意大利番茄/ 1根 新鮮迷迭香, 切碎/ 10粒 去核黑橄欖, 切片/ 適量喼汁及雞粉調味

做法:

1.     每隻雞髀一開二，適量鹽及黑胡椒調味，放一旁待醃15分鐘。

2.     Lagostina壓力煲內燒熱2湯匙橄欖油。 雞塊撲粉後煎至外表金黃，取出。

3.     同一煲內燒熱1湯匙橄欖油，加入白菌片炒至微黃，加入洋葱炒軟。 加入甘筍片炒軟。 拌入蒜茸。

4.     雞塊放回煲內，灒些利酒，煮至差不多乾透。

5.     拌入迷迭香及番茄，加入足夠水份蓋過所有材料，加入一茶匙雞粉調味。

6.     鎖上煲蓋，用中火把雞塊炆焾，由壓力指示器升起計25分鐘。

小心開蓋，拌入黑橄欖。 適量鹽、黑胡椒、糖及喼汁調味。趁熱與薯茸伴食。



註: 食譜版權 - 煤氣烹飪中心 (今次問咗公關方面話可以POST食譜)

小丸子試用 ABCDerma

v0003a* {} o0003a* {} w0003a* {} .shape {} -->

早前收到 BIODERMA PR的試用邀請，但並不是邀請我試喎﹗而是邀請小丸子﹗
原來BIODERMA 最新推出 BB護膚品品牌 - ABCDerm。
HEHEHEHE...所以話扮靚是女人的 "終身職業" 是沒有錯的，
小丸子由 4個月開始已經要減肥，依家仲有得試用護膚品﹗
佢可能是年紀最細的 BEAUTY BLOGGER﹗


比BB用的護膚品當然要小心選擇啦﹗
咁ABCDerm是BIODERMA的出品我都好放心，仲要是法國製造﹗
不過大家都見到我上次BB展的時候買了很多沐浴露﹑洗頭水﹑BODY LOTION，
全部岩岩新開，所以我今次只是試了其中一款產品﹗

嬰兒潔膚水 1L

都講少少產品特點:
-獨有Micelle潔膚配方，適用於面部、手部、 眼部、屁股及皮膚之間的摺位
-每天於更換尿片後使用，可保護皮膚表面的皮脂膜，防止細菌入侵及水份流失
-含尿囊素使寶寶肌膚柔軟，濕潤不油膩
-通過皮膚及眼科醫學測試，不含皂性， 酒精及苯甲酸酯 (paraben)

我就是用佢來抹小丸子的米芝連摺位啦﹗

小丸子的米芝連摺位，真是一個 “無底深潭”，

有時沖涼之後一不小心，沒有好好抹乾，好快就會紅得一達達，

加上小丸子又大汗，頸仔成日都有少少紅。

用佢來抹覺得好乾淨 (心理上覺得佢好似BIODERMA的卸妝水)，

佢又有少少保濕的作用，熱天用的話，抹完可以唔洗再搽CREAM，

有少少似我地搽完爽膚水的感覺﹗

嬰兒礦物防曬霜 SPF50+  50g

產後修身緊緻霜 200ml (哈﹗原來都有我地媽媽用的產品，等我都試下先﹗)

嬰兒換片護理霜 75ml

嬰兒洗髮沐浴啫喱 200ml

嬰兒保濕潤膚乳 200ml

嬰兒唇邊修復霜 40ml

已經比大頭妹據為己有，最近大頭妹都唔比小丸子玩佢的玩具﹗鳴鳴鳴﹗

ABCDerm仲有 嬰兒禮籃送遞服務。

購買嬰兒禮籃套裝或自選嬰兒產品滿 $400 或 $900 (折實價)，

可免費送籃到香港所有醫院 。

ABCDerm 小寶寶禮物籃 $428
嬰兒潔膚水 100ml
嬰兒洗髮沐浴啫喱 200ml
嬰兒保濕潤膚乳 200ml
嬰兒換片護理霜 75ml
小禮物
心意咭
禮物籃

ABCDerm 小天使禮物籃 $970
嬰兒潔膚水 1L
嬰兒洗髮沐浴啫喱 200ml
嬰兒保濕潤膚乳 200ml
嬰兒礦物防曬霜 SPF50+  50g
嬰兒換片護理霜 75ml
產後修身緊緻霜 200ml
小禮物
心意咭
禮物籃

我收到的是小天使禮品籃啦﹗

收到的時候就是這個樣子 (外而有透明膠包裹的)﹗

有興趣的朋友，可以到BIODERMA的網址看看:  http://www.bioderma.com.hk/abcderm/index.php



大家LIKE咗我地個PAGE未呀？

馬騮爸爸

話說我之前從日本訂了fumofumosan公仔，佢有好多唔同的動物造型，
我買了我地一家四口，羊﹑猴﹑老虎﹑龍。

最近阿旺出trip，大頭妹有時都會搵爸爸，
可能佢記得之前我同佢講隻馬騮fumofumosan是爸爸，
呢幾日佢就成日攬住隻馬騮啦﹗
(眼淺旺...如果你係印尼有時間睇blog，記得唔好喊呀﹗)

之後有一日，大頭妹拎住隻馬騮出廳，
平時羊﹑馬騮同老虎都留係房的...妹妹隻龍比大頭妹放逐出客廳，
講笑啫，是工人姐姐拎隻龍比小丸子玩，但大頭妹又唔會要隻龍返房陪佢囉。
我當時係房唔知實際的情況，只是聽到大頭妹係廳喊，工人姐姐同妹妹就係細房，
大頭妹好少會無緣無故喊的，我出去睇下佢啦﹗
佢只是不停同我講 "cannot"...
我以為係唔係佢打妹妹啦 (最近真係成日打妹妹)，
之後入房打算問工人姐姐發生咩事...我一睇就知啦...隻馬騮去咗小丸子度﹗
可能工人姐姐以為佢唔比公仔同妹妹玩，所以幫小丸子 "爭" 贏咗大頭妹﹗

(霸玩具又是另有原因的...有時間再講﹗)

之後我就攞返隻 "馬騮爸爸" 比大頭妹，佢就無喊啦﹗
真係 "聞者傷心，見者流淚"，
呢個媽媽未免太誇張啦﹗
如是這呢幾日，大頭妹都攬住隻馬騮FUMOFUMOSAN同我講 "爸爸"﹗


就是呢4隻﹗



睡前的親子時間﹗

成日都攬實隻馬騮爸爸架﹗

仲有自己的老虎﹗

個樣幾冧﹗

HAPPY﹗

HAPPY﹗




再講多樣野比阿旺知﹗
星期日的時候，我同媽咪帶大頭妹去JUSCO，
佢見到佢最心愛的OREO餅，一手拎住一包，
之後婆婆問佢，係唔係一人一包呀？﹗
大頭妹: 一包我的，一包爸爸的﹗
大頭妹真係好乖﹗可能佢見爸爸出TRIP之前買餅乾？﹗
難怪阿旺偏心大頭妹，佢又真係好惜爸爸的﹗

阿旺...你係印尼返嚟，要惜多啲大頭妹，打少啲機啦﹗
雖然我知叫你完全唔打就冇可能架啦﹗


大家LIKE咗我地個PAGE未呀？

STRAWBERRY BABIES - 餵奶巾

p.s. 好好好多謝各位對阿旺的生日祝福﹗佢已經出發去了印尼啦﹗


今日幫自己的ONLINE SHOP宣傳一下，順便傳揚一下餵媽媽奶﹗


其實我覺得餵媽媽奶的最大障礙是出街的時候好難餵媽媽奶﹗
做媽媽奶媽咪有時真是出街食餐飯都好多考慮﹗
又怕出去的時間太長，又怕沒有適合的地方餵奶，
我自己就試過 "呢" 係洗手間廁格餵奶﹗﹗﹗

話說母親節的時候，想同媽咪食好少少，
就訂了家附近的酒店食自助餐，一心諗住酒店應該有育嬰室啦﹗
亦都已經帶了 4OZ奶出去，
當時小丸子都未滿 1個月，心想 4OZ一定已經夠啦﹗出去才 3小時﹗
誰不知...小丸子飲完 4OZ...竟然大喊﹗
我平時都是埋身餵，我從來都不知道小丸子食幾多奶奶﹗
咁...我就唯有帶小丸子離開坐位，睇下有沒有地方可以餵媽媽奶啦﹗
最後...我發現酒店的女廁好大，但竟然無育嬰的地方，就連一張櫈都無﹗
我唯有走入廁格餵奶﹗﹗﹗

其實真是幾尷尬，因為都幾多人出入，
我估人地都覺得幾奇怪，點解廁格會有BB聲，
我好似 "報紙" 間中都有一單係洗手間生BB的新聞咁﹗
出嚟仲要因為抱仲小丸子洗唔到手，就要直接行出洗手間...
真是尷尬C人﹗

之後我有同阿旺 "暗示" 過我想用餵奶巾，不過 "傳統" 的阿旺...就否決咗﹗
咁點解之後我會開始用餵奶巾，仲入貨在自己的 ONLINE SHOP賣呢？﹗
就要多得 "小娜執媽"啦﹗

又話說 6月的時間，我地一家約了小娜執媽一家晚飯，
晚飯的時候，小丸子又發作，食完成支 4OZ奶奶都喊 (大家明白她為什麼胖胖的)，
小娜執媽借了她的餵奶巾給我用，小丸子食飽飽就乖乖地瞓咗，
我地有餐安落茶飯食啦﹗
呢次之後...阿旺竟然自己主動叫我買餵奶巾用﹗﹗﹗
之後我發覺餵奶布原來是無比方便，
只要唔好坐是太OPEN的AREA，
其實亦唔會比人眼望望﹗


上次澳門的TRIP我都有用﹗
註: 小丸子正在食奶奶呢﹗



有一條餵奶巾，對餵媽媽奶的媽媽來講，真的好方便﹗
除了餵奶，其實比BB遮住瞓都幾好﹗我見小丸子用完之後都好好瞓﹗
有朋友探訪的時候，都可以大大方方坐係客廳，一邊餵奶，一邊同朋友傾計。
裝了IP CAM的媽媽，又可以安心坐係大廳餵BB﹗
就算去健康院都餵奶室都可以用，唔洗你眼望我眼的時候覺得唔好意思﹗

講開又講...我試過係瑪麗個育嬰室餵奶的時候，
有個唔知係爸爸/ 老爺 (年紀唔似老公)，竟然伸個頭入去同個囡傾計，
即時有護士去驅趕佢，
不過我地入面的媽媽都好無耐，亦好驚訝有咁無品的人，
個媽咪自己無叫佢爸爸/ 老爺走開囉﹗


每一條餵奶巾都有個袋仔。

仲有一個位可以放紗巾/ 奶咀。






大家LIKE咗我地個PAGE未呀？