傻夫婦一家四口生活日誌

2015年10月19日星期一

20150928@川龍飲茶/城門水塘行山一日遊 (上)

中秋節幾日假期，當然要約下朋友去玩，比小朋友放下電啦﹗一早約埋國皇同80後一家去郊遊﹗先去川龍飲茶，再去行城門水塘睇馬騮﹗可惜當日魚仔發燒，最後就得我地同國皇一家去玩啦﹗

其實我住係荃灣應該都有 20年，從來未去過川龍飲茶，原來係荃灣坐 85號小巴上去，都是大約 10-15分鐘車程，又唔遠喎﹗

呢度飲茶是全自助式，連茶都要自己沖﹗(真是麻煩晒 Mandy啦﹗)

點心當然都是自己拎﹗呢啲事...當然是 2位猛男做啦﹗

hehehe...我呢？﹗就坐係度影下小朋友啦﹗

小丸子因為要食，我地唔記得帶餐具，佢今日學識咗用筷子﹗

有 Mancent 陪，連大頭妹...都識用筷子﹗但我之後再要佢用，佢已經唔肯用，又要用返匙羹﹗真是激死人呀﹗

講返川龍的點心﹗味道都唔錯，食懷舊的味道，而且食完唔口喝，應該無味精﹗

叉燒包，比小朋友們食晒﹗

馬拉糕比較硬，小朋友唔幫襯﹗

鳳爪，普普通通﹗

牛肚好味道﹗

呢個雞札非常足料，竟然有好好味的芋頭，真是好感動﹗依家好多都無架啦，變咗條蟹柳﹗

咸水角，無特別﹗

呢個鵪鶉蛋燒賣真是好好味﹗蝦同肉的比例是一半，而且唔係淨係肥豬肉﹗

好耐無見過的紙包骨，阿旺話細個去酒樓好恨食，因為係大點，唔係次次都可以食﹗有時就係咁，我地細個生活可能窮少少，不過我地就學識 "珍惜"，依家小朋友，樣樣得來太易，反而唔識珍惜，不過又係小朋友的錯？﹗定係家長的錯呢？﹗

嚟到呢度，當然要食 "西洋菜" 啦﹗真是好甜好好味﹗

腸粉﹗小朋友的最愛﹗

呢個大包真是好大，入面仲好足料﹗

蝦餃，小丸子自己話要食，我估佢平時同爺爺嫲嫲飲茶有食﹗

沙翁

芝麻卷，呢度的芝麻卷是熱嘅？﹗

最後當然唔少得山水豆腐花啦﹗

嘩﹗大家估下我地食咗幾多錢？﹗
我地咁食法，最後埋單只是 $410﹗真是好抵﹗

大家LIKE咗我地個 FACEBOOK PAGE 未呀？未就快啲 LIKE 啦﹗

2015年10月15日星期四

產品試用: Dermatology Cosmeceutical Solution

屈臣氏最近引入咗源自韓國的護膚品牌 Dermatology Cosmeceutical Solution，今次我可以率先試用 DCS 保濕鎖水精華﹑DCS 亮白淡斑精華，和 DCS 亮白淡斑安瓶眼精華﹗

先講講 DCS這個品牌，產品重點成分是韓國濟州島東部的天然火山岩海水。海水滲透玄武岩層，經自然過濾後儲藏在地下，藴含豐富礦物質包括鈣和鎂，而且沒有暴露於空氣中，比一般深海海水更安全及純淨。火山岩海水對肌膚有多種好處，除了保持皮膚水分和彈性，更有效防止皮膚老化、增強肌膚免疫力。

DCS 產品的安全性亦備受肯定，獲韓國食品藥物安全部 (MFDS) 認證，證實成分有效改善皮膚，達致美白、抗皺雙重功效。此外，DCS 所有產品均通過「韓國皮膚臨床科學研究所」的皮膚測試，不含6種對皮膚有害的成分。

亮白淡斑同保濕鎖水精華都是吸管裝，

2支眼部精華都用上金屬離子滾珠筆頭設計，用起上來都舒服﹗

包裝簡單﹑衛生﹑易用﹗

先來試試 DCS 亮白淡斑 LINE﹗

DCS 亮白淡斑精華 (30ml)/ 售價：$279

含美白成分ILLUMISCIN - 由橄欖葉萃取物、抗壞血酸葡糖苷及Zinc PCA組成，

有助阻擋黑色素形成，並有效減少色斑。

均勻膚色提升肌膚光澤度。

具美白和抗皺雙重功效。

先滴上手試試﹗

好快就會比皮膚吸收﹗

哈哈﹗去到我呢個年紀，美白和抗皺真是好重要﹗

最近同 2個囡多戶外活動，啲斑真是好西厲﹗

用上面都感覺好舒服，唔會笠，亦唔會太乾，

好多美白產品都會有偏笠/ 偏乾的問題，

呢支搽上面的感覺有少少似 B5 GEL﹗

DCS 亮白淡斑安瓶眼精華 (10ml)/ 售價：$279

金屬離子滾珠筆頭設計，促進眼周血液循環。

含豐富水解膠原蛋白，有效抑制黑色素形成，消除浮腫及黑眼圈問題。

其實我自己是第一次用滾珠筆型的 EYE SERUM﹗

真是幾舒服喎﹗涼涼地﹗又可以順便按摩一下對眼﹗

碌完再用手指頭輕輕按幾下，吸收得再好啲﹗

DCS 保濕鎖水精華 (30ml)/ 售價：$279

含龍舌蘭仙人掌萃取物 - 水分儲存能力極高，含有豐富鐵、鈣、鉀、鎂等礦物質，

有效為皮膚補水及調節水油平衡。

含透明質酸鈉，其水份含量達其重量的6000 倍，

為皮膚細胞注入源源水份及保持肌膚彈性，增強肌膚抵抗力。

質地會比亮白淡斑精華厚身，

我自己覺得以我油性皮膚，晚上用會比較適合﹗

夜晚搽厚少少，依家夏天開住冷氣瞓，起身都唔會覺得皮膚太乾﹗

DCS 保濕鎖水眼部精華 (10ml)/ 售價：$279

含龍舌蘭仙人掌及海葡萄萃取物。

含透明質酸鈉，有助撫平乾紋及幼紋。

收緊眼袋，淡化黑眼圈。

舒緩眼周肌膚疲倦暗啞問題。

同老公試下，佢成日都偷我啲護膚品用﹗

hehehe...男人唔可以比佢有魚尾紋，會惹桃花﹗

大家LIKE咗我地個 FACEBOOK PAGE 未呀？未就快啲 LIKE 啦﹗

2015年10月12日星期一

中秋做節@20150927

今年中秋，我第一次係老爺屋企做大廚﹗

其實是因為老爺中秋前，入院做了一個小手術，唔可以太粗勞，奶奶問我中秋正日返去做節，我就自動請纓話我煮啦﹗(阿旺...要惜我多啲呀﹗哈哈﹗) 本來約了奶奶一齊買餸，不過最後奶奶早一日就去買齊材料啦﹗ 今次都是煮家常菜式，我唔敢亂來，一陣做節無餸食，就大件事啦﹗

今次我真正要煮的其實只有: 三色椒炒牛柳粒﹑南乳齋﹑蒸水蛋﹑蒸魚﹑炒菜，奶奶就預備了蒸雞﹑蕃茄薯仔魚湯﹗

蒸魚

睇相以為阿旺有份煮？﹗佢只是負責斬雞﹗

佢斬得好靚架﹗起埋骨﹗我教佢一次之後，就是佢負責，依家我自己已經唔記得點斬啦﹗

燒肉

三色椒炒牛柳粒

炒菜心

南乳齋

蕃茄薯仔魚湯

蒸水蛋...唔知點解...

我自從離開咗灣仔個廚房，就蒸唔返鏡面水蛋﹗

好彩 2個囡都幫我食晒﹗

今次失敗應該是因為件碟太大，火都太大...真是...好肉酸...

最後仲有蛋糕，因為都是老爺生日﹗

大家LIKE咗我地個 FACEBOOK PAGE 未呀？未就快啲 LIKE 啦﹗

2015年10月9日星期五

2015年 9月29日 (星期二)

今日約了大學同學食生日飯，9月才食 8月的生日飯，我的同學真是好難約，好似得我最得閒﹗今次壽星仔話想食日本菜，我就是 openrice 找找銅鑼灣的日本菜，比我找到【小平津】，原來都有同學試得，我反而第一次食﹗

我覺得水準非常好，類似家庭式的菜式，價錢也不貴﹗我們今日點了: 南瓜沙津﹑拉麵沙津﹑牛肉烏東鍋﹑魚湯烏東鍋﹑軟殼蟹卷﹑鰻魚豆腐天婦羅﹑燒牛舌﹑燒煙肉荔枝卷﹑吉列蠔﹑芥末八爪魚。

前菜都一點也不馬虎，有青瓜﹑黃蘿蔔﹑牛舌﹗好好味﹗