16週啦﹗要補啦﹗要補啦﹗

其實不經不覺都已經 4個月啦﹗今個星期都16週啦﹗今次都真是好少講大肚的事﹗睇返上次，都是16週的時候，已經出了7個BLOG﹗其實我今次陀得辛苦好多，我仲懷疑我陀今次呢胎是有少少產前抑鬱﹗又不是十分嚴重的，只是對生活提不起勁，好似之前話唔想寫BLOG ﹗少少事就會發阿旺脾氣，唔鍾意佢自己出去玩呀﹗最最最奇怪是有時唔知點解會諗個BB係肚入面會唔會死咗？﹗上次陀大頭妹的時候，完全無呢個諗法﹗所以我估都是賀爾蒙的影響﹗

而且今次真是 "真真正正" 比我感受一下大肚，所有大肚會唔舒服的現象都出現晒﹗作嘔 ，大約由6週開始到12/13週，未真是嘔過，只是作嘔加胃反反咁，依家好少少啦﹗便秘， 我一向都一日一至2次，每次15分鐘之內一定完成，今次就3日，有時4日先一次，一次要去成30分鐘﹗阿旺話我上次話唔識生是因為無便秘，所以今次個天比我練習一下喎﹗

今次因為要照顧大頭妹，而且有咗工人姐姐，阿旺反而無咁緊張，上次3個月就開始煲野比我飲架啦﹗所以之前有BLOG友留言話 "第一胎睇書養，第二胎當豬養"﹗唉，其實是真的，由陀BB的時候就已經有分別﹗

用HSBC CC的REWARD CASH換購的﹗產前產後補身靠它了﹗

雪耳紅棗鮮奶煲雞

桑寄生蓮子蛋茶

第一次產前驗查@贊育

2011年10月18日 (星期二)

晨早 8:30就要去排隊做檢查﹗今次都是去政府醫院生，話晒可以慳最少 $4萬﹗夠交大頭妹幼兒園一年的學費/ 比工人姐姐一年的人工啦﹗

今年好好，竟然有得免費做OSCAR SCAN，又慳 $1800﹗上次生大頭妹的時候，都要自己出去搵私家醫生做﹗不過由於我 "記得" 的最後一日經期同照ULTRA SOUND計出嚟的預產期有出入，所以我無得同日做埋 OSCAR SCAN，要再約另一個時間做﹗

其實第一次CHECK UP，主要都是開 FILE，磅下重﹑量血壓﹑抽血驗血，今次都好順利，好快就完成，出門口例牌又有好多BB會入會，填完就出發去食BRUNCH﹗

諗住試過蓮香樓，未試過蓮香居，就去試下啦﹗點知...就出事啦﹗完全兩回事﹗又唔多選擇，又唔好食﹗

麻蓉包真是 "麻麻"地﹗

一睇就知唔係皮薄餡靚﹗

整餐最滿意就是呢碟3色糕﹗

好耐未見過的車仔﹗

鳳爪都只是一般﹗

腸粉又是麻麻地﹗

呢邊的灌湯餃唔知點解冇湯？﹗

叉燒包...只為飽肚之叫，全場推來推去來來去去都係個啲...

係極度不滿足下...唯有去食返個HAAGEN DAZS﹗

大頭妹面試大作戰 (1)

上上星期六，帶大頭妹去見幼兒園的預備班﹗第一次面試，其實我都幾緊張，大頭妹當然不知道發生什麼事，阿旺爸爸就唔洗講，佢個人一向 “天跌落嚟當被冚” 。面試的時間是 11:30，我地 11:00就到了北角，快快手手食個早餐，一去到幼稚園的門口，嘩，已經有一條長長的人龍﹗個心又開始緊張啦﹗

因為是小組面試，好快我地就可以入去啦﹗入到去再分唔同的班房面試 (一次大約 10-12人)，一個家長負責同小朋友一齊面試，另一個就要去聽講座﹗我同大頭妹去面試，阿旺就聽講座。入到課室分2行坐，小朋友坐前面，家長坐後面，一坐底我就同大頭妹講 “SIT DOWN PROPERLY”，點知…之後佢真是郁都唔郁﹗

面試內容其實都是玩下遊戲唱下歌，再睇下小朋友的反應﹗有大約8個老師一齊見﹗一開始就問 EYES， NOSE，EARS，MOUTH，我不知幾開心，開正大頭妹個範﹗點知佢竟然只是做NOSE同MOUTH，平時佢係屋企會一邊做一邊講，佢識講晒架﹗其中一個外籍老師行過嚟的時候佢都有做，老師都有讚佢GOOD GIRL﹗

之後就唱 HEAD & SHOULDERS﹗我又勁開心，日日都唱3-5-7次架啦﹗點知學校唱舊版 (慢版)，大頭妹聽開新版，佢做完第一次之後就發現有唔同啦，第2次就唔做﹗之後主任老師行過嚟的時候問 TOES，大頭妹就指住自己的腳講 TOES，主任老師讚大頭妹叻叻﹗

第3樣是問生果同講故事，問小朋友鍾意食蘋果﹑橙﹑香蕉的就舉手(英文問)，大頭妹一聽到 HANDS UP就舉手，仲舉晒 2隻﹗全班得佢一個舉手咋﹗

最後就一齊唱歌唱 IF YOU ARE HAPPY，又是成日聽的，大頭妹即時拍手，之後要STEPS，不過坐係度STEPS唔到，我就叫佢企起身，佢就一邊拍手一邊STEPS，唱完全部人一齊拍手，大頭妹可能以為啲人讚佢，仲好大聲咁講 “好野﹗”， 啲家長同老師都笑咗出嚟﹗走的時候老師仲叫大頭妹 KEEP DANCING﹗不過最後老師同大頭妹SHAKE HAND，大頭妹竟然縮手﹗﹗﹗天呀﹗平時出街見到其他小朋友就衝埋去同人SHAKE HAND，仲大大聲講SHAKE，通常...都會嚇走人，老師同你SHAKE HAND，你竟然縮手﹗

面試中段，老師會行去家長身邊問一啲日常生活的事，例如平時邊個照顧小朋友，爸爸媽媽花幾多時間照顧小朋友，飲食&睡眠習慣…因為我生了2大粒痱滋 (1粒仲要生在舌頭上)，本來想叫阿旺同大頭妹去面試，但我又唔放心阿旺，最後都是出門口的時候，飲了一大杯冰水，痺一痺2粒痱滋，等我可以講到野﹗好彩我自己入去，岩岩同我地面試的是一位外籍老師﹗阿旺都一定識答，我講就會講多少少囉﹗

面試結果下回分解﹗

慶祝拍拖10週年@伊呂波

寫BLOG真是有好多好處﹗
HEHEHE...好似昨天的BLOG，
一出就收到阿旺的電話。
佢聲稱佢記得我們的拍拖紀念日﹗
只不過未諗到點樣慶祝...
佢仲話打算係屋企附近吃晚飯慶祝﹗

係屋企附近吃晚飯???
成日都係屋企附近吃晚飯架啦﹗
比咗10年青春你...你夠膽同我講係屋企附近吃晚飯？﹗
之後我就係 FACEBOOK寫到 "夠膽就約我去火頭山食拉麵吖笨﹗"，
阿旺又9秒9打比我，
佢今次竟然提議去 "波士頓" 食牛扒﹗
佢佢佢...真是好大個膽﹗仲唔怕死﹗

我用好 "溫柔" 的聲線問佢，咁同去火頭山有咩分別呀﹗呀﹗呀﹗" ，
佢仲竟然答我 "波士頓" 真是有 "火" ﹗
我個心都有 "火" 囉﹗

最後我睇返上年的BLOG﹗
我地去食大閘蟹...但原來我本身想去伊呂波...
好啦﹗之後一直都無食伊呂波﹗
今年就去食燒肉啦﹗
點了一個2人迷你餐，
最近加了價，依家要 $430，都真是幾迷你﹗
勝在樣樣食物都有少少，可以一次過試晒雞﹑牛﹑豬﹗

圍裙

沙律

前菜

鹽燒豬頸肉&牛舌

鹽燒大蝦

好專心的阿旺...想當年...同阿旺第一次2個人食晚燒，都是食燒烤﹗

牛牛2款

野菜

海鮮薄餅

雞&五花腩

好熱鬧

之後再去滿記食甜品...SWEET SWEET 下﹗

阿旺的榴槤飄香加雪糕


我的雞蛋布丁 (只是加 $5)


SHARE食的榴槤PANCAKE﹗

SOGO THANKFUL WEEK - 傻老婆敗家週﹗

HEHEHEH...又到一年2度的SOGO THANKFUL WEEK啦﹗
其實我覺得，次次SOGO THANKFUL WEEK，都是比啲藉口我地啲女人去買野﹗
有時買埋啲野，根本就無用﹗為買而買，為平咗個一百幾十去買﹗
不過算啦，我生完大頭妹之後都好少去敗家啦﹗
當比個機會我敗下囉﹗

今次買得唔多﹗因為我根本無去，全程搖控我阿妹幫我買﹗

終於都買了SHU UEMURA的MOUSSE BASE，因為呢SET太抵啦﹗
$340有一支貨裝的MOUSSE BASE，一支 50MLTONER，一支50ML洗面油，同一盒BB碎粉﹗

盒BB碎粉仲要好鬼靚﹗有埋粉撲﹗

另外就是次次THANKFUL WEEK都買的洗面油﹗

之後...因為阿妹排SOFINA個COUNTER排咗個幾鐘，佢叫我都買少少野，等佢排得抵啲﹗
用開的UV又岩岩用晒﹗好啦﹗買返SET啦﹗又是有BASE...我要努力啲打底先得啦﹗

其實我呢幾日都放假，希望我呢1-2日會的起心肝去一轉啦﹗
我仲想去買衫﹗買BB野﹗總之就買買買啦﹗