傻夫婦一家四口生活日誌

2015年12月7日星期一

大頭小丸【Mathconcept 進度】

唔經唔覺大頭小丸上 Mathconcept 都上咗 3個月，終於明白有時小朋友真是要比人教，我依家成個人輕鬆晒﹗諗返之前教大頭妹加數進位，真是教到嘔晒血，完全破壞親子關係﹗出去學呢？﹗我真是唔知老師用咩方法，依家計雙位加數都好穩陣，仲開始學 missing addend﹑時鐘﹑仲有文字題。

missing addend 應該是 K3下學期至小一學的，依家都是早半個學期，我覺得進度都唔錯，出得去學當然要學快少少，但我又唔係要佢 5歲背剩數表，數學最重要是明當中的 concept。

睇時鐘呢 part，大頭妹的掌握得唔錯﹗我仲記得自己細個學睇鐘，覺得好難﹗Mathconcept 的老師都有講過，佢地教時鐘時，會順便比返個 5的倍數的 concept 比小朋友﹗

其實我好 surprise好似大頭妹咁細的小朋友識做呢類似文字題，只可以話時代唔同，我見我之前同大頭妹做，佢都可以自己做，不過 Mathconcept 嘅會出啲 tricky 啲嘅題目，從而教小朋友睇題目﹗就好似圖中第 3條，6個蘋果 ﹑4粒士多啤梨﹑8杯果汁，總共有幾多個生果？﹗

2015年12月5日星期六

粉嶺健康長者農場@20151205

2015年12月5日 (星期六)

我地生活係香港呢個石屎森林，小朋友平時無咩機會接觸大自然，所以假期的時候，都希望盡量帶佢地去下郊外接觸大自然﹗哈哈﹗不過以我咁宅的性格，一個月一次都已經好叻架啦﹗

今次我地去到【粉嶺健康長者農場】，佔地約50,000平方呎，由長者義工擔任導師，傳授農耕心得，亦透過農耕體驗及田園活動，向社會人士推廣環保健康生活教育。其實今日是出席一個博客活動，順便帶小朋友去郊外玩下﹗今次的活動好豐富，我地首先參觀粉嶺健康長者農場，小朋友再可以整麵包，最後仲去 "掘蕃薯"﹗

呢個農場都種咗幾多唔同的菜﹗我地即食新鮮的粟米，真是好清甜哦﹗

之後就開始整麵包啦﹗小朋友有得玩麵粉，就最開心啦﹗

原來整麵包都唔係好難咋喎﹗大頭妹同小丸子都搞得掂，不過當然我地大人要執手尾啦﹗因為要整好一個麵團，都要少少力﹗

佢地整咗 A 同 J 字....不過焗完就唔係太似...會肥晒﹗

最後就是今次的重頭節目 "掘蕃薯"啦﹗小朋友有得落田玩都好開心﹗

有義工示範點樣掘蕃薯﹗

終於可以落場啦﹗估唔到真是掘到喎﹗

如果大家都有興趣，都可以自己組團參加架﹗

服務內容	收費 (每位)
A1. 「樂悠遊」半天優悠農耕體驗特色：讓參加者體驗半天田園生活，此活動適合不同年齡人士參加。時間：2小時 (可選擇於上午十時至下午四時內任何時段進行) 內容：  1.農場介紹及導賞  2.農耕體驗活動  3.鮮摘有機蔬菜 (自費項目)  4.可選擇以下一項活動：栽種盆栽幼苗或製作植物畫	每位$35 (星期一至五，假期除外) 每位$40 (星期六及日)
A2. 「耆樂無窮」半天優悠農耕體驗特色：為體弱長者而設，讓年長的參加者享受大自然的田園風光。時間：2小時 (可選擇於上午十時至下午四時內任何時段進行) 內容：  1.農場介紹及導賞  2.栽種盆栽幼苗  3.四季養生飲食工作坊  4.鮮摘有機蔬菜 (自費項目)	每位$40 (星期一至五，假期除外) 每位$45 (星期六及日)
A3. 「田園樂」生活日營特色：讓參加者於農場優閒地享受一天田園生活。時間：6小時 (上午十時至下午四時) 內容：  1.農場介紹及導賞  2.製作植物畫  3.時令田園食物工作坊  4.創意飽點工作坊  5.栽種盆栽幼苗  6.有機種植及飲食分享  7.農耕體驗活動  8.鮮摘有機蔬菜 (自費項目)	每位$80 (星期一至五，假期除外) 每位$90 (星期六及日)
A4. 「田園挑戰」生活日營特色：為喜歡戶外活動的青少年而設，內容以特色的集體活動為主。時間：6小時 (上午十時至下午四時) 內容：  1.農場介紹及導賞  2.製作植物畫  3.創意飽點工作坊  4.戶外集體遊戲 (1至2項)  5.農耕體驗活動  6.鮮摘有機蔬菜 (自費項目)	每位$90 (星期一至五，假期除外) 每位$100 (星期六及日)
A5. 租用農場場地健康長者農場場地可供團體租用作舉辦各式活動，收費如下： (1) 農場活動棚時間：最少2小時 (可選擇於上午十時至下午四時內任何時段進行) 收費：首2小時每小時$150，以後每小時$70 (星期一至五，假期除外) 首2小時每小時$200，以後每小時$80 (星期六及日) (2) 園藝治療閣及農場活動棚時間：一節時間 (大約3小時) 收費： $600 (星期一至五，假期除外) $700 (星期六及日)

粉嶺健康長者農場
新界粉嶺丹竹坑丈量約 DD76 地段1186
http://farm.ywca.org.hk/templates/farm/default.aspx

2015年12月4日星期五

小丸子學校旅行【錦田鄉村俱樂部】@20151204

2015年 12月 4日 (星期五)

有時真是覺得阿旺好偏心，雖然我明白工人姐姐辭職後，大部份時間都是阿旺請假留在家照顧 2個囡，但之前一早已經叫佢請假參加小丸子學校旅行，佢最後都無同我地一齊去，我仲已經比了錢﹗我個心總是覺得，如果是大頭妹學校旅行，佢是會參加的﹗

我地今次去旅行的地方，同前一個月家姐去的又唔同，今次去【錦田鄉村俱樂部】，其實我地每年都有嚟摘士多啤梨，由大頭妹 2歲半開始，今年 5歲半啦﹗其實錦田鄉村俱樂部都幾多野玩，除咗有得摘士多啤梨，仲可以 BBQ，食盤菜，餵小動物 (羊/豬/兔子)，碰碰車，電動車，可以玩足一整日﹗

講返今次旅行﹗一早 9:00 集合，行去碼頭時，買定個麵包比小丸子，不過佢食了 2口就比返我了﹗

佢地最近鍾意扮花花，應該是學校教，我見影團體相，老師都有叫佢地扮花花﹗

小丸子唔敢同豬﹑羊影相，只是肯同兔仔影﹗

玩集體遊戲之前，有少少自由時間﹗

係大草地吹下波波﹗

開始玩遊戲啦﹗

玩得好開心﹗

見到佢返學咁開心，真是太好啦﹗不過唔見佢個邊個同學特別好朋友？﹗

之後自費玩彈彈床，好似是 $25/ 20分鐘﹗

玩完就唔見咗條頸巾...第一次用咋﹗

之前食盤菜﹗

一場嚟到，點都要摘下士多啤梨啦﹗摘咗少少韓國種的 $40﹗

每次都要玩的動物電動車 $40/圈 (大約10分鐘以內)。

嗚嗚嗚...見唔見到我手上的士多啤梨？﹗我完全唔記得咗...返到屋企...變咗士多啤梨汁﹗

我地要早走，趕返去接家姐放學，所以要自己坐西鐡走啦﹗

交通:
西鐵:錦上路站下車 (C出口) ，
轉乘的士 3-4分鐘大約 $ 20
轉乘小巴:(總站)元朗市交通廣場斜對面開出、(途經)錦上路西鐵站 D出口對開→北圍村過了水頭村「鐵橋」留意，錦田鄉村俱樂部-門口落車 (早上5:45- 晚上9:40 每15-20分鐘1班)

服務及收費:
http://yl.com.hk/ktcc/price_new.htm

Skechers Twinkle Wishes 閃燈音樂鞋

其實我估好多媽媽都不會對 Skechers 的 Twinkle Toes 感到陌生，出街都見好多小妹妹著，可能是我自己無留意，原來 Skechers 仲有 Twinkle Wishes，有音樂的閃燈鞋﹗媽媽我真是好outdated﹗完全唔知道原來依家有「音樂閃燈」鞋？﹗小朋友著完真是好興奮﹗小丸子著起對鞋之後，每見一個人都要示範一次點樣會有音樂！

我又再次覺得自己好 outdated，原來呢對鞋的閃燈是有得開關，大家見唔見到魔術貼位有個心心，就是開關制﹗另外白色邊上的心心就是音樂閃燈位啦﹗要按個心心先會有音樂嘅﹗咁就唔洗擔心行行下有音樂打擾到其他人啦﹗

大頭妹自己揀呢款，佢話個藍色好 Frozen feel，同埋其實我都知佢，佢樣樣事都會考慮妹妹先，佢知小丸子鍾意粉紅色，所以每次我比佢揀，就算佢鍾意粉紅色，佢都會留返粉紅色比妹妹﹗

小丸子就一定係要粉紅色啦﹗

唔知小丸子去邊度學 "擺 post"，無教過佢 (我自己都唔識咁擺)，佢竟然識 "丁” 起隻腳，show埋鞋的側面﹗

真是超級無敵 post 王﹗

我真是服咗佢...

大頭妹就一向老老實實，似我...唔識擺 post﹗不過勝在企定定﹗

哈哈﹗師奶媽媽我專登揀大咗少少，留返新年有新鞋著﹗呵呵...所以依家未著得出街，每次出街佢地無停喳喳叫，話要著呢對 Skechers Twinkle Wishes 比朋友睇﹗

產品由 Skechers 提供。

Skechers:
網址: http://www.skechers.com.hk/
facebook: https://www.facebook.com/skechers.hongkong

2015年12月2日星期三

新玩具 HP Envy 7640 e-All-in-One 打印機

呵呵呵！我今日要介紹下我的新玩具！唔係部鋼琴，是鋼琴上面的 HP Envy 7640 打印機！其實屋企好耐都冇用printer啦，讀大學時有過一部，出嚟做野之後，大家都懂啦！不說太白了，反正就是沒有需要，到依家大頭妹讀幼稚園，忽然又再有需要屋企有部 printer啦！

依家時代唔同，讀幼稚園就需要有printer，當然唔可以話是必須，但如果有就會方便好多，無又真是幾唔方便咁囉！好似大頭妹咁，成日失驚無神返到屋企先同我講話要做資料搜集，一時又話要交家庭相，依家都唔興曬相，通常放晒係手機/ facebook 就算，有時真是要走落快圖美即時 print，如果太晏先出聲就真是無辦法，唯有叫佢遲一日交，好彩幼稚園都無話欠交功課要寫手冊之類，不過上到小學就一定唔得啦﹗

我地今次試用的 HP Envy 7640 (建議零售價: $1888)，有齊打印、傳真、掃描、影印、網絡、相片功能﹗

隨機有隻 installation cd rom，基本上電腦同 printer 上同一個 wifi，整個安裝都自動完成，連我呢個電腦白痴都做到就知非常容易﹗

仲自動有埋 photo creations同購買耗材的 icon。

由於地方所限，我家的電腦是在睡房，而 printer 就放在飯廳的鋼琴上面，不過只要上同一個 wifi，都一樣可以 print到﹗

我係房 print，大頭妹可以係廳收返佢份功課啦﹗

HP Envy 7640 e-All-in-One 打印機仲有一個進階流動打印功能，就是不論我是在家中還是在外面，都可從我的智慧型手機/ 平板電腦進行打印 (iPhone®、iPad®、Android™ 型流動裝置、Amazon® Kindle Fire 都 support架﹗)，阿旺話以後可以用放工坐車的時間，先慢慢幫大頭妹 print 功課，慳返好多時間﹗