傻夫婦一家四口生活日誌

2018年3月6日星期二

團年飯【潮庭】@20180213

2018年 2月 13日 (星期二)

眨下眼又一年，哈哈，眨下眼就 3月，依家先寫返 2月中的 BLOG，不過...暫時我都唔會放棄個 BLOG，個 BLOG 幫我記低好多開心事﹗今日就講下團年飯，其實又是去返潮庭，唔係北京樓就潮庭，然後每次都係叫個幾樣餸﹗

平時 HSBC 有個套餐，我地成日都點，所以大頭妹話要食龍蝦伊麵，佢係個種去到一間餐廳，就一定要食某一啲野既人 (即是怪人)，所以今日無套餐，原價 $388...都要叫...隻龍蝦仲瘦過大頭妹，平時以為是套餐，一分錢一分貨，今日原價食都咁細...真是幾離譜，下次唔係套餐一定唔會叫﹗

其實...食返潮州野未好﹗鵝片好正﹗

蠔餅好味道，今日唔記得叫走青﹗

炸子雞，團年飯又點可以無雞呢？﹗

因為...次次叫菜都中伏，今次叫個煲，諗住菜唔好味，都有魚蛋食下﹗

蠔仔粥好味道，又係唔記得走青﹗

今日廚師失手...超咸，連我平時食得幾咸既人都覺得咸...

2018年3月5日星期一

大學同學聚會【北角大紅袍】@20180112

2018年 1月 12日(星期五)

嘩﹗真是好耐好耐好耐無同大學同學打邊爐，應該都有 10年...HHAHAHA...今次去試北角區好出名的【大紅袍】，自己住東區都是第一次去，平時都是去天后的滾得盞多﹗UM...如果要我揀，我都係鍾意滾得盞，不過...阿旺話食完大紅袍唔口渴，食完滾得盞口渴喎﹗

打邊爐幾時都係人多一齊打好，可以點好多唔同的食物，我成日同阿旺 2個人打，叫碟牛﹑丸﹑菜，就已經差不多，試唔到太多野﹗

個牛...好似唔係好抵食，呢個拼盤要 $3XX，但同學仔話平時好似多少少，仲有牛肉砌成既朵花，唔知點解今日無咗？﹗

十分之有水準的餃子﹗

醉雞好夠醉﹗

魚我唔好...阿旺話好味﹗

魷魚申

最後仲有西瓜﹗正﹗

2018年3月2日星期五

小丸子K3家長日

2018年 1月 27日（星期六）

今年小丸子家長日遇著大頭妹學校閱卷日，要一日走 2場，好彩都係同一個山頭，行上行落咁解。

今次見老師都無咩特別，因為今年好唔好彩，開學以來換咗3個老師，依家個班主任都是對咗佢 2-3個月到。老師話小丸子個人好粗心、粗枝大葉、粗粗魯魯，話佢好多野應該唔係唔識，不過就好心急，心急就做唔到😅😅。

不過佢話佢同同學相處就幾好，個人無咩所謂，所以同學都鍾意同佢玩。

睇佢個笑容，上堂都幾開心。

見完家長都有小朋友既作品展。

小丸子又畫得幾靚喎！

之後去小學部接睇完卷既我！

睇完家姐啲卷真是火冒三丈！個人粗心大意到呢⋯⋯到阿妹時真是唔知點算。

2018年3月1日星期四

新工作

最近真是好少寫BLOG，寫咗 BLOG又無 UPDATE 過 Facebook，尤其一啲唔想比太多人知的事，hahah…好似好矛盾…唔想人知又寫 BLOG，其實想當年寫BLOG 都無諗過會有咁多人睇，寫BLOG真是想記低自己的生活，比自己之後睇返，依家有時自己睇返都覺得時間真是過得好快，都寫咗 10年 BLOG有多﹗

其實我最近轉咗工，係 BLOG好少講自己工作，畢竟我唔太重視私隱，又唔代表我老闆唔重視，所以好少提工作，尤其我地做小秘，老闆的 PRIVACY 永遠是第1﹗今次要離開自己工作咗 10年的公司，其實都有少少唔捨得，始終…份工比我好大自由，又有時間寫下 BLOG，又有時間湊下女。不過老闆都差不多退休，我自己都要為自己打算一下，所以上年暑假後就開始搵工，點知可能大頭妹習慣我早放工，有一排放工成日要去見工，佢好似個人遊晒雲，所以我又停咗一陣，無自己搵，搵咗個 AGENT 幫我搵，個 AGENT 都唔錯喎，介紹咗 2份比我，一份有 SECOND IN，見完忽然話唔請秘書，都係請 PROJECT COORDINATOR，之後另一份就見成咗啦﹗

新工作都係小秘再加少少行政，終於都返返中環，唔洗再做山頂OL啦﹗