大頭妹的生日禮物 2

上次講完阿旺送比大頭妹的生日禮物，今次講下我送比大頭妹的生日禮物﹗由於大頭妹實在有太多玩具，我今次買了畫具比大頭妹，有時間可以陪大頭妹畫畫﹗佢都幾鍾意畫畫架﹗比幾張白紙同幾支畫筆比佢，佢可以自己玩半個鐘，HEHEH...咁我就有半個鐘的自己時間啦﹗

閃粉筆 (膠水)﹗上次佢係PLAYGROUP整皇冠的時候用過﹗

24色CRAYONS﹗有排玩啦﹗如果佢唔整爛的話﹗

泥膠，一直想買，不過之前太細，怕佢會食。

手指畫水彩，好似成日冇貨，一見即買﹗

問佢幾歲，佢會做 2的手勢﹗

好認真咁畫畫﹗

起初都幾山靚架﹗

對手好恐怖﹗

點知之後...


原本想叫大頭妹打幾個手印，我再寫 HAPPY FATHER'S DAY 送比阿旺的﹗

之後要佢自己收拾畫具﹗良好的習慣要自小陪養﹗

第二胎當豬養？﹗

 

 

 

之前有BLOG友講過 "第一胎睇書養，第二胎當豬養" ，唔知點解我好記住呢句說話﹗HEHE...可能因為我是一個好重視公平的人，所以我時時都提醒自己要公平﹗唔好當小丸子是豬﹗哈哈﹗亦因為呢個原因，小丸子NEW BORN的衫，幾乎全部都是新的，HEHEH...其實都是女人買衫的藉口﹗

不過好老實講，第一胎又真是會緊張好多﹗當年真是日日跟醫院的指示，記底幾點食奶，幾點換片，開大定開細﹗今次...都有記...間中﹗ 又冇餐餐奶之後抹面(因為小丸子食完奶奶通常都會瞓，我唔捨得抹醒佢)，又成日唔記得換片 (其實都是因為小丸子成日瞓，記得換片的時候又瞓咗，唔想整醒佢)﹗因為成日唔記得換片，所以DIAPER CREAM好重要﹗小丸子仲未戒夜奶，我通常3:00 - 4:00都會換一次，到 7:00- 8:00先再換第2次﹗有時唔小心瞓耐咗，都會6:00先換﹗所以我夜晚最後一次換片，都一定會搽DIAPER CREAM﹗

多謝 SWISS KISS LAB邀請我試用佢地的BABY DIAPER CREAM，佢的主要成份有瑞士雪絨花精華﹑阿爾卑斯山冰川水﹑乳木果油﹑椰子油﹑葵花籽油和甜杏仁油，產品成份99%取自天然，不含人造香料，香味 100%來自天然香料，可以放心比BB用﹗用咗大約一個月，用完之後好似有個保護膜，隔開尿尿同便便﹗

難得清醒的時間﹗不過都係迷迷糊糊咁樣﹗
佢通常夜晚 8:00-12:00的時候最清醒...有時到2:00都唔瞓...

MADE IN SWISS架﹗


我都有比大頭妹用，用嚟搽佢皮膚敏感的地方﹗因為DIAPER CREAM除咗可以預防尿布疹，其實都有助保護皮膚，同舒緩敏感的作用﹗之前大頭妹發燒之後心口同腳仔出了少少疹，我都有用嚟搽﹗


佢質地比一般CREAM厚身﹗搽完之後起碼大頭妹無再抓﹗


網址: WWW.SWISSKISSLAB.COM

全職媽咪日程表

做了全職媽咪都未夠一個星期 (3日半)，真是發覺全職媽咪唔易做﹗

我每日的行程如下:

7:00 -  8:00   餵小丸子奶奶/ 預備大頭妹的早餐/ 煮阿旺的早餐 (間中)
8:00 - 10:00    暗小丸子瞓 (佢唔瞓我咩都唔洗做)/ 陪大頭妹食早餐，之後再洗面﹑刷牙/ 抹地
10:00 - 11:00    餵小丸子奶奶/ 洗衫掠衫/ 預備大頭妹的午餐
11:00 -12:00    大頭妹早點時間 (通常食生果)/ 陪大頭妹玩/ 餵大頭妹食午餐
12:00-1:00    自己午餐
1:00 - 2:00    餵小丸子奶奶/ 陪大頭妹玩
2:00 - 3:00    幫兩個寶寶洗白白
3:00 - 4:00     餵小丸子奶奶/ 陪大頭妹玩
4:00 - 5:00    暗兩個寶貝瞓晏覺
5:00 - 6:00    餵小丸子奶奶/預備大頭妹的晚餐/ 期待阿旺快啲返屋企
6:00 - 7:00   餵大頭妹食晚餐
7:00 - 8:00   預備晚餐
8:00 - 9:00   晚餐/ 餵小丸子奶奶
9:00 - 10:00   睇電視
10:00   入房暗大頭妹瞓覺

其實我都覺得都唔算太辛苦，但...對手就 "鞋" 晒囉﹗又要手洗BB衫，照顧NEW BORN又要不停洗手﹗我都係覺得OL岩我多啲﹗
  
大頭妹的茶點﹗無印的芒果布丁﹗

大頭妹竟然唔食芒果，我仲落咗勁多﹗

自己煮返晚餐，好在 "寶刀未老" ，阿旺話好好味﹗我自己都覺得好好味﹗

南乳雞翼﹗

早點自己食蘋果﹗

大頭妹呢幾日都好乖﹗

好在小丸子都瞓得幾多，如果好似當年大頭妹咁...我就真係暈係度﹗

最開心就是佢地都瞓晒的時候﹗

大頭妹的生日禮物 1

哈哈﹗大頭妹的生日都過了一個月有多才有時間寫她的生日禮物﹗
其實因為我真的不太重視禮物，
加上今年真的沒有時間，
很遲才買了生日禮物給大頭妹﹗

玩具真的太多，所以今年買靚衫﹗
靚衫...對於女人來講...幾時都唔會覺得多﹗
阿旺專登去OCEAN TERMINAL買架﹗


好少女的眼神...其實...佢等梗爸爸係廁所 "開大" ﹗﹗﹗

同佢講靚靚，即擺POST﹗仲識拎起條圓枱裙轉﹗

大頭妹: 我條裙靚唔靚呀？﹗(FROM: UNITED COLORS OF BENETTON)

 

另外，仲買咗靚襪仔﹗
之前買$120/10對，佢次次著都話DIRTY﹗
其實可能是因為有線頭，著得唔舒服。
今次著完問佢有冇DIRTY，
佢竟然答我 "舒服" ﹗
依家的細路仔真識野﹗


ELLE靚襪仔，$29@。


今次的生日禮物是阿旺揀的﹗
下一篇PART 2，是我揀比大頭妹生日禮物﹗
不過不是衫，是畫畫的用具﹗

自湊大頭妹與小丸子

工人姐姐上星期五走咗啦﹗我要開始我自湊兩個小寶貝，加做家務同煮飯的生活啦﹗

頭2日就好輕鬆啦﹗星期六有媽咪同阿妹幫手，上午大頭妹又要返PLAYGROUP，通常返完都會好攰，返到屋企就會瞓晏覺﹗星期日我地返媽咪屋企，帶大頭妹去會所游水，游完足足瞓咗3個鐘﹗佢一返上樓就同我講 "玩水水好開心" ﹗

噚 日先係我第一日正正式式自湊2個﹗不過下午奶奶幫我帶咗大頭妹出去玩，所以都係得一個上午啫﹗HEHEH...好開心，因為好順利﹗一早起身同大頭妹一齊 食粟米片，佢食咗半包細盒的，之後再飲咗4 OZ奶﹗11:00食咗半個蘋果，加幾塊餅乾。12:00食咗一杯芒果布丁。之後就跟嫲嫲出街啦﹗我午餐都冇同佢預備﹗小丸子就好乖，食完就瞓，我仲有時 間洗咗一機衫，同手洗小丸子的衫，加大頭妹的手巾仔﹗仲有時間打呢個BLOG﹗

無工人姐姐之後要自己煮飯，我個blog可能會多返煮食blog﹗heheheh...

星期六的蝦仁炒蛋


暫時大頭妹都只是星期日去完婆婆家，返到屋企的時候搵過工人姐姐一次﹗之前有同事同我講，佢轉工人起初好怕小朋友唔習慣，點知佢個仔搵都冇搵過工人 (佢個仔仲要跟工人瞓)﹗好明顯工人花好多時間去湊小朋友，但真是付出幾多真心？﹗